أستشاره للشباب .. أبي أستقل عن أهلي

[رفاهية المواطن]

السلام عليكم ورحمة الله وبركاته ..

أخواني أنا ناوي ان شاء الله استقل في سكن لحالي أبي أخذ راحتي من ابسط حقوقي

علما ان كل البيت عاطل ومنافسات استغفر الله في امور تافهه (العاطل تصرفاته غريبه)

انتقاد حسد غيره دنفسه استفزاز محاولة فرض سيطرة احس اني عايش مع حيوانات

فلذلك قررت اسكن لحالي بس مابي اسكن في شقه لأنها تسبب لي كتمه وضيقه كنها قبر

أبي أسكن في أستراحه لأني احب الأماكن المفتوحه وابي احط دجاج وازرع نعناع وورد

بس خايف من السرقات علما انه سيكون دوامي 12 ساعه

مو مشكله اخذ كمبيوتري معي بس الشاشه والبلايستيشن والرسيفر وحتى دجاجي من النوع الغالي

المنطقه : القصيم . بريده او عنيزة

افيدوووووووووووووووووووووووووووووووووووووووووني

وشكرآآآآآآآآآآآآآآآآ جزيلآلآلآلآلآلآ

[رفاهية المواطن]

15 مشاهدة ولا رد 1 ؟

غريبه !

[ااااحساس حلم]

12 ساعة + 8 ساعات نوم و 4 ساعات معهم متضايق بعد
وش تحس فيه

[رفاهية المواطن]

المشاركة الأصلية كتبت بواسطة ااااحساس حلم

12 ساعة + 8 ساعات نوم و 4 ساعات معهم متضايق بعد
وش تحس فيه

انا لسى ما داومت لاكن خلاص ان شاء الله بداوم حارس امن

لاكن ابي استقل زي ماذكرت خصوصا اني وصلت الثلاثين وعندي ناس وصله 40 وعطاله

ابي اخفف العبأ عليهم وخلك بعيد حبك يزيد

[ااااحساس حلم]

استقلالية وراتب ضعيف ولسى عزوبي عندك ضعف نظر للحياة

[الراآسيه]

وش تستفيد اذا بتستأجر استراحه بيزيد همك هم
وانت مثل ماقلت متوظف رجل امن اللي اعرفه راتبها ضعيف
بتصرف ع اكلك ولا سيارتك ولا الدجاج ولا اجار
الزم البيت من اهلك واخوانك وحاول تبحث عن سبب التنافر
بينكم وتحله وترى العطاله لها دور بتغيير النفسيات لا تلوم نفسك ولا اخوانك وحاول تبدأ بتغيير نفسك حتى يصلح ماحولك وبإذن الله إذا بدأت تستلم راتب بتساهم بشي من المصاريف وبيخف عليك الضغط شوي
واما مسألة الاستقلاليه لوحدك وفي استراحه غلط

[الراآسيه]

وارجو المعذره وسامحني كوني بنت ماطبقت طلبك اللي بالعنوان للشباب فقط
ولكن اردت أن ادلي بدلوي حتى لو مااستفدت أنت يستفيد غيرك ممن خلف الشاشه

[ميراف]

استغربت بصراحه خلك بعيد حبك يزيد يعني انت ساكن مع اقرب الناس لك
احنا ماندري ايش الي صايروخاصه انك انت الي عايش معاهم بس الي اعرفه انه مافي احد يحبك كثر أهلك فشوف
ايش اسباب التنافر الي بينكم وحاولوا تصلحون الوضع وتتقربون من بعض ومثل ماقالت الراسيه احيانا العطاله يكون لها تأثير
وخاصه الشباب بس موسبب كافي انك تترك أهلك

بالنسبه للاستراحه راح تكون التكاليف عليك كثييره ايجاروفاتورة كهرباء ومصروفك
وأمور كثيره راح تسحب عليك الراتب كله فكر أكثر قدام ماتقدم على هالخطوه
الله يوفقك اخوي ويرزقك من فضله ويصلح حالكم ويرزق كل عاطل وعاطله بالوظيفه

[رفاهية المواطن]

المشاركة الأصلية كتبت بواسطة الراآسيه

وش تستفيد اذا بتستأجر استراحه بيزيد همك هم
وانت مثل ماقلت متوظف رجل امن اللي اعرفه راتبها ضعيف
بتصرف ع اكلك ولا سيارتك ولا الدجاج ولا اجار
الزم البيت من اهلك واخوانك وحاول تبحث عن سبب التنافر
بينكم وتحله وترى العطاله لها دور بتغيير النفسيات لا تلوم نفسك ولا اخوانك وحاول تبدأ بتغيير نفسك حتى يصلح ماحولك وبإذن الله إذا بدأت تستلم راتب بتساهم بشي من المصاريف وبيخف عليك الضغط شوي
واما مسألة الاستقلاليه لوحدك وفي استراحه غلط

ليه غلط ؟ الي عندي نفسيات كانو يستخدمون السلطه لأنهم كانو أكبر مني بس الحين كسرت شوكتهم
ويحاولون يستردون شي من السلطه بالأستفزاز لأني ترعرعت ونشأت يتيم الأب
ذنب الكلب اعوج مستحيل يتغيرون احترمهم يعاملوني بكل سفالة وانحطاط ادعس عليهم يقولون هذا انت
استفزاز سياسي صار عندي قولون عصبي بسببهم ما ابغى اروح للدوام وارجع واعصابي مشدوده
واخذ وضعية الدفاع وكأني بحرب ! يكفي بكون تحت ضغط العمل . الراحه تنشرى بفلوس الدنياء

المشاركة الأصلية كتبت بواسطة ميراف

استغربت بصراحه خلك بعيد حبك يزيد يعني انت ساكن مع اقرب الناس لك
احنا ماندري ايش الي صايروخاصه انك انت الي عايش معاهم بس الي اعرفه انه مافي احد يحبك كثر أهلك فشوف
ايش اسباب التنافر الي بينكم وحاولوا تصلحون الوضع وتتقربون من بعض ومثل ماقالت الراسيه احيانا العطاله يكون لها تأثير
وخاصه الشباب بس موسبب كافي انك تترك أهلك

بالنسبه للاستراحه راح تكون التكاليف عليك كثييره ايجاروفاتورة كهرباء ومصروفك
وأمور كثيره راح تسحب عليك الراتب كله فكر أكثر قدام ماتقدم على هالخطوه
الله يوفقك اخوي ويرزقك من فضله ويصلح حالكم ويرزق كل عاطل وعاطله بالوظيفه

ليه يابوي ترى انتو فاهمين الاستراحه غلط
تحسبونها مسبح وملعب وصاله 10 متر لالالالالا
غريفه وصله ومطيبخ ودورة مياة وحوش 4X5 متر اجار سنوي 8000 ريال

[انفاس مبعثره]

حلوه فكرتك توظف واطلع من عندهم ريّح وارتاح

بس هاه اهم شي الدجاج لا يذبحه الجوع