بريد من بنك الاهلي ادخلووو

[lora24]

المشاركة الأصلية كتبت بواسطة فهيد ،

واحد من اخوياي توظف صراف وخدمة عملاء في البنك الأهلي قبل تسعة شهور تقريباً ،
قبل يباشر عندهم اتصل على الشيخ عبدالله المطلق ( عضو هيئة كبار العلماء )
وقال له : يا شيخ أنا إنقبلت صراف وخدمة عملاء في البنك الأهلي ،
هل أبدأ مباشرتي أو هناك فتوى ضد العمل عندهم ؟
قال الشيخ : توكل على الله وباشر مادام الوظيفة صراف وخدمة عملاء ،

عاد باقي البرامج الله أعلم بها .

ليش تسحبين على الإختبار ؟
أنا لغتي مبتدئة وحالي من حالك وسويت اللي علي والباقي على الله ،
شدي حيلك وحاولي تحلين والتوفيق بيد الله ،
بعض الأقسام في الإختبار فيها مجال ترجمة للصفحة ،
وبعضها تقدرين تنسخين الكلام وتترجمينه في قوقل وترجعين تجاوبين ،
تقريباً قسم العددي والنظري هم الوحيدين اللي مافيهم مجال للترجمة ،

بالتوفيق ،

لان مو بس الاختبار انجليزي
حتى المقابلات بالله لو حددو موعد اروح وش اسوي عندهم!
طيب بما انك حليت باقي الاقسام
الله يسعدك هل كل الاقسام عليها وقت او نفس الاستبيان الشخصي وقتها مفتوح؟

[فهيد ،]

المشاركة الأصلية كتبت بواسطة lora24

لان مو بس الاختبار انجليزي
حتى المقابلات بالله لو حددو موعد اروح وش اسوي عندهم!
طيب بما انك حليت باقي الاقسام
الله يسعدك هل كل الاقسام عليها وقت او نفس الاستبيان الشخصي وقتها مفتوح؟

انتي ليش تقفلين بابك بنفسك ؟
امشي على الاجراءات حبة حبة ،
وإذا استدعوك للمقابلة وقتها ما تدرين يمكن تتوفقين وتعدينها ويكتب لك الله كل خير ونصيب في هالوظيفة ،
كلنا مالنا إلا السعي ، والتوفيق بيد الله سبحانه ،

بالنسبة للأسئلة :

كل قسم له وقت معين ، بعضها 25 دقيقة وبعضها 30 دقيقة ،
إلا قسم الرايتنق لكل سؤال فيه له ثلاث دقايق كوقت محدد للإجابة ،
تقريبا اكثر من 20 سؤال وكل سؤال مخصص له ثلاث دقايق ،
اشوفها حلوة ويمدي الواحد يترجم في صفحة ثانية ويرجع يجاوب ،
وطبعا قسم الإستبيان هو الوحيد اللي ماله وقت محدد ، يعني مفتوح ..

بالتوفيق ،

[lora24]

هههههه احس اني تهزأت
يعطيك العافيه استاذ فهيد الله يوفقك وييسر امرك
شكررااااا من الاعماق عالمساعده

[فهيد ،]

المشاركة الأصلية كتبت بواسطة lora24

هههههه احس اني تهزأت
يعطيك العافيه استاذ فهيد الله يوفقك وييسر امرك
شكررااااا من الاعماق عالمساعده

ههههههههه محشومه ،

الله يعافيك ويوفقنا وياك لكل خير ،
ولا شكر على واجب ،

موفقه بإذن الله ،

[فيصل1234]

الي مقدمين صراف وخدمة عملاء ياليت تذكرون المنطقة
و متى ارسلتو الجدول حق السيره والتامينات

ومتى جاكم الرد منهم

[BOLD]

اخوي فهيد ..

وش وضع صديقك المتوظف الان وكيف رواتبهم وكيف الشغل عطنا نبذة اذا تكرمت وهل هو فالرياض ؟

[فيصل1234]

المشاركة الأصلية كتبت بواسطة BOLD

اخوي فهيد ..

وش وضع صديقك المتوظف الان وكيف رواتبهم وكيف الشغل عطنا نبذة اذا تكرمت وهل هو فالرياض ؟

انت مقدم على صرافه وخدمة عملاء ؟ متى ارسلو الجدول ومتى جاك الرد

[BOLD]

المشاركة الأصلية كتبت بواسطة فيصل1234

انت مقدم على صرافه وخدمة عملاء ؟ متى ارسلو الجدول ومتى جاك الرد

ايه نعم ..

ارسلوا الجدول قبل اسبوعين كان يوم خميس
ويوم الأحد الماضي ارسلوا الاختبار

[فيصل1234]

المشاركة الأصلية كتبت بواسطة BOLD

ايه نعم ..

ارسلوا الجدول قبل اسبوعين كان يوم خميس
ويوم الأحد الماضي ارسلوا الاختبار

انت بكالوريوس ولا دبلوم

[فهيد ،]

المشاركة الأصلية كتبت بواسطة BOLD

اخوي فهيد ..

وش وضع صديقك المتوظف الان وكيف رواتبهم وكيف الشغل عطنا نبذة اذا تكرمت وهل هو فالرياض ؟

صباحك خير ،

والله يالغالي صديقي في محافظة صغيرة ( مو بالرياض ) ، في محافظة ( رنية ) بالضبط ،
طبعاً وظيفته خدمة عملاء : الأساسي 5300 ريال تقريباً + بدل 1800 ريال ، يعني البكج كامل 7100 ريال ،

وقد اشتغل صراف قبل فترة وكان راتبها افضل لأن الصراف له زيادة بدل 1000 ريال او 1500 ريال تقريباً ،
يعني الصراف كان راتبه البكج كامل فوق 8100 ريال تقريبا وأتوقع توصل 8500 ريال ،

بالنسبة للشغل يقول ايام فيه ضغط وايام خفيف ، بس بشكل عام مافيه ذاك الضغط .