حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   مشاكلك في العمل (https://www.btalah.com/f5.html)
-   -   اكملت السنة ولازلت متدرب (https://www.btalah.com/t680351.html)

الجلااوي 06-01-2017 11:12 PM

اكملت السنة ولازلت متدرب
 
السلام عليكم ورحمة الله وبركاتة

اخواني ارجوا افادتي انا موظف في شركة كبيرة

ولي الان سنه و 3 شهور ولازلت متدرب

مع اني في توقيع العقد لم يتم ذكر التدريب او اي شي له صله فيه

والمسمى الوظيفي في التأمينات مسجل غير المذكور في العقد

وسجلت انا ومجموعة من الشباب وهي بالاساس سعودة

لكن من شافوا خبراتي وشهاداتي وانا كنت حريص على العمل واصبحت انا الوحيد اللي اداوم والباقين ما يداومون ويستلمون رواتبهم بدون اي مشاكل

وانا الان موكله لي اعمال مثل اخوياي اللي كانوا موظفين في الشركة قبلي ولكن راتبي ما يجي ربع راتبهم وغيره يتم ذكري في ايميلات الشركة اني متدرب مع اني لي سنه و3 شهور وفي بداية الامر كانوا يخفون علي هالشئ ولم يسلم لي كمبيوتر مثل بقية موظفين الشركة

وراتبي يتأخر عكس موظفين الشركة اللي اول بأول يستلمون لكن استلم بعدهم بكم يوم

ودي اشتكي لكن اخاف من الفصل وانتم تعرفون الاوضاع الحاليه ما عاد فيه وظائف مثل اول

mol88 07-01-2017 09:05 PM

رد: اكملت السنة ولازلت متدرب
 
1- انت صور اوراق انك متدرب وحافظ على الايميلات لوقت احتياج - وعقدك خلي معاك صورة علشان تعدلة المسمى الوظيفي إذا اردت لوكان غير مناسبك من التأمينات ويدفعوا عليها غرامة - حاول تبحث عن عمل وانت تشتغل عندهم وحاول تكلم احد ينفعك لتغيير وضع التدريب ولا توضح اي تضجر لة ولا يكون نقال الكلام علشان ما يضرك.

الجلااوي 08-01-2017 02:21 PM

رد: اكملت السنة ولازلت متدرب
 
اقتباس:

المشاركة الأصلية كتبت بواسطة mol88 (المشاركة 8960121)
1- انت صور اوراق انك متدرب وحافظ على الايميلات لوقت احتياج - وعقدك خلي معاك صورة علشان تعدلة المسمى الوظيفي إذا اردت لوكان غير مناسبك من التأمينات ويدفعوا عليها غرامة - حاول تبحث عن عمل وانت تشتغل عندهم وحاول تكلم احد ينفعك لتغيير وضع التدريب ولا توضح اي تضجر لة ولا يكون نقال الكلام علشان ما يضرك.

مشكلة الايميلات ماهي عندي لاني ماني مثل باقي موظفين الشركة ماعندي ايميل ومكتب فاضي بس اسمي عليه من قو مايكسر الخاطر حتى حق النظافه ما ينظف الغبار اللي عليه يحسبون انه موظف منقول لمكان ثاني

وبالنسبة للاثبات يكفي بطاقتي محطوط جنب المسمى الوظيفي حرف T

والعقد من عادي دايما اخذ منه صوره لي وللزمن والمسمى اللي في التأمينات الاجتماعية اكيد ماهو عاجبني عامل عادي هذا مسمى بالله عليكم

جالس ابحث عن عمل لكن الاوضاع الحين ماهي مثل اول لكن الله يزينها وجالس اسعى في موضوع التدريب وربك يكتب اللي فيه خيره

المشكلة اني تعبي يسرق لان ما فيه ايميل لازم اكلمهم تلفون وهم يرسلون ايميل واتوقع انها تنسب لهم

قبل فترة كلمت المدير عشان اجازة واعطاني اجازة مدتها اسبوع وبعد مجيت اخبرني انها من عنده ما جابها بطريقة رسمية من قسم شؤون الموظفين

حبيت اسأل هل فيه بند في نظام العمل والعمال يحدد مدة التدريب ؟!

واذا فيه كم اقصى مدة؟

اللي اخبره اللي محدد فترة التجربة 3 شهور وبإمكان الشركة تمديدة 3 شهور ثانية

لكن التدريب ما ادري مع اني عقدي ماهو مذكور اي سالفة تدريب

جريح الخبر 08-01-2017 09:47 PM

رد: اكملت السنة ولازلت متدرب
 
الي اعرف ان اول فترة 3 شهور هي فترة اختبار
وخلالها هم يقدرون يفصلونك او انت تنسحب من عندهم وتعطيهم خبر قبلها بيوم واحد بس

بعد ال3 شهور انت موظف عادي يعطونك خبر قبلها بفتره اذا بيفصلونك ويكون لك حقوق عنهم والعكس صحيح

التدريب شي ثاني لان فيه وظايف تتطلب تدريب 6 شهور او اقل ووظايف تتطلب تدريب سنتين
على حسب الشركة والقطاع ونوع الوظيفة (هنا ماقدر افيدك بصراحة )

الجلااوي 09-01-2017 02:13 AM

رد: اكملت السنة ولازلت متدرب
 
اقتباس:

المشاركة الأصلية كتبت بواسطة جريح الخبر (المشاركة 8960488)
الي اعرف ان اول فترة 3 شهور هي فترة اختبار
وخلالها هم يقدرون يفصلونك او انت تنسحب من عندهم وتعطيهم خبر قبلها بيوم واحد بس

بعد ال3 شهور انت موظف عادي يعطونك خبر قبلها بفتره اذا بيفصلونك ويكون لك حقوق عنهم والعكس صحيح

التدريب شي ثاني لان فيه وظايف تتطلب تدريب 6 شهور او اقل ووظايف تتطلب تدريب سنتين
على حسب الشركة والقطاع ونوع الوظيفة (هنا ماقدر افيدك بصراحة )

لكن حسب معلوماتي انه شغلة التدريب تذكر في العقد

انا عقدي موظف عادي ومافي اي طاري للتدريب في العقد قارية من اوله الى اخره ومتأكد من هالشي

منتم 16-03-2017 02:30 AM

رد: اكملت السنة ولازلت متدرب
 
ادري انك بين نارين
نار العطالة قبل توقيعك للعقد
و نار انك قبلت انك تكون موظف سعودة
.... عموما أتوقع بيفنشونك حالما تخلص سنتين
بمجرد ما ينتهي دعمك من الموارد البشرية
اذا كنت مدعوم أصلا
عموما اذا شهادتك مثل شهادة اللي حولك تقدر تتوجه لمديرك المباشر
و تطلب مساواتك مع البقية و انك تؤدي عمل مثلك مثلهم
مع انه تقول مكتبك فاضي يعني وجودك حضور وانصراف بس ! حسب ما فهمت

الجلااوي 16-03-2017 09:33 AM

رد: اكملت السنة ولازلت متدرب
 
اقتباس:

المشاركة الأصلية كتبت بواسطة منتم (المشاركة 8983907)
ادري انك بين نارين
نار العطالة قبل توقيعك للعقد
و نار انك قبلت انك تكون موظف سعودة
.... عموما أتوقع بيفنشونك حالما تخلص سنتين
بمجرد ما ينتهي دعمك من الموارد البشرية
اذا كنت مدعوم أصلا
عموما اذا شهادتك مثل شهادة اللي حولك تقدر تتوجه لمديرك المباشر
و تطلب مساواتك مع البقية و انك تؤدي عمل مثلك مثلهم
مع انه تقول مكتبك فاضي يعني وجودك حضور وانصراف بس ! حسب ما فهمت

شهادتي مثل اللي حولي وبعضهم انا اكثر خبرات منهم وقد كلمت اكثر من مدير وحالياً مكلم مدير القسم كامل وننتظر ولعل في الامر خيره

وبالنسبة للاعمال اقوم بمثل ما يقوم فيه اخوياي في القسم وممكن اكثر لكن وش اسوي ما احب اجلس مالي قيمة في الشركة لكن اللي مضايقني سالفة المكتب وطريقة كتابة التقارير لاني ارسلها عن طريق احد من اخوياي خوفك احد يسرق تعبي وينسبه له وبالنسبه للدعم مدعوم من الموارد اول ما سجلت لكن ما ادري كم مدة الدعم خوفي اذا خلص الدعم مسكوني الباب ولو ما حضرت ما احد درا عني ومع اني احضر ونرفزني احد المدراء لبناني واني ما اداوم لكن ما يقدر يثبت لاني ادق الكرت مع انه ماهو مطلوب مني لكن كأثبات حضور وانصراف ويوجد اثبات حضور بعد في السيارة المسلمه لي جهاز GPS يعني ما يقدر يثبت اني ما اداوم لكن الدعوه حرب نفسيه لكن جالس على قلوبهم الين ما نشوف اخرتها معهم يا انهم يثبتوني معهم ويساووني بأخوياي او اني احصل وظيفة احسن منها

عاطلُُ 16-03-2017 01:11 PM

رد: اكملت السنة ولازلت متدرب
 
المادة السادسة واألربعون:
ً يجب أن يكون عقد التأهيل أو التدريب مكتوبا، وأن يحدد فيه نوع المهنة المتعاقد للتدريب عليها، ومدة التدريب
ومراحله المتتابعة، ومقدار المكافأة التي تعطى للمتدرب في كل مرحلة، على أال يكون تحديدها بحال من
األحوال على أساس القطعة أو اإلنتاج.

منتم 17-03-2017 07:36 PM

رد: اكملت السنة ولازلت متدرب
 
بما انك مدعوم
الدعم مدته سنتين لا غير
اكيد بعد الدعم بيمشوك
بما انك جاي سعودة
الله يعينك

إبتهآل 18-03-2017 05:43 PM

رد: اكملت السنة ولازلت متدرب
 
اخوي تأكد من دعمك عن طريق الموارد
شكلك مدعوم من الموارد وشركتك مستفيدة منك بهذا الخصوص
لكن اللي اعرفه عقودهم تدريب منتهيه بالتوظيف وانت تقول عقدك مافي اي ذكر للتدريب
لذلك تأكد لان بعض الشركات تدخل موظفين جدد عنددها بالموارد وهم يظنون ان رواتبهم تندفع لهم من الشركة
ويطلعوهم بدون خبرة فقط كمتدربين سبق لهم الدعم


الساعة الآن 12:01 PM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين