قربت المدرسه وش الســـــــــــواه يا اخواني

[اختكم المسلمه]

السلام عليكم ورحمة الله وبركاته
أخواني قربت المدارس وانا لدي ابنتين الله يحفظهم. وماعندي إمكانيه أشتري أغراض للمدرسه

فيا أخواني ويا أخواتي...

من عنده أغراض مدرسه قديمه لعياله أقلام قديمه أو مراييل أو دفاتر من العام وقبل العام
يراسلني على الخاص أنا أحوج فيها قبل لا ترمونها....علما أن بنتي الكبيره في سادس ابتدائي والصغيره بأول ابتدائي... والمراييل المدرسيه ألبسهم مراييل العام بس المشكله الأطفال يكبرون بسرعه وأتوهق بشراء مريول آخر

والله يا أخواني إني ما فرحت يوم سجلت بنتي الصغيره المدرسه أفكر كيف أشتري لها أغراض للمدرسه. وتعرفون البنات يفتشلون اذا راحوا المدرسه ما معهم أغراض
والله إني أقنع بنتي أبيها تغيب أول أسبوع حتى أوفر الأغراض المدرسيه


واعتذر عن الإطاله
الله يسعدكم يا أخواني

[جانيت]

من فين أختي؟

[جدوع]

أختي أرجوك انا متكفل في بناتك وبمصارفيهم كلها ارجوك راسلني !

سالتك بالله لا تحرميني الاجر والي يخليهم لك !

[بع بع]

لاحول ولا قوة الا بالله

اختي كلنا نحب الخير واخوي جدوع تكفل بالموضوع وحنا مو مقصرين

اسال الله سبحانه ان يفرج كربتك ضيقتي صدري

الحمد لله على النعمه وعلى فضله

[ممتازة بلا وظيفة]

الله يفرج همك
ويسخر لك من رزقه

[يالله عساها تفرج]

الله يفرجها عليك

[الراآسيه]

أختي بارك الله فيك ياليت تردين ع الأعضاء وتخبرينا باللي صار معك

[اختكم المسلمه]

السلام عليكم ورحمة الله وبركاته

جزاكم الله عني خير الجزاء

ارسلت لكم على الخاص عنواني ورقمي

لكن مافي أحد تواصل معي

وانا من منطقة الرياض

عسى ربي يدخل الفرحه في قلوب عيالكم ولا يكسر بخواطرهم.. ويوفقهم في دراستهم.. ويرزقكم برهم ويبغلكم نفعهم

أختكم المسلمه

[منى القويعية]

الله يوسع في رزقك ويفرج همك

[عاطل في زمن باطل]

الله يوسع لك في رزقك ويغنيك بحلاله عن حرامه وبفضله عن من سواه