ما ارائكم حول : استيراد السيارات المستعملة من الخارج وبخاصة من دول المنشأ

الحياة وقفة عز · #1 (**permalink**) 17-09-2010, 09:09 PM

السلام عليكم ورحمة الله وبركاته

عندي ولد عمي تعرف على صديق عراقي الجنسية

مع ان علاقته ما استمرت مع هذا الرجال الا شهر واحد تقريبا

الحين الرجال العراقي هذا يتصل على ولد عمي من رقم من المانيا

ويقول انه يصدر سيارات لدبي وقال اذا تبون ارسل لكم سيارات تكون واصلة عندكم باسعار خيالية مثلا:

قال لنا بي ام دبليو موديل 2009 ماشية 22 الف فل ابشن واصله لدبي بقيمة 35 الف الى اربعين بالكثير

واليوم اتصل من اليونان يقول انه عنده بي ام اخرى موديل 2007 لون عنابي افل ابشن بحالة الوكالة واصلة الى ميناء جدة ب45 الف ريال

وعرض على ولد عمي انه ياخذها بالنص لانه يقول انه اشترى سيارات وما عنده سيولة

ولد عمي يقول الرجال صادق ... وانا شككت بالموضوع نظرا لتدني الاسعار بشكل خيالي

يعني السيارة الي قيمتها 45 الف واصلة لجدة تباع حاليا بالاسواق بحدود 200 الف !!!!

فيا اخوان هل هذا المشروع واقعي , وهل به جدوى

لان الرجال يبدي استعداده انه يرسل سيارات حسب الطلب

وفقكم الله ورعاكم

هبشه · #2 (**permalink**) 17-09-2010, 10:01 PM

أنا خالي يشتغل بنفس الشغله ذي بالضبط,, هو يجيب السيارات من امريكا توصله على دبي ويروح ياخذها مناك,, هو من جده.. على فكره هي طبعا تكون سيارات مستعمله ويضبطها ويبيعها بأسعار مقبوله هنا وماشاءلله عليه مبسوط ماعليه,, هو بالبدايه كان متفق مع واحد امريكي تعرف عليه في جده في البدايه كان في شوية مصاعب بس بعدين توسع في عمله لدرجة انه فتح له غراج في مدينة دبي !

قاصر الشر · #3 (**permalink**) 17-09-2010, 10:31 PM

^^^
دام انه يجيبها من دبي ...السيارات مصدومة

هبشه · #4 (**permalink**) 17-09-2010, 10:52 PM

888
للأسف ان مافيه وجه يعبر عن الغثيان!!!
لو سمحت يا اخ حاكم,, انت ملاحظ اننا قلنا مستعمله صح!!!! لكن مش مصدومه يا بابا!

محمد الطميحي · #5 (**permalink**) 17-09-2010, 11:02 PM

أخي إذا تستطيع السفر لجلبها بنفسك فوالله هو الأفضل
حبي وتقديري

نشبه · #6 (**permalink**) 17-09-2010, 11:03 PM

موفق بإذن الله ... لك مني أجمل تحية .

الحياة وقفة عز · #7 (**permalink**) 17-09-2010, 11:29 PM

هلا هبشة
انا الرجال هذا هو يقول يرسلها لنا الى جدة للميناء وبعد ذلك تصير مسؤليتنا
لكن انا ما وثقت من كلامه للفرق الهائل بالسعر
قلت اخاف انه يبي يغرينا وتطلع السيارة مقصوصة ولا فيها مشكلة او ما يوصلنا شي اصلا
فهل السعر الي ذكرته انا فوق منطقي
شكرا لك
======================
هلا حاكم انت رديت علي هناك في منتدى البيع
هل تعتقد ياخوي ان السعر الي ذكرته فعلي ولا لا
خصوصا انه الحين باليونان ويقول لو تبون ارسل لكم
هو الرجال كل يوم في دولة !
والسيارات حتى لو كانت مصدومة صدمة خفيفة مو مشكلة لانه البي ام الي بالمانيا قال انها مصدومة صدمة خفيفة
شكرا لك
=========================
ابو يحيى
والله السفر صعب شوي
بعدين انا ما ادري النظام يسمح للشخص العادي يدخل اكثر من سيارة ولا لازم يكون عنده معرض
بالتوفيق
=================================
هلا نشبه
والله تخوف انت مباحث *_^
مين جاب طاري التهريب هههههه
الله يوفقك

شوف بنفسك · #8 (**permalink**) 18-09-2010, 02:09 AM

والله حاب هالشغلة من زمان ودي اغامر

وموفقين يا رب

زهرة برية · #9 (**permalink**) 18-09-2010, 02:21 AM

اقتباس:

المشاركة الأصلية كتبت بواسطة هبشه

أنا خالي يشتغل بنفس الشغله ذي بالضبط,, هو يجيب السيارات من امريكا توصله على دبي ويروح ياخذها مناك,, هو من جده.. على فكره هي طبعا تكون سيارات مستعمله ويضبطها ويبيعها بأسعار مقبوله هنا وماشاءلله عليه مبسوط ماعليه,, هو بالبدايه كان متفق مع واحد امريكي تعرف عليه في جده في البدايه كان في شوية مصاعب بس بعدين توسع في عمله لدرجة انه فتح له غراج في مدينة دبي !

ليش يرسلها دبي .ليش مايرسلها جدة ؟