تأسس الموقع عام 2006
Site was established in 2006


ديوان حلول البطالة

موقعنا والإعلام

حلول البطالة الإمارات

هل أنت مسؤول توظيف ؟

تسجيل الدخول
العودة   حلول البطالة Unemployment Solutions > الحياة العلمية والعملية > قسم مشاريع وأفكار

الملاحظات

قسم مشاريع وأفكار ممنوع مواضيع المساهمات او المشاركة

بديت اتملل وش اسوي☹

قسم مشاريع وأفكار

مساء الخير انا لي شهر بديت انسق ورد عرايس صناعي وعرضت كم نموذج انباع بس اثنين منها واسعاري للمعروضه من ميه الى ميتين وخمسين وصار يجيني طلبات كثير...

أضف رد
 
LinkBack أدوات الموضوع انواع عرض الموضوع
  #11 (permalink)  
قديم 17-05-2017, 11:34 AM
عضو ماسي
 
تاريخ التسجيل: May 2008
المشاركات: 1,523
معدل تقييم المستوى: 1138772
reeem22 محترف الإبداعreeem22 محترف الإبداعreeem22 محترف الإبداعreeem22 محترف الإبداعreeem22 محترف الإبداعreeem22 محترف الإبداعreeem22 محترف الإبداعreeem22 محترف الإبداعreeem22 محترف الإبداعreeem22 محترف الإبداعreeem22 محترف الإبداع
رد: بديت اتملل وش اسوي☹

هذا الناس وهذا طبعهم خاصة الحريم اعوذ بالله من شرهم
اذا جاتكم حرمة تشتكي من محل ولا من مصممة ولا من كوافيرة ولا من خياطة لاتصدقونها
علة قلب وتعامل من اسوأ مايكون ومجادلة ويبخسون حق السلعه وحق شغلك
يموتوووون وياخذون الشي وعارفين ومتاكدين انه روعه ويستاهل بس مايبون يدفعون ريال

لاتخلين الدفع نص مقدم ونص عند التسليم نصيحه ترى فيه كثير زباين محتالات ونصابات ونصبهم احترافي اكثر من نصب المتاجر
اذا اخذتي النص بتدفعينه قيمة الورد والنص الثاني لو سحبوا عليك بتطلعين خسرانه
اي شغل خدمي مثل شغلك يعني تقدمين خمات ماتبيعين منتجات جاهزة
تعطيك الزبونه طلبها وتقولك سويلي كذا وكذا وابغى كذا وكذا وتسلمينه يوم كذا وتتفقون على الخدمة اللي بتقدمينها لها حسب طلبها وشروطها
هنا تاخذين حقك كامل مقدم سواء كنتي بمحل او بمتجر الكتروني وسوي لك فواتير تعطينها للزباين اذا ماعندك
خليك حازمة بشغلك السعر اللي تحطينه خليه ثابت ترى التجارة والزباين ماينفع لهم اللين , بياكلون حقك لو لنتي لهم
نقصي خفضي اخصمي سامحينا بالباقي بتسمعين مثل هالعبارات كثير حتى شحادة بتسمعين شحادة من الحريم والله راتبي راح كله والله مهري مابقي منه شي راعيني هذا اللي بقي معي ماعندي غيره اكسبي اجر فيني وبدعيلك اكرميني وبسويلك دعايه عند صديقاتي واهلي
وبعضهم من قوة الوجه القبيح تهددك بدعايه تشويه سمعه عند اللي تعرفهم لو ماارضيتيها باللي تبغاه خصم ولاهديه
جد اغلب الحريم ماعندهم احترام لشغل غيرهم ولايخافون الله
انتبهي الا شغلك لاتخلينه سبيل لهم وخليك قوية اللي تبغى حياها الله واللي ماتبغى تشوف غيرك تطلب منه , على قولهم بعض الناس فرقاهم غنيمه
اللي تشحد وتجيك محتاجه وتقولك ماعندها قدرة تجيب لك ورقة من الجمعية الخيرية ولا تضف وجهها هذا في حال قدمتي مبادرة بدعم المحتاجات
انتي مافتحتي مشروعك وتشتغلين وتتكلفين وتتعبين عشان تتبرعين وتعطين الناس مجانا ولا تقدمين هدايا لهم
لعلمك حتى لو اكرمتيهم واعطيتيهم زيادة مجانا او توصيتي بطلبها وسويتيلها شي بفوق قيمته اللي دفعتها مابيقدرووونك ابدااا الا مااااااااااندر
بالعكس بيقولون عشان نيتنا زينه , عشان عارفه نفسها رافعه السعر علينا تزود لنا من عندها ,
ولاتبررين للناس ليش السعر كذا لانهم يعرفون سعر كل شي ولا تشرحين لهم مميزات ولا غيره شغلك قدام عينهم معروض عجبهم يطلبونه ماعجبهم يتركونه
الخلاصة إنتي ارضي نفسك بشغلك وارضي ربك ولاتهتمين لهم اي لاتنتظرين الانصاف منهم كذا بترتاحين وتستمرين
من حسد بعضهم حتى لو احد سألهم من وين اخذتوا المسكة مابيعلمون


بالنسبة للاتفاقات عشان ماتتعبين تقعدين ساعه ساعتين مع وحدة وبعدين تقولك ماابغى ولاتطلع مو جادة وتكونين ضيعتي وقتك وجهدك
من البداية حددي اسعار التصاميم الجاهزة المعروضة مابين كذا وكذا
اسعار التصاميم اللي على الطلب لاتقل عن كذا

سوي نموذج للطلب بقوقل بسيط طريقته
اول ماتكلمك زبونه اعطيها رابط النموذج تعبيه عشان تعرفين جديتها
النموذج لطلبات التصميم الخاصة مو الجاهزة لان الجاهزة بترسل لك صورة تصميمك وتقولك ابغى مثل هذه وانتهى
النموذج حطي فيه خيارات مثلا نوع الورد صناعي او طبيعي
الالوان
ميزانيتك
عدد الورد مثلا 50 -- 100 -- 300
بإكسسوار او بدون
نوع تغليف المسكة
الخ من التفاصيل اللي تعرفينها انتي نظمي وقتك وخليك انتي المتحكمة واللي تديرين شغلك مو تخلين الزباين هم اللي يديرونك
النموذج بيحفظ لك وقت كثيييييييير ويخلي الاتفاق بينك وبين الزبونة اسهل واسرع واوضح وموووثق اهم شي ومايخلي لها فرصه تقعد تجادلك كانها قاعدة بحراج
ويبين شغلك احترافي اكثر ومنظم


التعديل الأخير تم بواسطة reeem22 ; 17-05-2017 الساعة 11:43 AM
رد مع اقتباس
  #12 (permalink)  
قديم 18-05-2017, 12:36 AM
الصورة الرمزية حبيبة نفسها
عضو سوبر
 
تاريخ التسجيل: Apr 2013
المشاركات: 341
معدل تقييم المستوى: 23
حبيبة نفسها يستحق التميز
رد: بديت اتملل وش اسوي☹

شكرا لكم جميعا استفدت من ردودكم
الاخت ريم فعلا مثل ماقلتي بثبت الاسعار وكلشي قدام عينه
م وراح اطبق كثير من كلامك عجبني
الله يرزقكم جميعا بكل ماتمنون ........

رد مع اقتباس
  #13 (permalink)  
قديم 25-05-2017, 12:31 PM
عضو مهم
 
تاريخ التسجيل: Jul 2013
المشاركات: 240
معدل تقييم المستوى: 22
تياموو يستحق التميز
رد: بديت اتملل وش اسوي☹

ليس دائما الاسعار الرخيصة تجذب العميل
لكن لازم دراسة الاسعار قبل البداية فقط

رد مع اقتباس
أضف رد

(( لا تنسى ذكر الله ))


مواضيع ذات صله قسم مشاريع وأفكار

مواقع النشر (المفضلة) وتحتوي على WhatsApp لإرسال الموضوع إلى صديقك


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة





الساعة الآن 01:36 AM


Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين