موضوع ضروري اريد استشارتكم فيه تكفون

[محمدas2016]

انا طبعا كنت موظف سابق وراتبي حول8الالف جنب البيت ولكن فتح تسجيل وزارة الدفاع ضباط جامعيين وسجلت طبعا ودخلت ع اساس يكون العمل على التخصص لكن للاسف حدث عكس ذالك وحطوني بقطاع ميداني وطبعا اخدم ديني ووطني ولكن القهر ان ترى ابو واسطه حرس ملكي او باسلحة ممتازه بينما معدلي عالي ومانصفوني مثلي مثل الثانوي افرق بالاقدمية فقط اما كعمل لايوجد فرق بين الجامعي والثانوي في الاسلحة الميدانية لكن اقدر افصل واروح معلم او كيف الوضع هل احد يقدر يفديني لان عينوني بعيد وضغط نفسي ولا ارتحت معطيني ملازم اول لكن قهر جدا يحطوني باسلحة ميدانية وغيري حرس ونقل

[RAHISH]

وش تخصصك اخوي واي سلاح حطوك ؟

[محمدas2016]

علم نفس تصنيف صحي وحاصل الهئيه التخصصية وحطوني مدفعية

[مخااوي االذيب]

الحمد لله البعض تجيه النعمه و يرفسها برجله و بعد ماهو مالي عينك ملازم اول !!!

هذا حنا جنود و متغربين عند ديارنا باكثر من 1000 كيلو و صابرين لان اول الطريق صعب و بعدين ترتاح

وصدقني هذا رزقك الي مكتوب لك لا تعترض على الاقدار كلن ياخذ رزقه و ما راح تموت و الا وانت موفي كل ارزاقك اما سالفة هذا معه و هذا معه يا اخي شف الي اقل منك

الحمد لله الي عافانا

[مخااوي االذيب]

و ثانيا شل الحسد و الغرور من قلبك بترتاح

و يش فيها اذا انت يا الجامعي مع اصحاب الثانويه يعني ما احد مالي عينك ؟؟!!

[محمدas2016]

يعطيك العافيه انا اقلك دارس4سنوات وليلي كله سهر ومذاكره والحمدلله ع كل حال لكن معروف طالب ثانوي كلها علًوم عسكرية فاهم بالعسكرية ومتدرب اما الجامعي قليل اللي يفهمه بالعسكرية لكن انسان فاهم وحاب يمارس تخصصه وابسط حقوق كل شخص انه يعمل بتخصصه وهذا اللي تشهده وزاره الدفاع طول السنوات اللي راحت الا المره ذي لكن الله يكتب اللي فيه الخير

[مخااوي االذيب]

ياخي هذا رزقك و بعدين مع الوقت يتغير تخصصاتك مع الترقيات و مع كل شي
هذا انا جندي اول و كل التخصصات استلمتها مره شؤون اداريه مره نقطه و مره دوريه و مره مشرف ما هو شرط اذا تعين في شي تخيس فيه الى الدفنه و بعدين تقدر تداقش

تدري انصحك تفصل و تجلس عاله على كبد ابوك و اخوانك لان احس هالوظيفه ماهي على مستواك و اذا فصلت اذكرك بعد شهر اذا فتحت موضوع تبي ترجع لوظيفتك

[هانيبال ليكتر]

المشكله اخيس سلاح سلاح المدفعيه والمشاه كان الله بعونكك من جد .

[khaled_29]

نصيحه لوجهه الله مدامك بديت بدوامك خلك بدوامك مع اني ما افهم كثير بالعسكريه بس حسب ماسمعت ان التعينيات تكون على حسب الاحتياج وبعد فتره إن شاء الله يرجعونك على تخصصك

[QaBBvT SA]

الله يهديك ملازم اول و زعلان

انا لي سنه ونصف اطارد ورا جندي حاااف
ولا حصلت

اترك عنك التعالي و الغرور حاليا البلد في تقشف شديد في الوظائف... حاليا الي معه قرد يحلبه و يمسكه