مشكلتي نفذ صبري

[روح السنين]

مساء الخير ماعرف من وين ابدأمشكلتي في العمل

بعد قعدت البيت قدمت على موسسة للطباعة والتصميم

وبداية العقد تدريب 3شهور بدون راتب ودوام طويل من 2الى 10واحيانا فترتين المهم مو هنا المشكلة

المشكلة عقد ما رضى يسلمنا نسخة
غير كذافترة التدريب مافي ولا ريال ولا اجازة شهرين نشتعل من السبت الى الجمعة

المهم الشهر الثالث بدا يعطينا الراتب قالي راتب ثابت ونسبه عطاني 600ريال ونسبه 350 طلع الراتب 950 ورفضت استلمه وبعدين زودني لما شاف اعتراضي وعطاني 1600صار الراتب وعدني الشهر اللي بعده يكون افضل واجتهدت استقبال وتسويق وادارة ويجي الشهر اللي بعده 1238 ورفضت طبعا كيف هالراتب وين الاوفر تايم تواجدي بالعمل اكثر من جلستي مع اهليورفضت ما ستلمته
االمهم شهر جمادى اول كلمته معامم اخر اسبوع طلعت بالرغم عندنا مهرجان وعدني باتعاب المهرجان
وبحد الان لا استلمت راتب جمادى ولا اتعاب المهرجان وراتب ربيع ثاني 1238 ومطلع اشاعة انه سلموني كل اتعابي والحل تعبت المدير اجنبي وزوجته سعوديه ةالحل معقوله حالنا كذا ساعدوني انا مقررة اشتكي في مكتب العمل تتوقعون بيوقفون معاي احنا دخولنا وخروجنا بالبصمة
بساما عقد ما عندي

[وراء الوضائف]

أختي الكريمه قبل كل شي هل سجلك بتأمينات الأجتماعيه وكم الراتب الي سجلك فيه بتأمينات الأجتماعيه


كيف نعرف

تدخلين على موقع التأمينات الأجتماعيه أيقونة التحقق من الأشتراك وندخل رقم الحاسب الألي


لو كان مسجللك بتأمينات الأجتماعيه يطلع أسمك


بعد كذا نروح التأمينات الأجتماعيه أنتي ولا أبوك ولا أخوك وناخذ برنت

ونتقدم ضده في مكتب العمل الي بمنطقتك


لاكن الي أبي أفهمه متى بدأت فترة التدريب ومتى أنتهت وكم مدة عملك الأن

نقطه ثانيه كيف تقبلين بتدريب على رأس العمل بدون راتب ولا مكافاءه

ونقطه أضافيه فيه عقد في شي بينكم وكم الأجر الي مسجل فيه

[الشقراوي الحزين]

لازم تعرفي كم راتبك الاساسي + البدلات وهي غالباً تكون ثابتة
اسئلي مديرك عن راتبك وقارنيه بالراتب اللي في برنت التأمينات الأجتماعية لازم يكون الراتب الاساسي هو
اللي مذكور بالرنت دون البدلات اذا كان الراتب مخالف قدمي شكوة لمكتب العمل بأسرع وقت

توضيح بسيط : اذا كان مثلا الراتب الاساسي 3000 ريال و البدلات 1000 ريال وتعرفي وش هي البدلات يكون مجموع الراتب 4000 ريال
واللي تستلميه 3640 لان التأمينات بتخصم منها 9% والراتب اللي بيكون مسجل في البرنت 3000 ريال

اتمنى اني اكون وضحت الفكرة

[روح السنين]

اشكركم على التجاوب اولا الراتب الاساسي قال لنا 1200 غير كذا ما سجلنا بالتامينات
فترة التدريب قال لنا ثلاثة شهور بس انا ما احتجت تدريب اصلا خدمة العملاء والتسويق والاستقبال والادارة تعتمد على اثبات الوجود واللباقة في الاسلوب والمظهر
مافي لا مميزات ولا تامين صحي ولا شيء
والزيادة قالنا كل ثلاثة شهور

[سلوووووووووووم]

الله يعينك انا مستغرب كيف صابر على وضعك كذا راتب 1200 وش يسوي
وجازه مافي وعمل متعب اترك الوظيفه كله هذا دمار وتهلكه للنفس والارزاق بيد الله مو بالمؤسسة الفاشله .. لاتعملي براتب اقل شي 3500 ريال او 4000 ريال

[هوفو]

صراحه عمل مجهد ولكن تعتبر خبره لكي وتفيدك اذا قدمتي على عمل اخر
وبراتب احسن والله يوفقك ان شاء الله

[وراء الوضائف]

المشاركة الأصلية كتبت بواسطة سلوووووووووووم

الله يعينك انا مستغرب كيف صابر على وضعك كذا راتب 1200 وش يسوي
وجازه مافي وعمل متعب اترك الوظيفه كله هذا دمار وتهلكه للنفس والارزاق بيد الله مو بالمؤسسة الفاشله .. لاتعملي براتب اقل شي 3500 ريال او 4000 ريال

أختي الكريمه فيه عقد نبي عقد مانبي قالنا

[نص محامي]

اول حل انك تجلسين بالبيت ومادوامي في هالمكان الزباله

ثاني حل تدخلي موقع التامينات و تكتبي رقم سجلك المدني تشوفي انتي مسجله او لا

https://www.gosi.gov.sa/portal/web/guest/212


وبعدين تروحي التامينات وتطبعي برنت كامل عنك فيه راتبك

وتقدمي شكوى لمكتب العمل

وتودينها له قولي ابي رواتب واخلاء طرف واسقاط اسمي من التامينات

ولا ماراح اتنازل عن الشكوى

واذا عندك اخو كبير ومتفهم خليه يكلمه

غير هالحل مافيه !!

[al_waleeed]

العرض الوضيفي اللي وقعتيه بكم ؟
اذا عديتي ال 3 شهور وفي الرابع مالقيتي نفس الراتب
تقدمي بشكوى لمكتب العمل وطالبي بفسخ العقد "مو استقالة" و اضافة الى ذلك طالبي برواتبك الى نهاية العقد

=======
آنتي باي مدينة ؟

[اوفف]

هذا استعباد مو دوام .. لاتسكتين عن حقك واضح الاستغلال ...؟؟
اصلا شلون ساكتين له على هالوضع هذا لازم احد يبلغ عليه ؟؟ماشي على نظام بكيفه ...
لازم تساعدين يفكون الناس من شر هالاشكال .
الله يرزقك من واسع ابوابه