استقلت وتعثر بسداد القرض

[al_waleeed]

اليوم جوالي فيه 79 مسد كول
هذا اليوم بس
تخيلي الوضع هذا يوميا ماعدا جمعة وسبت
ونفس وضعك .. بطاقة ائتمانية وقدر الله وطلعت من شغلي
ونفس الكلام حصل معاي .بس لأني فاهم السالفة قلت له مو سمة إلا أرض لو تبي ..

نرجع لموضوعك
المحاكم أول شي ماتقبل قضايا قروض لأن فيها شبهة الربا
و موضوع يسحب من حساب ثاني .. هذي مو يحلم إلا يتابع سبيس تون كوكب الخيال
وعلى فكرة إذا ربي سهّل لك شغل ...تقدرين تساومينهم على السداد و باللي يناسبك إنتي لو 500 كل شهر مع إلغاء جميع الفوائد

[الدهمري]

صـآرت كثير

الاجراءات ,, تختلف

نوع القرض ؟ من بنك ولا تمويل مؤسسه وشركات ؟

اذا بنك يرفع اسمك لسمه فقط وتتعثري في امور مابين الفيزا والماستر كارد وخلافه .. اذا تمويل شركه مثلا فيها محكمه ورفع دعوى

[شاعروموشاعر]

الله يفرج همكم جميعاا ..

من جد حقير يلعب علي موظف التحصيل عشاني بنت

مو مشكلة اغير رقمي بس مابيهم يزعجون الوالد انا حاطه رقمه برضوو


القرض من بنك سامبا ..

[رونالدينو]

انت تقدرين تتوظفين بس فيه شي لازم تعرفينه طالما اسمك في سمه خلاص ما عاد تقدرين تفتحين حساب في جميع البنوك و صرتي في القائمة السوداء و حتى لو توظفتي ما تستلمين راتبك الا عن طريق البنك.. و بعض الشركات يمكمن يصررفونه كاش..

[اسير الشرايع]

اذا ماخذه القرض من بنك يحطون اسمك بسمه فقط ،، نعم يتصلون فيك ويتصلون على الارقام الي ضفتيها في عقد القرض وهذا شي عايدي ولاكن اكثر شي يقدرون يعملونه فيك يحطوك بقايمه سمه ! وتقدري تتوظفي في القطاع العام او الخاص واذا عندك رقم حساب اخر ينزل راتبك عليه بكل سهوله ولاكن ماتقدرين تاخذين قرض او بطايق اتمانيه ،، نفس الموضوع ذا صار مع اخويه ولحد الان ياخذ راتبه من بنك الراجحي والقرض الاول من بنك الرياض ،،