هل شهادة كلية التقنية أفضل !!

[عبطان]

السلام عليكم مساء الخير

ادخل في الموضوع اليوم كنت اتناقش مع شخص عن شهادة كلية التقنية والجامعة فاقال الشخص شهادة كلية التقنية افضل وأقوى من شهادة الجامعة ( البكالوريوس ) في الوظائف الأدارية الحكومية ( السلم العام) فارديت عليه انا قلت الجامعة افضل ولا تقارن بدبلوم قال كلية التقنية يعين الموظف على المرتبة السادسة الدرجة الرابعة !!! انتم وش رايكم ؟

[justmee]

ب العقل يا صاحبي ذا معه دبلوم وذا معه بكالريوس ذا معتمدة من المؤسسة العامة لتدريب المهني والجامعي من التعليم العالي

كيف يجي يقولك الدبلوم ب وظايف الحكومية اعلى تدري انه انت بكالريوس تقدم على الأمنيه تعلق رتبة ضابط والدبلوم وكيل رقيب مايحصل جداً ما تقارن

[علي العمار A]

مساء النور ..

سؤال ممتاز ؟ .. فعلا دبلوم التقنية ممتاز لجميع القطاعات تقريبا .. حكومي وخاص بقووووه وبالتوفيق


انا عندي دبلوم كلية تقنية ( برمجيات ) + تدريب تعاوني + دبلوم تدريب وتأهيل الموارد البشرية + ثلاثة دورات متخصصه في الإدارة الصحية + محترف جرافيك ومونتاج + خبرة ممتازة بالتسويق الإلكتروني + تطوير مواقع انترنت وبرمجتها ..

لحد الأن مالقيت وظيفة ... وش رايك ... هذا انا شغوف جدا للعمل والتعليم والتطوير .. وعلى قولة وزير الإسكان ( المسأله مسألة فكــــــــــــــــــر )

تخيل مع احترامي وتقديري للأجانب .. ( اخر مرة سوى معاي مقابلة للوظيفة رجل من جنسية عربية ) .. ونم رفضي
في شركة معروفة ومشهورة ( جريدة ال***** ) .. تصور وانا سعودي .. يمدحون ( حافز ) ؟؟؟ حسبنا الله ونعم الوكيل ..

[بسطا]

كلامة صحيح دبلوم الكلية التقنية العلمي مثل الحاسب الالي والكهرباء والميكانيكا نفس المرتبة الوظيفية للبكالوريوس الشرعي في ديوان الخدمة المدنية ( المرتبة السادسة ) وبالاضافة الى بدل حاسب الي

لاكن ظروف الوقت تغيرت الان خريج الدبلوم من الصعب ان يجد وظيفة حكومية عن طريق جدارة ومن الممكن ان يجد وظيفة عن طريق نظام البنود وينتظر الترسيم !!

مثال على كلام الرجال
انا خريج دبلوم حاسب من الكلية التقنية يوم تخرجنا انا والشباب كثير منهم دخل جامعة الملك فيصل وجامعة الامام لدراسة بكالوريوس ادارة اعمال وهذا الشي بالواقع جميل لاكن بالمنطق ماراح يفيدة اذا توظف بالمجال الحكومي كل الشهادتين ماراح تفرق الدبلوم او البكالوريس ماراح تفرق الا اذا كان دبلوم شرعي مثل ادارة مكتبية ومحاسبة وتسويق البكالوريوس ينفعة اذا جاء تعيين بدل مايكون على المرتبة الخامسة يصير يستحق السادسة والعلمي ماراح يستفيد والافضل يكمل على نفس تخصصة عشان يستفيد

[الطريق الصعب]

لا واضح ان الكليه التقنيه افضل !!!

انا خريج الكلية التقنية تخصص اداره مكتبيه وعاطل هذي السنه السادسه !!!

وبعدين الكلية التقنية على الخامسه المرتبه الرابعه

انصحك كانك محتار ادخل الجامعه ولا افتح مشروع بدال ماتضيع وقتك عند كلية ***** !!!

[مشتاق لك]

اهرب من الكليه لتقنيه ادخل جامعه افضل لك عاطل ومعك بكالريوس افضل من معك تقنيه
لي 5 سنوات ماتوظفت حكومي ومعي تقنيه
وزميلي بالعمل من 10 سنوات معه محاسبه من التقنيه وللحين قطاع خاص

[علي العمار A]

مدري .. تحسون مثل ما أحس ؟

تحسون حنا خريجي الكلية التقنية مســـــحــــوب علينا !!

استغرب من هذا الوضع !! لان اي خريج كلية التقنية يكون شغوف جدا للعمل ومتمرس بقوه خصوصا ان برامج الكلية التقنية مميزة لكل التخصصات ومرغوبة ... سؤالي : لماذا التهميش والى متى !!

ناهيك عن الشهادات والدبلومات والدورات التطويرية الي عندنا .... الا تكفي !!!

معقولة ...

[ابن عقيل]

كلام اخوي علي العمار واقعي ..

حنا اصحاب الكلية التقنية مسحوب علينا
مع العلم انها فيها مميزات ليست موجودة في الجامعة

مثل .. المكانيكا .. هيدرولك .. كهربا .. كترونيات وغيرهم
تخصصات روعة فيها من تحريك العقل و الأختراع و الأنجاز

ان شاء الله احط موضوع بخصوص قسم المكانيكا .. والله يوفق الجميع

[إستغفرر الله]

في الواقع الكليه التقنية مسحوب عليها فعلاً

لكن لو نظرت الى جميع الشهادات الاخرى من البكالوريوس ليست جميع التخصصات مطلوبه والوضع هذا في الكليه التقنية ايضاً

ف طلاب الكلية التقنية مأهلين للعمل في القطاع الخاص بحكم ان القسم الفني لديهم ممتاز مثل ( الكهرباء )

وصحيح كلام اخوي ( بسطا ) بالنسبه للسلم الوظيفي .

فالفني في سلم الرواتب الحكومي على المرتبه السادسه , وليست جميع التخصصات المكتبيه .

[انفاس الغربية]

مووووضوع جدااً خطير وروعه
تجربتي طبعاً خريج تقنية قسم محاسبة الجامعة افضل من التقنية والتقنيةافضل من الجامعة فرررة مخ ؟؟؟
اولاً التقني على المرتبة الخامسة يتعين للمعلومية الا اذا عنده خبره 4 سنوات بنفس مجاله بياخذ السادسة
ثانيا التقني مميز بإنه مهني يعني نحو كهربائي اكترونيات ووحاسب اما محاسبة ماله الا القطاع الخاص ليش؟؟؟؟ هنا المشكلة
تخيلووو مدير الديوان بأحد المناطق يقول انه احنااا الي تخصصنا محاسبة محنا مؤهلين للعمل الحكومي سوى بالقطاع الخاص !!عجيب
قال لأنكم مادرستم المحاسبة الا على الحاسب الألي يعني برامج والدوائر الحكومية نظامها مسك دفاتر محاسبية وانتم درستم لغة انجليزية والعمل الحكومي مافيه محاسبة بالغة الانجليزية شهادتكم تتعين بالقطاع الخاص فقط ايش اتقوله بالله اذا في دا المنصب طيب ياخي خليني كاتب حسابات ع المرتبة الرابعه الصفر ياشيخ بس لا تحطمناا كذا
جيب معدل فقط وكمل بكالوريس تقني افضل هاذي نصيحتي لتقني لأنه التعليم العالي مايعادل مواد الكليات التقنية
الان بتخرج ادارة اعمال بكالوريس باإحدى الجامعات ولا ربع ساعة يارجل مارضو يعادلونها
والله يوفقكم جميع المهني افضل من وجهة نظري بكثير بشررررط انه العمر ماطاف كثير يعني اتعديت 25 كمل جامعة حتى الراجحي مايقبلك كمحاسب وبالتوفيق للجميع مره اخرى