تجمع المقبولات نهائياً في الأحوال المدنية ( البرنامج الإعدادي المنتهي بالتوظيف )

[مَلَك]

السلام عليكم
حيكون هنا تجمع للي انقبلوا نهائياً في وظيفة الأحوال المدنية اللي كانت تحت مسمى مدقق اجراءات أحوال مدنية ( البرنامج الاعدادي المنتهي بالتوظيف )

تقريبا كان التقديم على الوظيفة في ذو القعدة ، و القبول المبدئي و المقابلات كانت في الرياض في شهر محرم و النتائج النهائية اليوم الإثنين 12 ربيع الأول 1435

ألف مبروك للي انقبلوا
و بإذن الله خيرة و ربي يعوض بالأحسن للي ما نزل اسمه


حسب ما ورد في موقع وزارة الداخلية انه يوم 25 ربيع الأول على المقبولين نهائياً الحضور في معهد الإدارة العامة بالرياض و معهم وثائق الإثبات الرسمية



حبيت أسأل ..
1-في أحد عنده فكرة إذا رحنا يوم 25 حنبدأ دراسة على طول .. أو مجرد حضور للتأكيد ؟
2- حيقولوا لنا فروع المدن اللي نتعين فيها ، قبل أو بعد ما نخلص الدراسة و التدريب في الرياض ؟
3- يا ليت نساعد بعض بأقرب سكن سواء شقق مفروشة أو فنادق قريبة من معهد الإدارة بالرياض لأنه الأغلب حيجي من خارج الرياض ،

و الله يوفق الكل

[الحرف العربي]

هام للجميع
اولا ..-الجميع عليه ان يحمد الله ويسجد له شكر ويقبل قدم والديه ..وان يرضى بما قسم الله له

وعبرة من مجرب اكثر من عشرة سنين وانا اقدم على وظائف واكملت تعليمي واليوم رزقني رب العالمين
دائما توكل على الله وأسعى إلى أرضاء والديك وتمنى وادعوا لاخيك دعوة ولنفسك اخرى

والف مبروك للمقبولين\ت والعقبال للجميع الاخوان
ولااحد ييأس من رحمه الله ولا احد يتكل على الواسطة فثق بالله الرازق سبحانه وتعالى
والله ولي التوفيق

[الحرف العربي]

سؤال اذا تكرمتم
هل احضار ـــ سجل أسرة)ظروري ...او البطاقة تكفي

لانهم كاتبين في (مصطحبين معهم وثيقة الإثبات الرسمية (هوية وطنية ـــ سجل أسرة).
واذا احد يعرف رقمهم يضيفه
وجزاكم الله كل خير

[مَلَك]

الأحوال المدنية

فرع الرجال بالرياض : 0112297700
فرع النساء بالرباض : 0114121677

[غيمه زرقاء]

الف مبروك لكم ياللي انقبلتو الله يوفقكم
اما بالنسبة للهوية الوطنية قصدهم للعيال يعني مو لازم تجيب السجل تكتفي بالبطاقه اتوقع
اما السجل للبنات لان بعض البنات ماعندهم الهوية
وربي يوفقكم وييسر لكم
دعواتك لنا ربي يعوضنا خير

[مَلَك]

قائمة بالفنادق و الشقق المفروشة القريبة من مقر معهد الإدارة في الرياض

http://www.ipa.edu.sa/Arabic/Branche...es/hotels.aspx

[مَلَك]

المشاركة الأصلية كتبت بواسطة غيمه زرقاء

الف مبروك لكم ياللي انقبلتو الله يوفقكم
اما بالنسبة للهوية الوطنية قصدهم للعيال يعني مو لازم تجيب السجل تكتفي بالبطاقه اتوقع
اما السجل للبنات لان بعض البنات ماعندهم الهوية
وربي يوفقكم وييسر لكم
دعواتك لنا ربي يعوضنا خير

الله يبارك فيك
امين

بالضبط،، اتوقع نفس كلامك

[فاريهان]

السلام عليكم

انا الحمد لله تم قبولي.. و انا من جده

و عندي نفس الاسئلة ..

1-في أحد عنده فكرة إذا رحنا يوم 25 حنبدأ دراسة على طول .. أو مجرد حضور للتأكيد ؟
2- حيقولوا لنا فروع المدن اللي نتعين فيها ، قبل أو بعد ما نخلص الدراسة و التدريب في الرياض ؟

[مَلَك]

المشاركة الأصلية كتبت بواسطة فاريهان

السلام عليكم

انا الحمد لله تم قبولي.. و انا من جده

و عندي نفس الاسئلة ..

1-في أحد عنده فكرة إذا رحنا يوم 25 حنبدأ دراسة على طول .. أو مجرد حضور للتأكيد ؟
2- حيقولوا لنا فروع المدن اللي نتعين فيها ، قبل أو بعد ما نخلص الدراسة و التدريب في الرياض ؟

أهلين فاريهان
حأقولك باللي يفيد
اليوم كلمت أحوال الرجال و حولوني على المسؤول عن وظائف الأحوال المدنية
وقالي يوم 25 حنروح و نسوي اجراءات التسجيل في المعهد و بعدها نبدأ دراسة على طول
و قالي إنه مدير الأحوال أتغير و ما يدروا المدير الجديد إيش توجهاته إذا حيقولوا أماكن التعيين قبل الدراسة أو بعدها ، و قالي بس بإذن الله حيكون غالباً علي أول رغبة و حيكون في تساهل مع النساء خصيصاً
و قالي المكافأة حتكون ثلاثة آلاف ريال
و بالنسبة للسكن قالي أسألوا معهد الإدارة


و اتصلت على معهد الإدارة فرع النساء - قسم القبول و التسجيل
و قالت لي اللي ردت إنه ايوا من يوم 25 حنبدأ دراسة على طول و ياخذوا حضور و غياب و قالت لي إنه مشددين في الحضور و الغياب
و قالت حالياً مو موفرين سكن للبنات لهذا الفصل لكنهم مقدمين طلب بكذا
و قالت ما يدروا متى حيقولوا لنا أماكن التعيين بس غالباً بعد ما نخلص الدراسة و التدريب



و بس

زي مو واضح إنه للأسف مافي تنظيم و تنسيق و لسا في كثير تفاصيل مبهمة
ما لنا غير الصبر و نروح أول أسبوع و نشوف ايش يقولوا
و الله يختار الطيب و يكتب لنا التيسير

[عاطل عاط]

السلام عليكم
الف مبروك للي انقلبو وللي ما انقبل يارب يعوضه وظيفة بأحسن منها
انا الي اعرفه عن معهد الاداره الدراسه باللغه الانجليزيه والله يقونا علي
مسافة الطريق