تجمع متقدمي مكافحة المخدرات

[نايف بن فيصل]

تعلن المديرية العامة لمكافحة المخدرات عن فتح باب القبول والتسجيل على الوظائف العسكرية الشاغرة والمتوفرة لديها على الرتب العسكرية التالية:

- جندي: (لحملة شهادة الثانوية العامة أو ما يعادلها).

- جندي أول: (لحملة الشهادة الثانوية العامة أو ما يعادلها + دورة تدريبية معتمدة لمدة سنة فأكثر بعد الثانوية العامة).

- عريف: (لحملة شهادة دبلوم معتمد لمدة سنتين فأكثر بعد الثانوية في التخصصات التالية: محاسبة، مالية، مختبرات كيميائية، تبريد وتكييف، صيانة الآلات الميكانيكية، كهرباء سيارات، محركات ومركبات، تقنية الاتصالات، إتصالات، دعم فني، شبكات الحاسب، تصميم جرافيك).

- وكيل رقيب: (لحملة شهادة البكالوريوس تخصص نظري في التخصصات: شريعة، قانون، محاسبة، مالية).

- رقيب: (لحملة شهادة البكالوريوس تخصص علمي في التخصصات: إحصاء، رياضيات، برمجة الحاسب، برمجيات الحاسب، تقنية برمجيات).


طريقة التقديم:

التقديم عن طريق بوابة التوظيف بموقع وزارة الداخلية على الرابط: http://jobs.moi.gov.sa اعتباراً من الأحد الموافق 1438/6/6هـ ولمدة (5 أيام) حتى الخميس الموافق 1438/6/10هـ وعلى جميع الراغبين في الالتحاق بجهاز مكافحة المخدرات زيارة الموقع للتسجيل والإطلاع على كافة الشروط المطلوبة التي سيتم الإعلان عنها بالموقع.




للأمانة منقول: https://www.btalah.com/showthread.*****..#ixzz4ZM2NomvV

[نايف بن فيصل]

هذي التخصصات المطلوبه مدري اذا يفرق تخصص شريعه اسلاميه عن دراسات اسلاميه ولا نفس التخصص

[Mustafaalzarei]

كل سنة الدفاع المدني يفتح للتخصص ادارة مكتبية
يصير جندي اداري

13/6 التقديم هذا اغلب الناس تقول

وقدم انت في كل القطاعات سواء جندي او عريف اهم شيء وظيفة
وانت قدم ماتضمن نفسك اذا يجيك قبول نهائي

ياكثر ناس خلصوا اوراق وسلموا ملفاتهم وماجتهم دورة

فاللي بقول لك سجل با اي رتبة واذا ضمنت ان جاتك رسالة
للدورة فحمدلله

[صصاحب الليل]

انا بعد معاي دبلوم ادارة مكتبيه وش السالفه كثير معهم نفس التخصص وغير مرغوبين بالوظايف
يامصطفى الدفاع المدني العام الماضي طلب ادارة مكتبيه على رتبة جندي قهر والله العظيم الواحد يقدم على جندي وهو يستحق عريف وفرق بين راتب الجندي والعريف مره اكثر من 1800 ريال يمكن الفرق وغير العلاوات السنويه
ان شاء الله هالسنه يفتحون رتب بالدفاع المدني ويطلبون اداره مكتبيه

[أيفون أسلام]

اقدر اقدم على الدفاع المدني بدون شهادة سباحة

[نايف بن فيصل]

اتفق مع صاحب الليل بكلامة قهر وظلم اقدم على جندي وانا استحق عريف اقل شيء وفرق بين راتب الجندي والعريف او الوكيل رقيب لكن ان شاء الله يفتحون هالسنه على رتب مايطلبون تخصصات واذا بيطلبون يطلبون تخصصنا

ما اقول الا يازين الامن العام مايتشرطون بتخصصك اهم شيء شهادتك دبلوم او بكالوريوس متى يفتح الامن العام 😭

[نايف بن فيصل]

المشاركة الأصلية كتبت بواسطة أيفون أسلام

اقدر اقدم على الدفاع المدني بدون شهادة سباحة

الدفاع المدني مايطلبون شهادة سباحه لكن اهم شيء تعرف تسبح لو ماتعرف تسبح مابتنقبل

[طموح سعودي]

المشاركة الأصلية كتبت بواسطة نايف بن فيصل

ياشباب اتوقع بنسبة كبيره جدا والعالم الله شهر 6 و 7 هو شهر التقديمات والامن العام بيكون بعد تقديم المخدرات وبيكون رتب مية بالمية ومايبون تخصصات اهم شيء شهادة بالامن العام

للعلم باقي تقديم امن المنشات والاحوال المدنيه والامن العام والدفاع المدني وطيران الامن والمباحث ايضا

انا متردد والله مدري اقدم على جندي اول ولا انتظر تقديم الدفاع المدني والامن العام والاقرب اني بنتظر تقديم الامن العام


نصيحه اللي تخصصه مطلوب بتقديم المخدرات نصيحه لايضيعها ويقدم رواتبهم زينه وعملهم زين بعد ودورتهم اربعه اشهر بس وبعدها تتخرج عكس باقي القطاعات تسعه شهور اقل شيء وبعضها سنه مثل الامن العام

أنا عندي بكالريوس ( علم اجتماع والخدمة الاجتماعية ) :-

ما هو القطاع الأفضل لي والمرغوب بالنسبة لهم ؟

[نايف بن فيصل]

المشاركة الأصلية كتبت بواسطة طموح سعودي

أنا عندي بكالريوس ( علم اجتماع والخدمة الاجتماعية ) :-

ما هو القطاع الأفضل لي والمرغوب بالنسبة لهم ؟

والله مدري عن تخصصك بس اذكر العام الماضي فتح تقديم بالمباحث العامه وطلبوا هالتخصص لكن نادر ما اشوف احد يطلب تخصصك للاسف لكن تقدر تقدم على القوات الخاصه اذا ماقفل التقديم الحق قدم التقديم اعتقد باقي فاتح ويبون بكالوريوس ومب طالبين تخصصات اهم شيء معك بكالوريوس

[Mustafaalzarei]

انا تخصصي محاسبة

وبااذن الله بقدم على رتبة عريف

بس ويش بيصير طبيعة العمل هل بيخلوني اداري

او مداهمات

او في الدورة اذا الله كتبها لنا يخصصوونا