متابعة مستمرة: مابعد اعلان الميزانية وترقّب رفع ايقاف التعيينات

[سالم التويجري]

السلام عليكم
زي ماهو واضح بالعنوان

ياشباب اللي يعرف أحد بالخدمة المدنية يسألهم هل جاء توجيه برفع ايقاف التعيينات ولا وش الوضع ..

[سالم التويجري]

وش دعوة كل هالمشاهدات ولا أحد رد


ماش شكل دفعة هالسنة ماهي متحمسة


قاعد أقرا مواضيع السنوات الماضية حقت ايقاف التعيينات .. تفاعل قوي وناس عندها مصادر واخبار حلوة ..

وينكم يا شباب

[مساري]

التعين مستمر لاتخاف طمن نفسك

مجرد وقت فقط وتلعن كل القطاعات ولو تلاحظ كل يوم ينزل اعلان نتائج بالموقع

وبالتوفيق للجميع

[سعودي متغربل]

الدنيا ما تبقى على ماهي عليه ولكن البشر تتغير
وكل سنه تكون اردى من السنه الي راحت وهكذا
سنه من السنين كانو يعطون الي يتخرج من الجامعه ارض ومبلغ مالي
وبعدها يتخرجون من المتوسطه يتوظف حكومي ثانوي حكومي جامعي حكومي
وبعدها بدأت تصعب الوظائف لحمله الثانويه ولكن الجامعي يحصل زي السلام عليكم
وبعدها صعبت على الجامعه وصارت لازم واسطات
وبعدها بدأت تضعف الوظائف وتنتشر البطالة بين شبابنا ومع البطاله حدث ولا حرج
وبعدها اصبح خريج الثنوي يدور واسطه عشان يكمل دراسته الجامعيه !!!!
سبحان الله والحمد لله ، شيء محزن مقلق مخوف الله يجبر خواطرنا المكسوره
ويرزقنا بالوظيفة الي تقدر تخلينا نوقف على رجولنا اكثر من ظ§ظ* ظھ‏ اهلهم لايملكون سوا راتب رب الاسره التقاعدي لا ورث
ولا بيت ولا شيء محتاجين وظائف نبني انفسنا ونبي لأبنائنا حرام عليكم تبرعات تروح برا الوطن حنا بأمس الحاجه لها
الأقربون اولى بالمعروف نحن لانملك سوا الدعاء ولا لنا غير الله والله لايجعل حاجتنا بيد غيره
اشهد ان لا اله الا الله وان محمد رسول الله

[قرار مهم]

ياخوي لا تلوم احد اذا ما شارك
المنتدى صاير لوحة اعلانات والله تعبت وانا احدث وتعلق الصفحات من كثرة الاعلانات وحتى ماتدري وين الردود من الاعلانات


المهم مالنا الا الصبر وياليت الي عنده معارف بديوان المظالم او بالخدمة المدنية يعطينا العلم ع الاقل متى التاريخ المتوقع للاعلان

[سالم التويجري]

المشكلة الجهة اللي ننتظرها تعلن الاسماء قاعدة تنتظر فرع الخدمة المدنية يوجهها.. وفروع الخدمة المدنية تنتظر توجيه الوزارة عشان يتمّون .. والوزارة تنتظر وزارة المالية (لأنها هي اللي اصدرت قرار ايقاف التعيين)

وبالتالي شكلنا راح ننمغط شهر ثاني