تجمع متقدمي "وزارة الدفاع " لخريجي الثانوية

[سليمان الدوسري]

السلام عليكم

هنا تجمع المتقدمين على وظائف "وزارة الدفاع "
مثل ما هو مبين الموضوع , نريد الكل يشارك ونستفيد ونفيد


مبارك عليكم الشهر الفضيل ياخوان

ياشباب زي مانتو شايفين فتحوا التسجيل بكليات وزارة الدفاع

طبعا انا ماتخرجت هالسنه انا من خريج السنه الماضيه عام 1437

وانقبلت العام قبول مبدئي بكلية الملك عبدالعزيز الحربيه وحجزت موعد

لكن للاسف حصلي ظرف وماقدرت اسافر للرياض ..

نويت اقدم لكلية الملك خالد العسكريه هذي السنه لكن ماقدرت ارفع طلب لان الخانه

حقت تاريخ التخرج موجود فيها 1438 تلقائيا .. لكن كليات وزارة الدفاع تقدر ترفع

الطلب وانا ماقصدي اتحايل على النظام لاني بحط بالخانه حقت تاريخ التخرج 1437

وقلت بقدم انا لكلية الملك عبدالعزيز الحربيه لعل وعسى ان يتم قبولي لكن هل فيه احتمال انهم يقبلو خريج

من عام 1437 مع العلم الطول والوزن تمام والحمدلله وكذلك خريج ثانوية حكوميه

والمعدل ولله الحمد والمنه عالي ماشاء الله

وش رايكم وش تشوفين ياشباب هل اقدم طلب او اكنسل الموضوع وائيس منهم

[ام ملاك2]

السلام عليكم ورحمة الله
التسجيل في كلية وزارة الدفاع هوية الجد مطلوبه وهي غير موجوده وش الحل
اخوي يبي يسجل فالكليه وهوية جدي مطلوبه عليه وهو متوفي ولايجود له هويه

[دااني]

فالك البيرق انشاء الله
ليس محدد بالسنة واحدة عادي اعرف واحد قدم ثلاث سنوات خريج والسنة الثالثة انقبل ومشت أموره
اسأل الله لي ولكم القبول النهائي..

[سليمان الدوسري]

المشاركة الأصلية كتبت بواسطة دااني

فالك البيرق انشاء الله
ليس محدد بالسنة واحدة عادي اعرف واحد قدم ثلاث سنوات خريج والسنة الثالثة انقبل ومشت أموره
اسأل الله لي ولكم القبول النهائي..

آمين اخوي الله يسمع منگ

اسأل الله العلي القدير في هـذا الشهـر الفضيل
ان يگتب لي ولگم القبول النهـائي بالگليات اللي نتمناهـا

الله يعطيگ العافيه

[سليمان الدوسري]

المشاركة الأصلية كتبت بواسطة ام ملاك2

السلام عليكم ورحمة الله
التسجيل في كلية وزارة الدفاع هوية الجد مطلوبه وهي غير موجوده وش الحل
اخوي يبي يسجل فالكليه وهوية جدي مطلوبه عليه وهو متوفي ولايجود له هويه

لازم اخوك يتوجه لأقرب فرع للأحوال المدنيه ويعطيهم اسم جدكم

وبعدين ياخذ السجل المدني حق جدكم منهم

[ام ملاك2]

جزاك الله خير لكن جدي ماطلعت اثبات من الاساب

[سليمان الدوسري]

المشاركة الأصلية كتبت بواسطة ام ملاك2

جزاك الله خير لكن جدي ماطلعت اثبات من الاساب

حتى لو ماطلع اعتقد لازم يراجع الاحوال المدنيه يمكن يشوفون له حل

لأن اثبات الجد ( والد الاب ) ضروري خلال التسجيل اما والد الأم فمايحتاج

عسى الله يگتب لنا القبول للگليات اللي نبيها

[سليمان الدوسري]

ياخوان وش يعني ترتيب اولويات الرغبات ؟؟

اشوف يمديك تحط فيها كل الكليات حقات وزارة الدفاع

ياليت احد يوضح لي وش معناتها ؟؟

[طالب مستجد3]

المشاركة الأصلية كتبت بواسطة سليمان الدوسري

ياخوان وش يعني ترتيب اولويات الرغبات ؟؟

اشوف يمديك تحط فيها كل الكليات حقات وزارة الدفاع

ياليت احد يوضح لي وش معناتها ؟؟

يعني تضع لك خيارات بي الكليات التي ترغب بها

ضع البحريه1
البريه2
الدفاع الجوي3
الجويه4

[1Abdulaziz]

شباب انا بسجلفي كلية الدفاع وانا من سكان الطايف بس وش احسن كليه الاحسن فيها الكليه الحربيه سيئه مابيها بس وس احسن في الثلاث هل البحريه ام الجويه ام الدفاع الجوي

وانا رحت قست طولي عند خياط 168 وبالمتر ذاك اللي ينمط مدري عرفتوه 168 وبالمول مكينه الكترونيه طلع 161 وش اصدق؟

الله يوفق من يرد علي