متى تنزل رواتب المعلمين الجدد؟
السلام عليكم ورحمة الله وبركاته سؤالي كما هو موضح بالعنوان ، أرجو ممن لديه معلومة يفدنا بها. علمآ بأنني متعين في مدينة نجران... أتمنى أن تكون إدارة التعليم متعاونة معنا |
تصدق هالسؤال فـ بالي من زمان
لكن للأسف محد يقدر يجاوب لان اادارة التعليم هم الي يتحكمون كان اشتغلو على الاوراق وختمو وارفعهوا بدري ينزل اما اذا تكاسلو يمكن يتاخر :: كل تفكيري اذا ما نزلوها اول شهر كيف بيكون وضعنا بالاجار والاكل والبنزين والملابس :: لكن متفائل خير لان السنه هذي فيه اشياء وتطوريات جديده وانشاء الله انهم من اول شهر والراتب بالصرافه مع بدل التعيين 16.064 ريال :D |
حسب علمي انه بعد الشهر الثاني يعني تقريبا ً يوم 25 / 12 وبتكون راتب شهرين ان شاء الله + بدل التعيين [ لكن اتوقع انهم راح يخصمون منا حق 3 ايام ] لان المباشرة يوم 28
|
الراتب ينزل ٢٥ شهر ١١ وليس ١٢
|
الراتب راح ينزل ان شاء الله 25-11 وناقص منه 800 ريال
8034 ريال ناقص 800 ريال = 7234 ريال اما اذا قرروا يعطونا مع راتب 25-12 = 15268 ريال وبدل تعيين راتب كامل = 8034 ريال تدفع لمره واحده بعد اول راتب باسبوعين وممكن تطول بحد اقصى 3 شهور |
بالنسبة للراتب بينزل اتوقع يوم 25 /11 لكامل شهر 11 وثلاث ايام من شهر عشرة يعني تقريبا 8833 ريال واذا تأخر ل 25 /12 بينزل 16863 اللي هي شهر 11 و 12 وثلاث ايام من شهر 10 ... عاد لو ينزل معاها بدل التعيين بتكون حلوة جدا وبوقت مناسب .
معلومة للاخوان الراتب يحسب من 1 أول الشهر الى يوم 30 وليس من 25 الى 25 كما تعتقدون ولكن حصل لبس لأن الرواتب تنزل يوم 25 لذلك الاغلبية يتوقع الحسبة من 25 وهذا غير صحيح ... مثال باشرت في يوم 14 من الشهر اذا سيحسب لك من تاريخ مباشرتك الى نهاية الشهر اي 16 يوم وليس من يوم 14 الى يوم 25 بحكم ان الراتب ينزل يوم 25 . |
[align=center]الله كريم ...
لكن أخوي (ممتاز) ليش يخصمون 800 ريال؟؟ وش حقته مباشرتنا بـ 10/28 ![/align] |
الحاسب الآلي ..
كفيت ووفيت , عساه بس ينزل بشهر 11 ونرتاح |
اقتباس:
خصمت حق 3 ايام من شهر 10... 25 و 26 و 27 لكن الاخ حاسب آلي صحح بعض المعلومات مشكوراً اخوي حاسب آلي انت متعين من السنوات الماضية ولا زينا تنتظر التوجية ؟ |
حسسب الاداره الموجه لها انا تبوك العام نزل رراتبي 25 ذو الحجه اخوياي بادارات الجوف نزل لهم 25 ذو القعدهــ عمومااا تصرفه بالعافيه يارب |
الساعة الآن 10:58 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين