حافز نزل لي الشهر الاول والشهر الثاني غير موهل استهبال هو

[نظارة خضراء]

السلام عليكم ورحمه الله

انا حافز نزل لي الشهر الاول والحين مانزل لي شي

السبب
اريخ التحقق 23 صفر 1433 حالة الأهلية غير مؤهلالسبب تشير سجلات المؤسسة العامة للتدريب التقني والمهني إلى أن المتقدم قد أنهى برنامج تدريبي مدته 3 أشهر, لذلك ينبغي الانتظار لمدة 6 أشهر قبل التقديم لبرنامج حافز __________________

*لمعالجة السبب المؤدي إلى عدم تأهلك الرجاء مراجعة الجهة المختصة والمذكورة في سبب عدم التأهل. وفي حال عدم استيفائك لشرط الإقامة الدائمة في المملكة الرجاء التوجه إلى صفحة الأسئلة المتكررة لمعرفة المزيد من المعلومات عن ذلك.



انا صح خلصت الدوره بتاريخ 6 /9

طيب لية من الاساس ينزلون لي الشهر الاول بعدين يقولون لا وربي استهبال مو صاحي

بعد مالواحد انبسط .. وصار يصرف ع نفسة ررجعو عكسوها مره ثانية

[ام رياض]

والله انه ذل حافزز انا نزل الشهر الي فات الفين والحيين جاني مسج انها بس 1130 ريال ...


حسبي الله عليهم

[نظارة خضراء]

ام رياض

وقسم بالله ام الاستهبال حافز ذا طيب لية .. يخلون الواحد ينبسط ويستنى بعد هالشهر

يعني من الاساس انا كاتب لكم .. يعني لاتنزلون الشهر الاول وتغيرون الوضع

تخلون الواحد 2000 ويصرف ع نفسة وينبسط .. ويمشي اموره وبعدين تقولون لا

والله ام الاستهبال ذا .. ذولنا وربي وش ذا المشكة دوره انجليزي لمده 21 اسبوع

لاهي اللى بتوظفني ولا شي استهبال وشروط زفت

[انين الروووح]

انتي سجـــلتي بالمعهدبعد مانزل لك حافزوه .؟؟
ولا من قبل مسجله

[نظارة خضراء]

المشاركة الأصلية كتبت بواسطة انين الروووح

انتي سجـــلتي بالمعهدبعد مانزل لك حافزوه .؟؟
ولا من قبل مسجله

انا ولد مو بنت

لا انا خلصت الدوره بتاريخ 9/6

ونزل لي الشهر الاول طبيعي الحين اكتشفو اني اخذ دوره

تاريخ 3/6

اكمل 6 شهور ع حسب شروطهم .. بس لية ينزلون لي الشهر الاول والثاني لا

والله استهبال مو صاحي

[رياض التركي]

تحمدي ربك انها نزلت ال 2000

نظاما وقانونا ترجعينها المفروض لانها بالغلط ...


بس خلاص عاد مابيدورون وراك



انتي مثل حالتي


الشهر اللي راح عطوني والشهر ذا لا

[فتاة الأنصاف]

المشاركة الأصلية كتبت بواسطة رياض التركي

تحمدي ربك انها نزلت ال 2000

نظاما وقانونا ترجعينها المفروض لانها بالغلط ...


بس خلاص عاد مابيدورون وراك



انتي مثل حالتي


الشهر اللي راح عطوني والشهر ذا لا

تحمد ربها ماقلنا شئ كلنا نحمد ربنا وهذا معروف ومفرغ منه... لكن النظام والقانون انا لست معك في هذه النقطة لان النظام هذا وضع تعسفيا ووضعت له عرقيل حتى تتقلص قيمة حافز على الحد الاقصى من الأفراد
اما ترجعيها فهي حلال عليها وليست من حقهم انما هي من حقك الذي سلب وتم تدليسه بانظمة ظالمة المبطن عليه

لان الملك عبدالله حفظه الله_ قال بصريح العبارة: أعانة لجميع العاطلين ولم يحدد لها شروط والسبب انها أخذ دورة فيها تطوير الزياده في العلم والتعلم وهو شرط غير مقنع ان من يأخذ دورة لاتجب عليه اعانه حافز ولسه باقي اموال بالمليارات اكلوها المسؤلين من غير وجة حق جت عليك الالفين يعني وهو بالاساس هذا حق مشروع لك مستغل منهم..

من اسمه "حافز "المفروض يحفزه على الدورة التي تم اخذها لها ويساعده اعانة حافز في ان يصرف مبلغ مستقطع من حافز لتطور ذاته في دورات واكثر من دورة بدلا من ان تكون حافز سببا لقطع الناس وايقافهم عن اخذ دوراتهم لكي لاتقطع عنهم
فكثير من الناس اعرفهم كان بودهم دخول دورات من اعانة حافز لكن لما سمعوا ان حافزيحرم منه من يدخل الدورات عدلوا وابتعدوا عن أخذها.. فهو خاسر وعاجز في تحقيق التحفيز للمعطلين عن العمل..

[آر اندرويد]

^^


وانتي تتوقعين الملك مايدري عن اللي صاير !!"


رددي بس يابلادي واصلي واحنا وراكي واصلي

[سرااا]

انا خصمو مني 162 انا مالي ضمان

الوالد له بس انا شدخلني المشكله

خاصمين في بيانات اختي نفسي وهي

غير مؤهله لان عمرة اكبر

استهبال يخصمون وهي غير مؤهله كل

هذا جشع وطمع ؟؟؟ طيب ماتنزلوله ولا خايفين ينزله بالخطأ

الفين كامله ما اقول الا حسبي الله ونعم الوكيل

الله مايضيع حد من اكبر مسؤول الى اصغر 00

نسو ان في حساب وجزاء وانا باخر الزمان

الواحد يجمع حسنات لاخرته مو فلوس تشوى في بطونهم

اذا اخذينه بالحرام ... والله ماتنفعهم ملايينهم قدام عقاب الجبار

اللهم لاتجعلني اكل مال الحرام ..والله فيه ناس اعرفهم ياكلون

من القمامه وانتم بكرامه والله عيب احنا دولة تحتظن الحرمين

وين جمعية حقوق الانسان ؟؟

لكن الله سميع بصير مايخفى عليه شي

وماخفي عنا يعلم فيه ..

[موونيااا]

المشاركة الأصلية كتبت بواسطة نظارة خضراء

السلام عليكم ورحمه الله

انا حافز نزل لي الشهر الاول والحين مانزل لي شي

السبب
اريخ التحقق 23 صفر 1433 حالة الأهلية غير مؤهلالسبب تشير سجلات المؤسسة العامة للتدريب التقني والمهني إلى أن المتقدم قد أنهى برنامج تدريبي مدته 3 أشهر, لذلك ينبغي الانتظار لمدة 6 أشهر قبل التقديم لبرنامج حافز __________________

*لمعالجة السبب المؤدي إلى عدم تأهلك الرجاء مراجعة الجهة المختصة والمذكورة في سبب عدم التأهل. وفي حال عدم استيفائك لشرط الإقامة الدائمة في المملكة الرجاء التوجه إلى صفحة الأسئلة المتكررة لمعرفة المزيد من المعلومات عن ذلك.



انا صح خلصت الدوره بتاريخ 6 /9

طيب لية من الاساس ينزلون لي الشهر الاول بعدين يقولون لا وربي استهبال مو صاحي

بعد مالواحد انبسط .. وصار يصرف ع نفسة ررجعو عكسوها مره ثانية

من حقك أنك ترفع شكوى , وألأفضل من بدري عشان يكون لك نصيب بالدفعة الجايه
وواضح إنو الغلط من عندهم لانك إنت ماخالفت الشروط ,
أتوقع لخبطة في النظام كعادتهم

تحمدي ربك انها نزلت ال 2000

نظاما وقانونا ترجعينها المفروض لانها بالغلط ...


بس خلاص عاد مابيدورون وراك



انتي مثل حالتي


الشهر اللي راح عطوني والشهر ذا لا

في حد قال انه مو حامد ربه !!
وبعدين كلامك غلط لان الاخ الي فوق مكمل ست شهور , كيف تقول انها نازلة بلغلططط ,

الافضل مراجعتهم وعدم السكوت