حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   مشاكلك في العمل (https://www.btalah.com/f5.html)
-   -   مضايقة اليمني لي مالحل ؟؟ (https://www.btalah.com/t679680.html)

عذاب الجرح 27-12-2016 08:19 PM

مضايقة اليمني لي مالحل ؟؟
 

السلام عليكم ورحمة الله وبركاته


اخواني اشتكي همي لكم بعد الله سبحانه انا موظف في قطاع خاص عندي استفسارات وارجو الرد عليها


مدير القسم المباشر يمني ضاغط علي بالعمل ويخلنيي اعمل عمله هو والموظف المصري وانا اكرف وساكت

واذا ماكان فيه شغل وجالس يحاول يسوي اي شيء بس عشان ما اجلس اشتغل بشغل قديم او اكرر الشغل !!

او اسوي شيء خدمه له مثلا يقول روح ود الاوراق الفلانيه للقسم الفلاني وهو جالس مكانه مايبي يروح يخدم نفسه !!

دايما يدافع عن المصري وانا لا مايدافع عني ابداً انا اشتغل اكثر من المصري وهو يعرف اني اكرف والمصري جالس شغله بسيط جداً ومع ذلك مطنش يغضب بسرعه علي والمصري لا عادي يبتسم له


ارجوكم انا وش اسوي هل يحق لي اشتكيه في وزارة العمل ؟

هل ممنوع يكون مدير قسم او مشرف بوجود سعودي في القسم ؟ او لا ؟


والله يعيني ويعين كل مسلم

إبن محيا 27-12-2016 09:14 PM

رد: مضايقة اليمني لي مالحل ؟؟
 
ياخي لاطلعت من العمل اتبعه لمنزله واذا وقف عند باب بيته امسكه وقله هذي بلدي واذا ماحسنت اسلوبك معي بجيب لك كوارث

اذا انت بالرياض عطني رقمك وانا اتفاهم مع اليمني

عذاب الجرح 27-12-2016 09:23 PM

رد: مضايقة اليمني لي مالحل ؟؟
 
اقتباس:

المشاركة الأصلية كتبت بواسطة إبن محيا (المشاركة 8956618)
ياخي لاطلعت من العمل اتبعه لمنزله واذا وقف عند باب بيته امسكه وقله هذي بلدي واذا ماحسنت اسلوبك معي بجيب لك كوارث

اذا انت بالرياض عطني رقمك وانا اتفاهم مع اليمني


هو مديري بالقسم بنفس القسم وتكلمت معه كثير لكن الرجال في نفسه شيء حاقد علي

يبي يطيرني من القسم ويتلكع معي اسلوبه جداً خبيث تشوفه تقول طيب لكن خبيث بتصرفاته


هل يحق لي اشتكيه ؟

عذاب الجرح 27-12-2016 11:01 PM

رد: مضايقة اليمني لي مالحل ؟؟
 
اربعين مشاهدة ولا زادت الردود ؟ !!! شكلهم زوار اكثرهم !!

الله يعيني وويسر امري بس

sebader 28-12-2016 04:04 AM

رد: مضايقة اليمني لي مالحل ؟؟
 
والله لو انا منك اكيد حسكت واخاف على رزقي لكن ابو يمن اقدر برا العمل وبالوكند اتفاهم معاه ولا اخلي غيري يتفاهم معاه ويمسح بوجهه الارض اخليه يخاف حياته

كلية المجتمع Tab 28-12-2016 08:08 AM

رد: مضايقة اليمني لي مالحل ؟؟
 
سالفة انك تضربه هذه لا تسويها لانها بتفتح عليك أبواب مشاكل اخرى
الحل انك تفرض نفسك عليهم وتحاول توصل للإدارة اللي تتبع لها ووصل صوتك .. بايميل رسمي منك للإدارة واشرح مشاكلك فيها بدون ماتشكك في نزاهتهم او أمانتهم للعمل
وتأكد اخوي انك بإسلوبك وتعاملك تقدر تكسبهم مهما كان منصبهم الاداري
والله يوفقك

نص محامي 28-12-2016 08:35 AM

رد: مضايقة اليمني لي مالحل ؟؟
 
اخوي تكفى لاتستلم حاول توصل لادارتك واذا لها فاكس ارسلها عشان يكون مثبت

ثم رح وزاره العمل واذا مانفع مره مالك الا تاخذ حقك بيدك

هذه بلدنا حنا الداخلين وهم الخارجين

قسم بالله اني نادم اني تركت اول وظيفه بسبب اجانب ومادافعت عن نفسي بس اشتكيتهم لوزاره العمل لين شالو اسمي من التامينات

يبحث عن موظفين 28-12-2016 10:09 AM

رد: مضايقة اليمني لي مالحل ؟؟
 
موضوعك سهل جدا وبسيط وتقدر تقاضي وترجعه لليمن بس المصيبة في المصري ابن جزم هو مخرب الموضوع اخي رزقك على الله مو عليه .
تبي مساعده تعالي واتس والله لأخلي بالقانون وبشرع ربي يجونك جماعته يترجونك .
00966540818836
نفس معاناتي مع الاجانب وخاصة المصري شعب مايعرف غير بطش والظلم والله لو ايش كان يظلم اخو فرعون

والله تعالى وابشربالفزعه مواطن انت ابن بلد بعهد سلمان والله لك احقية .

مميز الاحساء 28-12-2016 10:47 AM

رد: مضايقة اليمني لي مالحل ؟؟
 
الله أكبر عليكم

واحد يقولك أخذ حقك بيدك ؟؟

والثاني توعد له في الخارج ؟؟

والثالث يطلب تمد يدك عليك وتهدده ؟؟

يا عمري عليكم ع الأقتراحات التي لا تمت للدين بصلة

الدين معاملة والدين وصى بالأخلاق وأنتم كل واحد يفكر كيف ينتقم منه ...الخ

أدري بيجيك مدرعم بيقول تتدافع عنهم

يا أخي الفاضل اذا كانت المهام ليس من مهامك تقدر توصلها للإدارة وتتفاهم معها

أو

تتفاهم مع المسؤول المباشر لك وهو اليمني

صدقني بأخلاقك وأسلوبك تجبر مهما كان بالأنصات لك وتغير أسلوبه معك

أنا لم أتكلم من فراق وحدثت معي تقريبي مثل ما يحدث معك

ولكني أمشي بالنظام يعني كم مرة المسؤول المباشر عني يطلب كذا وكذا وكذا

أبد رديت عليه أرفض هذا العمل بسبب ضيق الوقت وغيره من الأسباب

لا أحد يدرعم رجاء هذه وجهة نظري اذا عجبتك نور ع نور ما عجبتك أعتبرها لم تكن موجودة وربي يسهل أمرك

وفق الله الجميع

عذاب الجرح 28-12-2016 09:07 PM

رد: مضايقة اليمني لي مالحل ؟؟
 
اقتباس:

المشاركة الأصلية كتبت بواسطة sebader (المشاركة 8956747)
والله لو انا منك اكيد حسكت واخاف على رزقي لكن ابو يمن اقدر برا العمل وبالوكند اتفاهم معاه ولا اخلي غيري يتفاهم معاه ويمسح بوجهه الارض اخليه يخاف حياته

ابو يمن ماخليت شيء تفاهمت معه بالادب والاحترام لكن ماينفع معه خسارة الفطور اللي كل شوي معبي بطنه على حسابي وبنفسي اروح اجيبه له خلاص الحين بنقل قسم ثاني وافتك منه وشره


الساعة الآن 03:11 PM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين