لجميع الإداريات المتعينات في جدة

[ام الحنابله]

السلام عليكم ورحمة الله وبركاته
الله يجزاك خير على هذا التجمع والله كنت بقول في نفسي كل المدن مسوين تجمع الا اداريات جده الله العالم صابنا كسل زي اداراتنا
الحمدالله اننا تجمعنا
انا رحت اول يوم لمكتب التوجيه وقالو ماجاء شي بخصوصكم انتظرو رسايل على الجوال
ماعلينا عندي احساس كبير انو راح ندوام على بداية ذو القعده مادري ليش الله يكتب لنا اللي فيه الخير وكل تأخيره فيها خيره
انا من سكان الشمال الله يرزقني بوظيفة جنب بيتي وكل من قال آمين

[درر و سامي]

يارب يحطون كل وحدة ادارية عند بيتها

[احلى العيون]

انا بعد من شمال جدة من حي البوادي بالتحديد والظاهر ان اغلبنا من شمال جدة الله يعين

[أم غزل]

يابنات مو معقول ادارة جدة لاتليفونات يردوا ولارسايل ارسلوا ايش ينتظروا
انا الى الان مو عارفة ايش اعمل استقيل من المدرسة ولااكمل الله لايسامحهم على التأخير قمة الفوضى

[احلى العيون]

والله انا اتوقع ان المفروض نروح نراجعهم ونرجهم عشان يتحركوا مثل باقي الادارات نبي نعرف وش وضعنا بالضبط
كل المناطق سوت شي يا توجيه يارغبات الا جدة مدري وش ناويين الله يستر

[هنومرهفة]

السلام عليكم ورحمة الله وبركاتة
جزاكم الله خير على هذا التجمع يجعلة الرحمن تجمع خير وبركة و يا بخت من فاد واستفاد وانا كمان من شمال جدة وجاهزة للمبادلة هههه ربي يسهل امورنا ونفرح بالوظيفة وتكون بالقرب من بيوتنا جعلها ربي وظيفة الخير والسعد علينا يا رب

[عبيرص]

المشاركة الأصلية كتبت بواسطة أم غزل

يابنات مو معقول ادارة جدة لاتليفونات يردوا ولارسايل ارسلوا ايش ينتظروا
انا الى الان مو عارفة ايش اعمل استقيل من المدرسة ولااكمل الله لايسامحهم على التأخير قمة الفوضى

لا يا اختي لا تستقيلي...انتظري الين يصحون من نومهم ويرسلون لنا
انا في مدرسة اهلية واداوم غصب عني وما استقلت ولا قلت لهم اي شي..اخاف من مقالب ادارة جدة
يمكن يتأخر التوجيه !!!او يحطوني لا سمح الله في حجر والا الظبية ساعتها راح اعتذر عن الوظيفة لذلك ما استقلت وكملت في مدرستي الى ان يشاء الله
اخاف استقيل من الحين واتورط ويصير لا طلت لا عنب اليمن ولا بلح الشام

[ضحكة من قلب]

الله يسعدكم ع التجمع

انا مشكلتي نفس الشي اني ملتزمة برسالة ماجستير ضروري اخلصها ومادة انقلش تخصص

يعني لو مافي شي يخلوني اروح للجامعه ارتب مع مشرفتي ولا يوجهوني للمدرسه واخلص

لانه لو كانت برا جده مارح اروح لها صعب علي يصير اعتذر وانتهينا

اللي تروح الاداره تعطينا اخر اخبارهم

الله المستعان

[الثناءالحسن]

انا كمان معاكم من حي الصفا وان شاءالله يجي تعيننا كلنا في داخل جدة وعلى فكرة جاني خبر انو احتمال الليلة ينزلوا الرغبات في الموقع او بكرة ان شاءالله والله اعلم

[ضحكة من قلب]

طيب ياعزيزاتي في موقع ثاني الادرايات في مناطق ثانيه راحو يوقعو المباشره من الاداره نفسها كل يوم ولو حتي ماصار منهها توجية للمدارس بس كل يوم ضروري يوقعو حضور

الي في جدة نفس الشي احد سال

وانا بعد من شمال جدة حي النعيم