أستفسار عن وحدات المظليين و القوات الخاصة

[NASSERSA]

السلام عليكم و رحمة الله وبركاته

اخواني عندي أستفسار عن وحدات المظليين و القوات الخاصة بالقوات البرية اللي فتح فيها التسجيل اليوم.
طبعا سؤالي هو : هل يوجد قوات الامن الخاصة شي يتبع الداخلية و شي يتبع وزارة الدفاع ؟
يعني اللي فتح التسجيل اليوم هو تبع وزارة الدفاع ولا ؟
ثاني شي انا لي فترة أقرا عن قوات الأمن الخاصة وان فيها امن مطارات و أستخبارات و حماية الشخصيات
لكن يبدو لي انها مو هي هاذي اللي فتح تسجيلها اليوم. و كثير قريت كلامهم بالمنتدى يقولون ابعدو عن وحدات المظليين و قوات الأمن الخاصة كل اللي استشهدو من المظليين. يعني انا صراحة ضيعت الحين. القوات الخاصة يروحون للحد ؟ ولو فرضا قلنا اني سجلت بوحدات المظليين و قوات الأمن الخاصة . هل هم نفس الشي ؟ او بعد ما انقبل يخيروني ؟ علما أني خريج جامعي من امريكا بمعدل عالي لكن ربي ما قسم لي شي للحين وانتم عارفين الوضع بالبلد لا وظائف ولا غيره وانا مليت من الجلسه. و للأسف ما عندي احد من اقاربي عسكري واقدر اجلس معه و أساله لأني ما اعرف شي عن العسكرية ابدا. انا ما عندي مشكله بالكرف حق الدورة و غيره لكن ما ابي اشتغل بديار بعيده مره ولا ابي اروح للحد ودي بشي داخلي.

المعذره علي الأطاله

[هانيبال ليكتر]

اول شي انت من وين عشان اعلمكك ..؟

[NASSERSA]

من القصيم

[هانيبال ليكتر]

ع العموم القوات الخاصة تبع وزارة الدفاع والتعيينات بتبوك وانسى تطلع برا والاصناف ماتاخذها الا بنفس مدرسة المظليين مثل صاعقه ومظلات و25 بالميه قوات خاصه

[NASSERSA]

المشاركة الأصلية كتبت بواسطة هانيبال ليكتر

ع العموم القوات الخاصة تبع وزارة الدفاع والتعيينات بتبوك وانسى تطلع برا والاصناف ماتاخذها الا بنفس مدرسة المظليين مثل صاعقه ومظلات و25 بالميه قوات خاصه

يعني ما فيه قوات خاصة تبع الداخليه ؟

و ليش سألت انا من وين ؟

[هانيبال ليكتر]

المشاركة الأصلية كتبت بواسطة NASSERSA

يعني ما فيه قوات خاصة تبع الداخليه ؟

و ليش سألت انا من وين ؟

1- الا فيه وهذا قطاع لحال اسمه قوات الامن الخاص تسجيله عن طريق وزارة الداخلية

2- بحكم من كلامك تقول ( مابي اشتغل بديار بعيده ولا ابي اروح للحد ) لان التسجيل تبع وزارة الدفاع الي هي

وحدات المظليين والقوات الخاصة تبع للدفاع >> تعييناتهم بتبوك وانت من القصيم .

[NASSERSA]

المشاركة الأصلية كتبت بواسطة هانيبال ليكتر

1- الا فيه وهذا قطاع لحال اسمه قوات الامن الخاص تسجيله عن طريق وزارة الداخلية

2- بحكم من كلامك تقول ( مابي اشتغل بديار بعيده ولا ابي اروح للحد ) لان التسجيل تبع وزارة الدفاع الي هي

وحدات المظليين والقوات الخاصة تبع للدفاع >> تعييناتهم بتبوك وانت من القصيم .

يعني ما يمكن يحطوني اداري ولا شي مثل كذا ؟ بعدين ما تنصحني أقدم ؟ انا عاطل لي 8 شهور ولا فيه تقديمات جايه بالطريق افضل من هاذي ؟

[هانيبال ليكتر]

المشاركة الأصلية كتبت بواسطة NASSERSA

يعني ما يمكن يحطوني اداري ولا شي مثل كذا ؟ بعدين ما تنصحني أقدم ؟ انا عاطل لي 8 شهور ولا فيه تقديمات جايه بالطريق افضل من هاذي ؟

ياخي نصيحه لوجه الله ولا تقول هذا مايبيلك الخير بالعكس بحكم ماقولك اني جربت اللواء المظلي لكن خويي معاي بالدوام وفجاء طبع قراره ع المظليين بتبوك وللحين بتبوك واكلمه الى يومك هذا ويقول مرمطه والعنت جدف لا تقول هذا يبي يجيب لي الوسواس وبحكم اني قديم بالعسكريه وخاصه انا بالبريه واعرف الاسحله الحلوه بما انك تو عاطل و8 شهور وفي ناس 8 سنوات عاطلين وصابرين ونصيحتي لا تستعجججججججججل انتبه فكر واستخير وفي تقديمات افضل وافضل بكثيرررر انشالله . الله يوفقكك يارب ع العموم كم طولك ووزنك .؟

[هانيبال ليكتر]

ع فكره ترا فاتح التسجيل الأمن الدبلوماسي يعلن عن فتح باب القبول على وظيفة جندي

Read more: https://www.btalah.com/forumdisplay.p...#ixzz4oz5GI3P6

يقفل يم الثلاثاء بعد يومين

[NASSERSA]

ياخي أنا والله مقهور على الدراسه اللي ضيعن عمري واخرتها اسجل جندي أول ؟ ما راح اسويها يا اتعين رقيب ولا ما يحتاج. كنت متأمل بالضباط وكلهن الأمنية و وزارة الدفاع رفضوني بسبب العمر. عمري 27 طولي 169 الي 170 و الوزن 75 الي 77. ويوم فتحت صفحة التسجيل بالموقع لوحدة المظليين و قوات الأمن الخاصة يقول اختر المركز الذي تريد التسجيل فيه و الخيارات هي تبوك و الطائف و الخرج و الشرقية و المدينة المنورة و حفر الباطن. لو قلنا أني مثلا سجلت فيها , وش تنصحني اسجل بأي منطقة ؟ انا افكر بالمدينة المنورة.

و على فكرة وانا اخوك قل لي رايك ولا تشيل هم. ما راح احط في بالي ابد انك ما تبي لي الخير او اي شي مثل كذا. والله ما قد قابلت احد ونصحني بالعسكرية كلها وش عاد هاذي وسوال اخير . هي تتبع الجيش ؟ يعني رايح للحد رايح ؟