11-03-2008, 06:27 PM
|
Guest
|
|
تاريخ التسجيل: Jan 2007
المشاركات: 18,846
معدل تقييم المستوى: 0
|
|
يا مومن الريفي انا جيتك زبون
جيتك على مدحك من الناس وعنـــــيت
جيت وتعالى الله عما يشركون
لولاه يا مومن لطبك مهتديــــــــــــــت
راضي بحكم الله على مهما يكون
عالج عيوني لو بعد طبك عمـــــــــيت
ودي اخاشر في البصر من يبصرون
واشوف دربي لا سرحت ولا ضويت
ولا قنصت اثبت مع اللي يثبتون
واشوف طيري كل مو ميت ودعيـــت
ياكثر ما يضرب خويي الطبلون
من كثر ماكلته مطبات وكليـــــــــــت
ودي اشوف اللي علي يعرضون
وبعض الليالي ودي اسري دون ليت
واشوف ناسن في القفا ما يرحمون
اما وقفت لصاحبي والا مشيـــــــــت
من دون نظاره والاهم يحزنون
ياكثر ما كسرت كشمات وشريــــــت
لاكنه يادكتور جعلك ما تهون
ابغيك بكلمة راس دامك ما بديـــــــت
اسمع ولو اللي وزانك يسمعون
ربي كتب اكشف لك اسراي وجيــت
صورة عديل الروح عندك في العيون
واخاف تقطعها بموسك ما وعيـــــت
والا عليك اطوها تحت الجفون
وعقبها لو تقطع عيوني ما شكــــــيت
|