تجارة في الشنط والعطور

[عطر السندريلا]

السلام عليكم

انا ابي اشتري مجموعة شنط وعطور واسوقها ابيعها على الناس بالنت بس اخاف ماابيعها وتظل عندي يعني اقصد محد يشتري مني

وش نصايحكم ؟؟

[تَهلُكہ]

وعليكم السلام

اهم شي اختي يكون عندك عدد متابعين لـ شراء البضاعه من النت ومندوب تحت خدمتك ويكون لك علاقات اجتماعية كويسه
ويكون عندك عملية تسويق وترويج للسسلع

[عطر السندريلا]

هذي المشكلة الممندوب من وين اجيبه

[تَهلُكہ]

اتفقي مع احد مندوبين
بصراحه في انستغرام ياكثر ماشتري منه وكفو مندوبين
ادخلي وتعاقدي مع احد منهم
ربي يوفقك

[ماكو شقل]

المندوبين اسهل نقطه بهالموضوع بتحصلين ارقامهم مليانه بالانستقرام وتقدرين تتفقين معهم

المشكله بالمنافسه القويه بالانستقرام بين تجار الشنط والعطورات

لاتطلبين كميه كبيره لان صعب تمشينها وانتي بالبدايه وبتقعد عندك

ابدي بكم حبه وان مشت باذن الله وزاد الفلورز عندك جيبي اكثر

[فيصل الخطيب]

لاتطلبي كمية كبيرة ابدا والمندوبين كثير جدا

[خآلد آلعنزي]

عليكم السلام ،،

اذا خايفه تشترين بضاعه وتخسرين " محد يشتري "
انصحك تدخلين مع قروبات التسويق او تشوفين لك ناس اهل بضاعه ماشيه ولهم سوق وتشتغلين معهم لفتره معينه جربي نفسك بدون تخسرين راس مالك واعرفي كيف يشتغلون وكيف يسوقون
جربي نفسك بالبيع من بضايعهم كذا ماعليك خوف وتكون تجربه ما خسرتي فيها الا الجهد والفايده الاكبر التعلم و إكتساب الخبره

ان يكون هناك عمليات بيع وربح لابد من :-
حاجة الناس للمنتج / جودته / سعره / حداثته / توفره في الاسواق
حسن التعامل مع العملاء
التسويق / التسويق / التسويق
توثيق تجارب العملاء ..

في نظري هذي الاشياء المهمه ،،

والله يوفقك ويرزقك

[مشاريع الرياض]

راسلني خاص لاني ماتجاوزت الثلاثين مشاركه وان شاء الله خير