حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   إستفسارات ونتائج الوظائف المدنية (https://www.btalah.com/f60.html)
-   -   أحد توظف من ساعد (https://www.btalah.com/t644275.html)

أذكر الله كثيراً 30-09-2015 02:17 PM

أحد توظف من ساعد
 
بسم الله الرحمن الرحيم

أرجو من الجميع التعاون ،، هل أحد جاه تعيين من نظام ساعد ، أو يعرف أحد تعين تعيين فعلي وباشر الوظيفة

ما نبغى المقابلات تبغى وظائف فعلية ، الرجاء يتم تثبيت الموضوع وكل واحد يتوظف أو يعرف أحد توظف من ساعد

يتعاون معنا ويكتب مكان ونوع الوظيفة ولكم مني خالص الشكر والعرفان

صنيتان العطاوي 30-09-2015 02:44 PM

برنامج وهمي ، معك واسطه تتوظف ، مامعك واسطه مقابلات على الفاضي واخرتها فرز ومايطلع اسمك .

أذكر الله كثيراً 30-09-2015 04:33 PM

طيب أن طلع لك واحد وقالك الواسطة قد تكون حرام ويكون راتبك سحت ؟؟ تقوله كيف يقول يمكن الواسطة سطى على واحد مستحق الوظيفة وماسك سرا وفجاءه جات الواسطة وأخذت حقة لغيره ؟؟؟؟؟

الواحد يبغى يمشي مع النظام بس المشكلة مافيه نظام واحد لوظائف ساعد الوظائف راحت من سنة وأحنا نحترى ساعد

الله كريم ويرزق من يشاء بغير حساب

مستندنصي 30-09-2015 04:41 PM

فيه توظيف لبرنامج ساعد هو الاعلان عن طريق الخدمة المدنية او الدوائر الحكومية بين فترة وفترة على حسب انت سجلت في ساعد ولكن ماتجيك الوظيفة وانت جالس اسعى وفي شي ثاني بعد اذا يبونك بيخذونك اكيد والكلام مليون % اكيد الكلام هذا مستمع انا لحد الموظيفين في وزارة الخدمة المدنية

مستندنصي 30-09-2015 04:45 PM

مثال: ديوان المظالم اعلان قبل شهر وظائف بشرط انك مسجل لبرنامج ساعد من ضمن الشروط للتوضيح اكثر
موفقين لكل خير

عاطل المجمعه 30-09-2015 07:25 PM

بالنسبه لي ماسمعت احد توضف من ساعد

اذكر سوينا مقااابله في شهر 7 ولا شفنا شي

أذكر الله كثيراً 30-09-2015 11:02 PM

انا أتمنى يكون ساعد مثل جدارة ، يعني الخدمة المدينة هي من تختار ، بكذا تقطع الطريق على المحسوبية والواسطة ، أما الأن هي هي ، يمكن تمرير الواسطة ،،،

جهة حكومية تطرح وظائف قليلة وتشترط التسجيل بساعد ، وكل العاطلين مسجلين بساعد ، ولكن يأتي دور الواسطة

يأتي 10 مسجلين بساعد والكل يتمنى الوظيفة ولكن فيه توصية على شخص معين ، يتم عمل مقابلات ولكن من يأخذها ؟؟؟ ياخذها صاحب الواسطة بعد إرادة الله أولاً وأخيراً يعني ،،، مشاوير ومقابلات ومرمطة على الفاضي ، الأ أذا كان هناك لجان من الوزارة لكل مقابلة يمكن تفرق


أتمنى من الخدمة المدنية أن تجعل ساعد كاجدارة تطرح الوظائف الشاغرة لكل منطقة وعلى حسب المفاضلة وأقدمية التسجيل بساعد يتم الأ ختيار ،، فيه خدمة أسمها تواصل في موقع الخدمية المدنية أتمنى من الجميع مراسلة وزير الخدمة ومطالبته بإعادة النظر في ســـــــــــــــــاعـــــــــــــــد والله ولي التوفيق

أذكر الله كثيراً 30-09-2015 11:07 PM

يأخي حرام 12 سنة بعد الثانوية ،،، والعمر تجاوز33
الله يرزق الجميع الرزق الحلال أن شاء الله

سم المعادي 30-09-2015 11:54 PM

اقتباس:

المشاركة الأصلية كتبت بواسطة أذكر الله كثيراً (المشاركة 8693869)
يأخي حرام 12 سنة بعد الثانوية ،،، والعمر تجاوز33
الله يرزق الجميع الرزق الحلال أن شاء الله


خذوا العلم

السلام عليكم
اخوكم محمدالبدراني من القصيم حبيت اضيف لكم ان اللي مسؤول عن ساعد بالمملكه كلها القصيم يعني فرع وزاره الخدمه المدنيه بالقصيم وانا اكثر شخص تعب من مراجعتهم يعني رحت ل امانه القصيم قالوا واللي قالي مدير الشووؤن الماليه ولااداريه بالامانه قال فيه وظايف كثيره عندنا وعند فروع بلديتنا بس انا رافض طريقه نظام ساعد قلت شلون وفعلاً كلها عين العقل قال ارسلوا خطاب الفرع اللي بالقصيم لنا قالوا اختاروا من ساعد يعني بطريقه عشوائيه شختك بختك يقول رفضت ذي الطريقه يعني كل مدير بلديه او مدير منشهه حكومية بيدخل النظام وبيختار اللي يقرب له او اللي يعرفه كذا ظلم وفعلاً رحت لمدير الخدمه المدنيه الادمي كلها زين بس قالي نفس كلام اللي بالامانه قال رح لي داره حكومية وخلهم يختارونك اجي الدائره يقولون ماعندنا شي مثل التعليم شوون المياه وغيرها ورحت له قلت يااخي نبي مفاضله نفس كلام اللي بالامانه كلامه واقعي وقال مو من عندي لازم موافقه وزير الخدمه وقلت ودي اكلمه بالاتصال المرئي يعني اكلم الوزير من القصيم عبر الفيديو عن طريق الفرع صراحه عطوني موعد وصارت عندي ظروف صجيه للاهل ولا رحت هذا الكلام قبل رمضان بعدها تعبت من مراجعتهم وكذا بس يبيلنا نسوي قروب ونكتب اسماءنا وع الوزير يابالاتصال المرئي يكون لنا متحدث ويكلم الوزير ويشرح السالفه ياحنا نروج
وانا بنتضار ردودكم

سم المعادي 01-10-2015 12:00 AM

ي شباب لازم نتكاتف ونسوي قروب يعني من جميع مناطق المملكه وع الوزير تدرون لو حطوها مفاضله ع طول نتوظف مثل جداره يعني وضع ساعد الحين اي دائره حكومية نفرض اختارتنا بيسوون اختبار ومقابلات وخرابيط بس عشان يخذون اللي يبون لو عن طريق مفاضله مجرد م يرشحوننا تعتبر موظف مو نفس النظام الحين هذا مع العلم ان وظائف البنود اكثر من وظايف المراتب تكفون الهمه


الساعة الآن 06:23 PM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين