من صارت الخوه ثمن حفنه تراب نفس الوجيه اللي نصوني نسوني
من غير ذكر عروق وفروق وانساب كانوو ثلاثه والثلاثه جفوني
علمتهم وشلون الاهداف تصاب ولما سواعدهم قوت صوبوني
عشاني اصغرهم عمر صاروا احزاب عشاني اصدقهم قصيد اضلموني
الي نجاح اسمي زرع فيهم انياب حتى النصيحه ما بغو ينصحوني
دام العطايا عندهم دين واعتاب والله لو اطلبذنبهم ماعطوني
طالب نصيحه كني مطالب رقاب هذي نصيحه كيف لو زوجوني
جيت اكتب لنفسي مشاريه وعتاب ولا ادري ان اللي قروني قروني
تضاربت من دوني عقول وابواب واجد بغو غيري واجد بغوني
اقفل هدب تسهر على شعري اهداب كني حبست رقادهم في جفوني
لو شفتهم واحد يشوفوني اسراب من وين مامدو نضرهم لقوني
اثري وجودي بينهم محرق اعصاب ومزعل بعضهم من بعض لو طروني
ياكبري بعيني وانا توني شاب واهم كتاب الشعر حاربوني
حتى ولو يهوي على نجمي شهاب يكفيني ان اسمي كبير بعيوني
كد قال ابوي ان هبتهم قول ما هاب لو يقدرونك قول ما يقدروني
ومادام قبري محتضن راس مرقاب على كثرما تقدرون ادفنوني
لوماني بذيب انهشت عظمي ذياب لو ما عرفت اثبت وجودي لغوني
لو ما سكنت وجيههم مت بغياب لو ماعرفت امحي ورقهم محوني
لو ما دبلت كبودهم شعر واخطاب كان ادبلو كبد اللذي خلفوني
ياويل وجهي كن للدمع مخلاب ما جف ماه وما استحى من طعوني
كل ماطرالي منظر مريب وارتاب كان الوحيد اللي يحرك شجوني
قبله صلاه وذكر وخشوع وكتاب وامي على سجاده النور دوني
تدعيلي الله يفتح بوجهي ابواب وتتوسله بالشده يكون عوني
من كثر ما خفاقها بالدعا ذاب صارت تحس ان زملاي كرهوني
بشرتها يمه معي ربع واصحاب ماني لحالي واجد اللي يبوني
من يوم ما حذ قلمي كل الالقاب قلبتهم في دفتري واحفضوني
الله وهبنيهم بني عم واجناب من يوم جيت اعجبتهم واعجبوني
واعجابهم فيني ماهو بايت عجاب باسلوبي بشرحي بطرحي بلوني
لو قلت عن نفسي بشر قلت كذاب لوقلت دمي من ذهب صدقوني
لو كيفهم كان ازرعو دربي اعشاب لو بايدهم يتشبهون اشبهوني
من كثر ما صاروا من طبوعي قراب حتى بلبسه شمغهم قلدوني
واجد دعوني واغلقو دوني الباب وكثــار ناس ابكي لهم ما بكوني
لو طالوا لهدمي مناسيب واطناب كان والله من زمان اهدموني
ما دام حطوا فيني عيوب واسباب جنبت عنهم مثل ما جنبوني
اصلا لو بخوتي شي ينعاب ذبحت نفسي قبل لا يذبحوني
انا يدي لو ماكست متني ثياب نذر على اقطع يدي من متوني
مو عيب اجي مدعو ولا اشوف ترحاب العيب لواني رجعت ان دعوني
ما دمت اجي ولا يحسبولي حساب حرمت اجي اذا يبوني يجوني
22-03-2008, 05:40 PM
العرض العادي
