هل صحيح تم الغاء نظام الكفاله ؟؟؟؟؟؟؟؟؟؟؟؟؟؟

[ليت اليالي]

انا نويت انقل عامل الى كفالتي وانصدمت ب انه يقول خلاص الغو نظام الكفاله


هل هذا صحيح

[تاجر متمرس]

مستحيل .. لو الغيت الكفاله راح يفتح الباب للعماله بالهرج والمرج دون رقيب او حسيب وبتصير فوضى

الغيت الكفاله للمستثمر الاجنبي فقط

امكن يقصد بان باب نقل الكفاله وقف في الوقت الحالي ومعاه حق راح يفتح النقل بعد رمضان حسب علمي

[الجارح الحر]

ايه بيلغونها بسبب "التستر" ..
حسب كلام وزير العمل في الغرفة التجارية قبل يومين .. أنو تم اعتماد 13 شركة استقدام بشكل مبدئي
وهالشركات بتكون هي المسئولة عن العمال بشكل كامل ..
يعني بيرتاح المكفول والكفيل .. وبيتشوتون هالأجانب لبلادهم بشكل تدريجي
وبيبدأ الشباب بالنزول لسوق العمل بدالهم بشكل تدريجي
وما فيه أمل بعدين انو يتستر هالأجنبي ويعمل لصالح نفسه ويعطي كفيله خمسة الاف ولا اربعة كل شهر ..
وانما يعطى راتب فقط من الشركة اللي استقدمته ويدفع اللي يبي عامل للشركة وياخذ عامل

هذا حسب علمي وفهمي لهالخطة ..

وشوف هالفيديو اللي تكلم فيه وزير العمل وبتستفيد اكثر :
في الدقيقة 1:10:00
http://www.ustream.tv/recorded/22074387

وهالفيديو قبل يومين في الغرفة التجارية
كان اللقاء اسمه : الفرص الاستثمارية في قطاع التجزئة لشباب الأعمال .

يقولك سوق الاتصالات اللي ورا وزارة العمل في الرياض
نسبة السعوديين فيه 8% فقط و 92% أجانب
والكشك الواحد يبيع في السنة مبلغ وقدرة : 1,289,000 ريال
مليون ومئتين وتسعة وثمانين ألف ريال لمبيعات كشك واحد فقط واقف عليه "هندي" أو "يمني" أو "عراقي" وغيرهم ..

وطبعاً هالأجانب كلهم "متستر عليهم من قِبل مواطن" ..

تابع الفيديو بالكامل وبتشوف العجب ..

بالتوفيق للي يدورون الوظايف بشوية آلاف ومخلين الملايين لهالأجانب

--

[عاطلة مش بطالة]

راح يلغونها ويمنعون التستر ويرضون الأجانب اللي يسبوا الكفلاء

[تاجر متمرس]

اذا كانت شركه الي بتمسك العماله وبجي انا وبأخذ عامل من عندهم بغرض العمل عندي وش عرف الشركه انه راح يجئ عندي امكن أفكه واخليه يدفع راتبه للشركه ويشتغل برى بنسبه بيني وبينه ... لا زال الموضوع فيه ثغرات يبغاله دراسه ولجان ومتابعه مستمره من الشركه بالعكس انا أشوف ان الخبر في صالح الأجنبي وبشكل مرن اكثر من اول اقل شي ضامن ان إقامته يقدر يجددها عن طريق الشركه وما يحتاج كفيله السعودي يجددها له حسب علمي

[عبدالله المفلح]

المشاركة الأصلية كتبت بواسطة تاجر متمرس

اذا كانت شركه الي بتمسك العماله وبجي انا وبأخذ عامل من عندهم بغرض العمل عندي وش عرف الشركه انه راح يجئ عندي امكن أفكه واخليه يدفع راتبه للشركه ويشتغل برى بنسبه بيني وبينه ... لا زال الموضوع فيه ثغرات يبغاله دراسه ولجان ومتابعه مستمره من الشركه بالعكس انا أشوف ان الخبر في صالح الأجنبي وبشكل مرن اكثر من اول اقل شي ضامن ان إقامته يقدر يجددها عن طريق الشركه وما يحتاج كفيله السعودي يجددها له حسب علمي

صدقت

ولكن اعتقد لابد من وجود الية معينه تمنع من تكرر عملية التستر وعودتها مرتا اخرى..

بس ماهي هذي الاليه؟؟ الله اعلم..

[قوقل دوت كم]

المشاركة الأصلية كتبت بواسطة ليت اليالي

انا نويت انقل عامل الى كفالتي وانصدمت ب انه يقول خلاص الغو نظام الكفاله
هل هذا صحيح

الحقيقة انه من أحلى القرارات الله يتمة بخير
لانه بيشخل الزين من الشين من هالعمالة وماراح يبقى الا اللي الشريف واللي فية خير
لانه لو هرب وامسكوة بيحققون معاة ويسفرونة لانه بيخسرهم ومحد بيطلبة المرات الجاية

[عاطلة مش بطالة]

المشاركة الأصلية كتبت بواسطة عبدالله المفلح

صدقت

ولكن اعتقد لابد من وجود الية معينه تمنع من تكرر عملية التستر وعودتها مرتا اخرى..

بس ماهي هذي الاليه؟؟ الله اعلم..

الآلية مراقبة التحويلات عن طريق البنوك !

في العقد محدد الراتب واللي يزيد زيادة غير طبيعية معناه فيه تستر !