حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   الفساد والجــريمة (https://www.btalah.com/f23.html)
-   -   اجنبي نصب علي بمليون وسبعمائة الف ريال والصدفه جابت راسه (https://www.btalah.com/t473352.html)

الموئيد 25-11-2012 04:02 AM

اجنبي نصب علي بمليون وسبعمائة الف ريال والصدفه جابت راسه
 
بسم الله الرحمن الرحيم

السلام عليكم ورحمة الله وبركاته

يأخوان شأت الاقدار قبل حوالي ثلاث سنوات ان تجمعني بشخص اجنبي

حيث انني كنت اشتغل كداد ;) (لموزين ) وركب معي يريد القصيم جاي من الرياض

المهم وحنا مع الخط تخبرون مع السواليف جلس يسب كفيله ويريد كفيل جديد وقال انه مرتاحلي ووده
يتشارك معي بمشروع النص بالنص قلتله وش المشروع قالي بوفيه بالصناعيه المهم قلتله ماعندي
فلوس قال انقل كفالتي لك ونا افتح البوفيه وعطيك بالشهر 1200 ريال قلت تم المهم بعد ماوصلته
تواعدنا وخذ رقمي بعد تقريبا اسبوع دق علي وقال تعالي الصناعيه ووراني محل لتقبيل شراه هو
وقال ابي اسجله بسمك رحنا مكتب عقاري وسجل العقد بسمي من البائع وعطاني خطاب نقل
كفاله من كفيله موجه لي المهم اتفقنا اسوي لمكتب خدمات عامه وكاله مني لاستخراج تراخيص البوفيه والسجل التجاري ونقل الكفاله له المهم جاب لي اسم المكتب وسويت الوكاله وعطيته من شان يعطيها المكتب المهم اتفقنا كل شهر يحول الفلوس بحسابي
وكان يحول كل شهر 1200 ريال كل شهر وبعد مرور ثلاث سنوات قابلت واحد من الشباب بالاستراحه
توه متوضف بالبلديه ويسولف معي عن الوضائف وقلت له اني ادور وضيفه جلس يضحك بخبث:wa
قال انت خلك على تجارتك وربي احسن لك من الوضيفه قلت اي تجاره قال علينا وجالس يضحك ويقول انت هامور كبير وماشالله عليك :k تشتغل ولا احد يدري عنك قلت يارجال والله انه ذابحني الفقر قال طيب ومحلاتك الي بشارع الصناعه البضاعه الي في المحل الواحد فوق 250 الف
الشباب نقزت عيونهم :yaa: قلت انت سكران قال لاوالله انت هامور:r قلت تحاققني من تيس قال
تم ركبت معه بسيارت البلديه الرسميه وجينا المحل محل كبير جدا قال للعامل الاجنبي اعطيني الترخيص ويوريني الترخيص قال التيس :d ياشنب اخذته على جنب وقلت ياولد المحل وربي مهو لي قال الترخيص بسمك قال مسوي وكاله لحد ( اصح يانايم ):confused: وعطيه سالفة الاجنبي
قال بس امش وراني 4 محلات اخرى كلها بسمي منها محل اجهزه بشارع الخبيب قلت والحل قال
نطلع العمال من المحلات ونقفلهن وبكرا يجيك الي مستغل اسمك رحنا للمحلات وقفلناهن بمساعدت الشرطه (قصه طويله ) المهم جاني الاجنبي يبكي ويترجاني ونه غلط بفتح المحلات بدون علمي ونه راح يعوضني ب30000 الف هههههه كل شهر المهم بعد صولات وجولات قلت تم
فتحت المحلات وبعد يومين من المراقبه المكثفه على المحلات لقيته يحمل من البضاعه شوي شوي ناوي يجرد فيني :i جيته وقفلت المحلات وقلت اعلى مابخلك اركبه وركبت اقفال جديده
للمحلات وجبت محاسبين لجرد المحلات وطلع سعر البضاعه فقط ( مليون وسبعمائة الف ريال)
ورحت للمكتب حق الخدمات وسحبت الوكاله وهددتهم اني برفع شكوى عليهم
المهم جوني ناس بالبيت وترجوني وحب خشوم وعرضو علي عرض
مليون ريال كاش كتعويض و 30000 الف ريال كل شهر
مقابل التستر عليهم وستمرارهم بالمحلات :g
رفضت العرض وطلبت 2 مليون ريال ونقل جميع المحلات من اسمي ووافقو على طول
وحبيت استشيركم اخواني الاعزا هل تصرفي سليم ام لا

التجارة 25-11-2012 04:29 AM

عززز الله انك طحت في كنززززز هههههههههههههه الله يباركلك يارجال والله انها من ربك سبحان من يرزق من يشاء

قهوة بنت نجد 25-11-2012 04:33 AM

اللي طلبته هو الصح

هذا حقك
الحين مستغل اسمك له مدة طويله ونصبك ونيته ماهي زينه حتى بعد ماكشفته كان بيسرقك .. تتوقع انه بيمشي على الاتفاق 30 كل شهر ؟

طريق الحرام مايطول خليه يتوب

كحيلاآن 25-11-2012 07:40 AM

اللي سويته عين الصواب يا حبيبي رزق وجاء لي عندك

أصل اي واحد منا بيصير معه هالموقف صدقني راح يتصرف مثلك وهذا حقك وانا أخوك

أهم شي التيس لا تنسى تعزمني عليه لبى قلبك ههههههههههههه

موفق خير

Abu Shaima 25-11-2012 09:11 AM

اخوي عشان لاتاكل حرام
افضل شي تعطي السالفة لشيخ وهو يتفي لك ويعطيك العلم الزين
والله يغنيك بحلاله

تسووّق 25-11-2012 11:43 AM

طيب يا أخي ..
دامهم بيعطونك 2 مليون
وش رح تسوي ب 2 مليون ؟؟
دام المحلات جاهزة وماشي سوقها روح وخذها مقابل 2 مليون واستلم ادارتها انت
واستمر شغلك لا يختلف

صقر المارد 25-11-2012 01:08 PM

ماشاء الله تبارك الله
الله يوفقك

بادي الرجم 25-11-2012 02:26 PM

اخوي المصيبه اللي ماتدري عنها يمكن الرجال مستغل السجل التجاري في تنزيل البضاعه بالاجل يعني شكلك مديون عند بعض الموزعين باأكثر من 2 مليون ويمكن كذلك يستورد بضاعه من الخارج باأسم المؤسسه وفي ظهرك يبغالك تشيك مع الجمارك ونصيحه شف لك مكتب محاسبه ويراجع الفواتير وخلص نفسك واشطب السجلات والرخص وفيه حاجه بعد اكيد المحلات شغاله لها كم سنه شوف الزكاه كم راح تكون وتقدر تتأكد طلع برنت من الامانه بعدد الرخص اللي باأسمك وكذلك وزارة التجاره وعدد السجلات اللي عليك .

فكيتور 25-11-2012 02:56 PM

نسال الله ان يوسع عليك ويفرج كربتك
لي ملاحظة على كلمة شائعة وهي غلط
كلمة شاءت الاقدار
المشيئة الكاملة لله وليس للاقدار
بل الاقدار من الله عز وجل
والكلام يطول في هالامر
بالنسبة لوضوعك
ادرس الامر باستفاضة
وشاور من تثق به
واذا قررت عمل شي
استخر وباذن الله يدلك ربي لكل خير

د التركي 25-11-2012 03:09 PM

الغي الوكالة

وشف كم عليك مديونية من تجار الجملة

لأنهم بيعطونك ٢مليون بس كم عليك دين بالأجل

شف كل الفواتير الصادرة والواردة
وكم سعر البضاعة وكم نزل بالمحل وهل هي كاش ولا تحت التصريف
--
حاول تأخذ نسبة من الأرباح
حاول تبصمة على شيكات مفتوحة وكمبالات بدون مبالغ
حتى إذا طالبك بكرة بدين او اي شي
تكتب في الشيك ضعف المبلغ اللي يطلبك
.


الساعة الآن 10:25 PM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين