حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   الأنظمة والقوانين السعودية (https://www.btalah.com/f25.html)
-   -   شوروني في بطاقة الآحوال (https://www.btalah.com/t314722.html)

روعة النسيان 22-05-2011 12:26 PM

شوروني في بطاقة الآحوال
 
السلام عليكم ورحمة الله وبركاته
اسعد الله صباحكم اخواني وخوااااتي:h
عسسساكم بخير يارب:w

ابيك تفيدووووني انا بطلعلي هويه بطاقة احووال وماني عارفه كيف يعني من اروح انا واخوي وش اجيب من متطلبات:do5h:
قريت ان لازم تجيبين صوره شخصيه4×6 انا من وين لي ليه شايفيني طالب مدرسه:y
ولاهم يصورني بعدين يكملون الاجرااات:confused:
والاهم من ذا اللى يصور حرمه ولا رجااال :(
لانهم يقولون حرمه بعدين يشوفها رجال:court:؟؟؟
وكم يوم وتطلع لي ولو طلعت لي حسساب كم ادفع؟؟

اعذورني عالآطالهـ:h

جيت لعيونك 22-05-2011 06:14 PM

وعليكم السلام ورحمة الله وبركاته
اسعدالله مسائك بالرضاء والمحبه
بخير يامال الخير
ايه ابوك افضل او اخوك مو مشكله
ايه الصور لازم تتصورين وفيه عند الاحوال محل تصوير نساء
واللى اتصوريك حرمه وتقعد صورتك عندها ممكن 3 ايام وبعدين
تجين وتاخذينها من الزحمه هذا طبعا في مكة المكرمه
وبعدين لاطلعتي صورك اتروحين وتكملين الاجرااءات في قسم النساء
اكييد اللى يصورك حرمه مثلك الان انتي في قسم النساء
ومااظن يشوفونها الرجال
والله على حسب الزحمه اللى في الاحوال المدنيه
وبطاقة الاحوال مجانيه:d

وان شاء الله تجي وحده من الاخوات اللى طلعوا واتفيدك اكثر واكثر

روح الريحان 22-05-2011 06:26 PM

السلام عليكم

اختي انا توني مطلعة بطاقة احوال

اول حاجة لازم تحجزين موعد عن طريق الموقع حقهم


وهذا الموقع ولازم تطبيعين المذكرة علشان ما راح يسجلونك الا عن طريق المذكرة


وبعدين تصورين 4 صور مثل ما قلتي 4* 6

انا صورت من مشغل شوران ب20 ريال بس 5 دقائق صورتني واخذت صورة بسرعة اتكلم عن المدينة المنورة

وبعدها تروحيلهم

ولازم يكزن عندك احد من محارمك

علشان يعر ف عليك عند مكتب الرجال

وبعدها تدخلين غرفة يبصمونك ويصورنك وياخذون منك بيانات عنك

وبعد 15 يوم تطلع بطاقتك

وسلام


دعواتك لامي بشفاء

واي استفسار قوليني

لاني توني مخلصة منهم

حبيبيس 22-05-2011 08:12 PM

لازم يكزن عندك احد من محارمك

علشان يعر ف عليك عند مكتب الرجال

وبعدها تدخلين غرفة يبصمونك ويصورنك وياخذون منك بيانات عنك

وبعد 15 يوم تطلع بطاقه
هذا الي صار معاي بعدين توكلي على الله ورجال مايشوفها يااخذها منك المحرم ويدخلها لرجال مقلوبه ويعرف عليك مايشوفها

عاطله وتوظفت 22-05-2011 11:16 PM

هلا بك روعه
لازم تعملين حجز موعد مسبق من الاحوال
بعدين تطبعين نموذج الاصدار تبع اصدار الهويه
وقبل تتجهين لموعدك تروحين اي استديو عند الاحوال يصورونك 4 صور -4*6
والمصوره طبعا حرمه- وعملت لي التصوير 45 ريال عدد الصور عملت لي 10 صور
بعدين تروحين الى مكتب الاحوال في الوشم بمنطقه الرياض
ومعك المعرف لك اخوك او ابوك او ولي امرك
الاوراق المطلوبه منك
كرت العائله وصوره منه + ورقه الموعد اللي حجزتيها من النت + ورقة النموذج لطلب اصدار البطاقه ويعيبها لك ولي امرك + اذا كنتي مطلقه او ارمله يكون معك برنت بحالتك
بعد كذا يخلص ولي امرك الاوراق تبعك من قسم الرجال
بعدها تتجهين انتي لقسم النساء وتروحين للااستقبال وتقولين لهم انك تبين رقم اصدار هويه تبع انتظار-وتتجهين لصالة الانتظار لحين وصول دورك
بعدها يصورونك -ومن شروط التصوير تكونين محجبه بدون ميك اب اوعدسات
وبعدها يعملون لك بصمه بالاصبع
بعد كذا تكونين خلصتي ويبلغونك بموعد استلام بطاقتك وماتاخذ اكثر من اسبوع
وعند الاستلام تجيبين معك كرت العائله سواء الاصل او الصوره
وسلالالالالالالالالالامتك كلامي كثير بس ان شاء الله يكون وافي لك وللبنات

بركان العطاله 23-05-2011 12:45 AM

اذا انتي من الرياض قدام الاحوال
مركز تصوير نسائي تصورك وتعطيك صورتك وانتي واقفه بسرعه
وبقيت الاجراءت زي ما قالو لك الاخوات
وحكايه انو يشوفها رجال
هذي عاد الله اعلم فيها
بس كل شي يتم عند النساء
حتى اصدار البطاقه
انا بطاقتي طلعت لي بنفس اليوم
بتستغربون
طلعتها لي موديره المركز بسرعه عشانا ترجينها يوم وضائف جامعه نوره العام قالو ما تتدخلون الا فيها عاد حنا كسرنا خاطرها وتعاونت معنا الله يو سع لها برزقها

حلم ورديً 23-05-2011 01:55 AM

و عليكم السلآم ورحمة الله ,
أنا قبل سنِة مطلعِة بطآقِة احوال عمري 19 سنِةّ :do5h:
طبعا بالرياضْ حوالي اسبوعينْ تمرمطنآ وتأجيل و تحويل ومواعيد وحجّز أدارو رآس الغاليً :g
و دقينا سلف و طلعنآهآ من حايل بنفس اليُوم خلال ساعتيِنْ :d

المهم يكون معكّ مُعرف [ مُحرمْ ] يوقع اقرار انو الصورة هي هي ,

تجيبيِنْ معك بطاقة العائلة الإصِلّ ( في حال كنتي غير متزوجِة)
بطاقة زوجكّ ( في حال كنتي متزوِجةّ / ارمَلةّ )
صِكّ الطلاق ( لو كنتي مُطلقِةّ ) ,
و اثبات انكّ موظفِة لو كنتيِ على قيد عمّلِ :)
وصور شخصية محجبِة مقاس 4 ×6

طبعا الصور هذي غير ( ملزومِة تجيبنيهمْ وتكون الخلفية بيضآءْ ) :Looking:
عاد انا صورت باستديو رجاليً اسرع بدقيقتين وصوري معيً وهو الله يهديِه حاط لي الخلفية سماويِةّ
ههههههههههههههههههه عاد هي تسإلني ليشْ الخلفية زرقاءْ ,
اقول يابنت الحلال مشينآ حبكت يعنيً ع اللُون
وبقلبي اقول : زين مآحط خلفيتنا نجوم وقمّرْ وشلالاتْ :d
طبعاً هم راح ياخذون صورتِكّ ويدبسوِنها مع النموذج ويختمُون على الصورة والنموذج سوآ
- الصورة لازم تكون ملونة و جديده و واضحة

كل ملامح وجهك واضحه وخاليه من الميك اب او من
من أي زينة وتتحجبين طبعا شعرك ورقبتك مايطلعون نهائياً
اذا كنتي تلبسين نظارة تنزلينها الله لايهينكّ و تصورين وجهك بدون نظارةّ ,
و ترِىّ راح يصورونك هم من عندهم بالاحوآل غير عشان الإثبآتْ يكون جديً :g ,
وعاد هي صورتني من عندهآ طبعا الصور مشوشة ومو مبينة الملامح كثيِرْ
وارسلوها لقسم الرجال ابويِ كان هنآكّ و عرفنآ انو هذي بنتي وهذي زوجتيً و هذي اختيً
( رحنا انا و امي و عمتيً )
طبعا انا غير متزوجه امي متزوجه وعمتي مطلقِةّ :d
واجرائآتنآ وحدِةّ :Looking:


المُــعرف إما انو رجل سعودي الهوية و محرمِ ,
أو سعوديتين [ امرأتينْ + قريبتين جدنِ ْ] كلاهمآ يحملن بطاقة احوال مدنيِةِ ,

و على فكرة اسميِ ما شالوه من بطآقِة العائلِةّ لاني بسسم الله ما شالله ما تقوزتشْ :d,
بعدين اللي يقول الموظف يشوفكّ يعني شافك خلاص افتضحتي مثلاً , ستمية الف وحده طلعت بطاقة ومرت عليِهّ :p
الدين وسطيِةّ :h
موفقة يارب و افضل لك تطلعينا من حايِلْ ارتب انظِمة واسرع






هذا مكتوب 23-05-2011 02:09 AM

ردود الأخوات واضحة وبالنسبة للصوره هل يراها الموظف
لايراها لأنه يأخذها من ولي الأمر من غير مايطالع فيها
ويرفقها مع الملف


ام معاذ 23-05-2011 08:02 AM

موفق بإذن الله ... لك مني أجمل تحية .

كاشخ بس مفلس 23-05-2011 06:03 PM

شـكرا لك وبارك الله فيك... لك مني أجمل تحية .


الساعة الآن 04:31 PM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين