مستشفى الظافر في جده الواقع في في مشروع الأمير فواز

[خاص جداً]

[align=center]


بسم الله الرحمن الرحيم

قصتي مع مستشفى الظافر بجده ... من القهر والله اكتب لكم

عرض لزوجتي وظيفه سجلات طبيه عن طريق زميلتها الممرضه في الطوارئ وقالت نروح لمسل التوظيف توكلنا على الله ورحنا قابلنا ممثل التوظيف ( عبد الله الشهري ) جلست معه استفسر واخذ الملف فيه كل الشهايد والطلبات ( بكالريوس أدارة اعمال ) قال لنا الوظيف في السجلات الطبيه لأنه بحاجه لموظفه ثانيه في هالقسم وقال الراتب 1800 ريال والدوام 8 ساعات ويمكن يكون فترتين اذا اطرو وبدون بدلات لا بدل سكن ولا اي حاجه ولا فيه تامينات )))

وافقنا وقلنا تمام لنه قريب من البيت ( والهدف شهادة خبره )
قال لنا والله شوفو الملفات عندي بس مافي تخصص ولا فيه خبره بس انتم جايين عن طريق الممرضه فلانه وان شاءالله يكون خير ... قال يبي يعرض السي في على المدير العام ( صالح اليامي) وراح اتصل عليكم المهم ما طول اتصل في نفس اليوم وقال المقابله الساعه 8 مساء
طبعاص ما رحنا للمقابله لأني كنت مسافر .. المهم بعد اسبوع المدام اتصلت على صاحبتها ونسقت مع الأداره وحددت موعد نفس الوقت 8 مساءً..

وصلت المدام وقابلت صديقتها وطلعو للمدير ( صالح اليامي ) المهم قال لها تخصصك مو مطلوب عنددنا ) قالت له طيب الأستاذ ( عبد الله الشهري) قال لي ممكن في السجلات الطبيه ) قال لها لا مو معقول انا ابي تخصص سجلات طبيه وانتي تخصصك ادارة اعمال ) قالت خلاص اوكيه جلست من خلف النقاب تذرف دموعها.. حاولت صديقتها تساعدها وقال لها وش رايك في وظيفة ( مساعد صحي ) ههههههه قالت كيف انا تخصصي ادارة اعمال كيف مساعد صحي ( وراتب 1800 ريال
قالت افكر وارد لكم قال اوكيه ((((...

سحبت نفسها وجاتني السياره قلت لها وش صار عطتني السالفه قلت لها الله كريم انا صراحه حقدت عليه والله وش هالأداره الي توظف على كيفها بدون ما تتعاون مع الموارد البشريه ولا تامينات تعرف ولا حاجه .. بكيفهم يحطو وظايف ويشوفو الي تنفع يوظفها والي ما تنفع ما يوظفها..

وانا اتوقع ان المشكله مو بالتخصص بس لأنها جاته متحجبه اسود في أسود وهو يبي نفس الي انا شفتهم بالأستقبال مكياج وأبتسامات ( والله ما اظلمهم والي يبي يصدق يروح يشوف حشى مو استقبال مستشفى عرض ازياء )

المهم ابي اسأل ؟؟؟

كيف تجي مساعد صحي بدون تخصص يعني ارواح الناس لعبه كل من هب ودب يوظفه ويقول مساعد صحي ؟؟؟

وبعدين هل يحق له يصلح مقابلات شخصيه بمكتبه في الليل بدون رقابه من الغرفه التجاريه والموارد البشريه ... والمشكله ان المقابلات مع بنات ...

وش الحل ... والله انا جداً مقهور من هالتصرف ومستحيل وكان مافيه لا نظام ولا قانون ولا حسيب ولا رقيب وش يفكر الشغله الي يعجبه يوظفه والي ما تعجبه يكرش ..

المهم اخر شيئ صديقة المدام اتصلت عليها وقالت لها انتي غلطانه ليه ترددتي ليه ما وافقتي على مساعد صحي همه يدربوك .. قالت لها زوجي ماابي اختلاط وزوجي ما راح يوافق ... قالت لها لازم تكوني جريئه ولازم تتعودي على الأختلاط ومو لازم زوجك يعرف... طبعاً هيه متزوجه... وتشتغل بالظافر دوام اظافي بس ما تقصر تجيب بنات توظفهم عند صالح اليامي ...

هذا والله على ما اقول شهيد وان شاءالله ما ظلمتهم بحرف واحد وانا مستعد للمسأله وهذاالي ابيه ..

ياليت اذا الموضوع مو في مكانه الصحيح او انه مخالف

وراح ينقل او ينحذف اتبلغ برساله خاصه مع فائق احترامي لكم
[/align]

[منّو]

لا حول ولا قوة الا بالله ~
نقلته لقسم الفساد والجريمة~
وفقكم الله ~

[بروبان]

خوفتونا من القطاع الخاص

[مجرد احلام]

الحشمه اللزم من الوظيفه بمليون مره وعسى الله يعوضها خير من هالوضيفه اللي اصحابها يبون شهادات مكياج وكحل وتحديد حواجب

من ترك شيء لله عوضه الله خير منه

[خاص جداً]

شكراً للمشرفه على نقل الموضوع الى مكانه الصحيح

وشكراً لك من شاهد موضوعي ..

وفعلاً القطاع الخااااص مهزله لا يوجد لهم لا حسيب ولا رقيب

قصتي نقطه في بحر من القصص المشابهه

وفعلاً جريمه بحد ذاتها لكن الله يقوينا للتصدي لها

وان شاء الله ما راح اسكت راح احاول بكل جهدي حتى لأيصال صوتي لأي مسؤل يحق الحق ويبطل الباطل

أحترامي

[نهاية ضحكتي دمعه]

لاحول ولاقوة الا بالله

[كاندي شوب]

السلام عليكم جميعا

عفوا أخوي .. أحب أقول إن المسألة كلها غلطتكم من بداية الموافقة على وظيفة في السجلات الطبية والمدام شهادتها إدارة أعمال!!! بسبب الجري وراء شهادة خبرة!!!!!!!!

ثانيا .. تقول مارحت المقابلة مع المدير العام أول مرة لأنك مسافر، طيب لما رجعت من السفر برضها المدام دخلت عنده مع صاحبتها وإنت تستناها في السيارة!!! إيش الفايدة؟؟؟؟؟؟؟

ثالثا .. المستشفيات معروفة دوامها: من ٩-١ النهار أو من ٥-٩ الليل .... ليه مستغرب من مقابلة الساعة ٨ مساء وفوقها مادخلت مع المدام؟ هي صاحبتها صايرة محرم مثلا، دا غير نصيحتها للمدام بعدم معرفتك بالاختلاط والجرأة المطلوبة .. مو مبين الكتاب من عنوانه؟؟؟؟؟؟؟

رابعا .. لا الماكياج ولا الابتسامات ضمنت الوظائف لبنات الاستقبال .. ولا الأسود في أسود حرم المدام من وظيفة (أي كلام)!!! يمكن ربي من عنده صرفها عن هالوظيفة الظالمة لحقوقها ووقتها وشهادتها .... ليه تحط العيب في بنات مستشفى عرض الأزياء؟؟؟؟؟؟؟

وظيفة السجلات الطبية نفسها تحتاج شخص فاهم في المجال الصحي ... وزيها زي المساعد الصحي، لا بد من المصطلحات الطبية الانجليزية ودراية بتقسيم وأرشفة سجلات المرضى ومستنداتهم الطبية حسب الحالات الصحية .... يعني مستغرب من وظيفة المساعد الصحي لخريجة إدارة أعمال ومنت مستغرب من وظيفة بالسجلات الطبية لنفس الخريجة؟؟؟؟؟؟؟؟

القطاع الخاص معروف بالمصلحة التجارية بغض النظر عن مجال المنشأة اللي تقدم عندها .. الذكاء الاجتماعي والوظيفي هو فرض نفسك بحسب احتياجهم وبدون زعزعة مبادئ جوهرية لمجرد شهادة خبرة أو حتى لقمة عيش!




الله يفتحها عليكم ويسخر للمدام الوظيفة اللي ترضيك عنها ويرضيها .... وفوقها تلتزم فيها بشرع ربها (الدين يسر لا عسر)
وأتمنى نسمع عن المدام خبر وظيفي حلو قريبا بإذن الله

[بتاّل الحربي]

الله يوفقها في خير مايرضاه ..لاكن ان سئلت عن النظام المراقب للمنشئات الصحيه او القطاع الخاص بشكل عام انا ابقولك لايوجد نظام الرأس ماليه . تلعب في البلد بدون رقيب ولا حسيب والدليل هناك اجانب يشتغلون في المستشفيات الخاصه بشهادات مزوره وجالسين يتعلموا بالناس ولو طلبنا من منشأه توظف سعودي ماراح توظفه يعن يالشغله تحدي وتحددى الادارات الحكوميه لان مافيه عقوبه بحق الشركه المخالفه ..ياليت فيه عقوبه القصاص تطبق في القطاع الخاص كان مافيه تلاعب

امل من الله تتوفق حرمك في وظيفه افضل منها باذن الله

[زويد الزويد]

أخي العزيز / خاص جدأ
عليك بتقديم خطاب موضح به كل التفاصيل ومن ثم تقديمه إلى إدارة التفتيش بمكتب العمل بجدة .

[رذآذ آلخفجي]

معد فيه خوف من الله ولآ مسؤوليه
حسبي الله ونعم الوكيل ...