تجمع الموجهين الى (( المجمعه )) للعام الدراسي 1435-1436

[كفى بالمرء]

خصص يومين فقط ياشباب للمقابلات الشخصية

واتمنى احد يسوي قروب واتساب وانا معاكم

[كفى بالمرء]

http://www.majedu.com/vb/showthread....C7%C8%E1%C7%CA



مدير شئون المعلمين بالمجمعه على هذا الرابط

[البآرون]

إدارة التربية والتعليم بمحافظة المجمعة تدعو المرشحين للوظائف التعليمية لتسجيل مواعيد المقابلات


أعلنت إدارة التربية والتعليم بمحافظة المجمعة بدء المقابﻼ‌ت الشخصية للمرشحين للوظائف التعليمية، وذلك خلال الأسبوع القادم بمقر اﻹ‌دارة .*وأوضح مدير شؤون المعلمين فهد بن حسن العولة أن على المرشحين حجز موعد المقابلة الشخصية من خﻼ‌ل الدخول على بوابة التكامل اﻹ‌لكتروني نظام المقابﻼ‌ت أو الدخول المباشر على الرابط التالي http://riyadhedu.org/moe/

لتسجيل موعد المقابلة وطباعة الموعد وإحضاره للجنة المقابﻼ‌ت في الموعد المحدد مصطحبين معهم الوثائق التالية :
*أصل وصورة وثيقة التخرج.*أصل وصورة السجل اﻷ‌كاديمي.*أصل وصورة البطاقة الشخصية.*أصل وصورة الدبلوم التربوي إن وجد.*أصل وصورة شهادة المعادلة لخريجي الجامعات الخارجية. صورة شخصية (عدد اثنتين) . رقم الآيبان البنكي .


متمنين لجميع المرشحين التوفيق في عملهم الجديد .

[خيرة راحت علينا]

الحين نطبع ورقة الكشف الطبي ومسوغات التعيين ولا لا
والكشف الطبي بالرياض ولا بديرتك اللي ساكن فيها

[البآرون]

المشاركة الأصلية كتبت بواسطة خيرة راحت علينا

الحين نطبع ورقة الكشف الطبي ومسوغات التعيين ولا لا
والكشف الطبي بالرياض ولا بديرتك اللي ساكن فيها

واحد من الشباب تعين السنه الماضيه في القصيم

يقول الفحص الطبي والمسوغات تطبعها وتاخذها معك

بالنسبه للفحص الطبي تسويه بعد المقابله واللي تعينوا بالقصيم كلن سواها بديرته

اما بالنسبه للمسوغات الرجال ناسي وش سوى بها بس يقول للاحتياط اطبعها وخذها معك

[محمد البرمائي]

يالربع
هذا رقمي سوولنا قروب
احسن لان الواتساب دايم معاك ام المنتدى قليل الدخول اليه
اتمنى احد يسوي قروب لان جوالي مايحفظ الاسماء ولا اسوي انا
0501906010

[خيرة راحت علينا]

أتمنى من كل واحد تعيينه في المجمعة مهما كان تخضه يتفاعل معنا

[البآرون]

عندي لكم دردشة خفيفه

اصبروا علي شويات جايكم

[البآرون]

بسم الله


لي كم يوم افرفر على النت اسأل عن المحافظات التابعه للمجمعه .. وبعد اتصالات ومباحثات مع اللي سبقوني بالمجال التعليمي .. قالوا لي تراك بمشذوبه !!

المهم توكلت على الله وبديت بتهيئة نفس لمشذوبه .. طبعاً مشذوبه أرحم من جيزان ولا تبوك بحكم اني من سكان الرياض ومشذوبه تبعد عن بيتنا 400 كيلو

المهم اول ماكتبت مشذوبه بقوقل الا ويطلع لي خبر عن مدرس انضرب من الطلاب وكسروا يده السنه الماضيه

قلت يالله عساه فال خير يالله

قعدت احوس واحوس على النت وقوقل ايرث عنها لقيت ان مشذوبه يوصل لها الزفلت ثم ينقطع

يعني يوصل لها الزفلت .. اذا تبي تتعداها لازم تدخل في نفود الدهناء وتصارع الرمال

قلت ماعليه هذا شي حلو .. اذا ضاق الخاطر فيها ادخل لك كم كيلو ونزل عزبتك وارتاح

الشي الخطير والأخطر لقيت ان بين مشذوبه وبين ام رقيبه تقريبا اربعين كليو !!

يعني الخط لاينصح فيه بالليل لكثرة الأبل السايبة ( الهمل ) اللي ممكن تقطع الطريق ثم يحدث مالا يحمد عقباه

وقعدت ادور اماكن المكاشيت حولها ولقيت انها جنه في الربيع

المهم بديت افكر وأفكر قلت كم بينها وبين ديرة تقدر تسكن فيها بأريحية ؟؟

لقيت أم الجماجم .. لكنها تبعد عن مشذوبه من الزفلت 74 كيلو ومن البر قطوع تقريباً 60 كيلو .. يعني مافيه فرق ذاك الزود

فكرت وفكرت .. وقلت ياولد مالك الا تتأقلم وتجهز نفسك للأسوأ


مايستفاد من الخثاريدز والكلام الفاضي اللي فوق ::


لاتحط امالك انك بتجي في ديرة زينه .. او مدرستها مطورة او على الاقل بنائها حديث

حط انك بتجي في مدرسة ماتروح لها الا بموتر دفع رباعي وماجلان وجارمن وكنود وثريا

واذا طلعت الشمس وجات الساعة ثمان شغلوا المواطير عشان المكيفات واذا جات خمس العصر طفوها واذا جا المغرب معاد لقيت خبز تاكله

واذا جيت تنوم تدخل ملحق المدرسة واذا حسيت بالحر تروح لسطح المدرسة تنام

المهم المهم المهم اضبط امورك ولاتجي تاخذ ورقة النوجيه الا ومعك موتر ينشد به الظهر وجارمنك في مخباك الايمن والثريا بمخباك الأيسر


عسى الله يوفقكم ويسعدكم في الدارين

واللي يخلص مقابلته يوم الثلاثاء لاينسانا من العلوم الزينه

[Math Math]

مبرووك والله يتمم عليكم
البارون عندي طلب ولا عليك أمر
ليتك تكتب لنا من ألف إلى ياء وش صار معك من رشحت ثم تكامل وما الأمور المطلوبة في تكامل ثم المقابلة
ثقلنا عليك لكن هذا عشان يستفيدون الي راح يرشحون للمفاضلة الجديدة
وفقك الله