كيف اشتكي على واحد اخذ فلوس من عندي ولم يتم التسديد

[القاموس]

السلام عليكم ورحمة الله وبركاته


ياجماعة الخير انا سلفت شخص مبلغ 20000 الف وخليته يكتب على ورقه انه اخذ مني قرض حسن وخليته يبصم على الورقه بشرط ان يتم التسديد كل شهر عن طريق الحساب يعني يحول من حسابه الى حسابي

المهم ان الرجال سحب على 3 اشهر وحتى مايرد على الجوال المشكلة انه صديق لي لمدة 10 سنوات يعني كانه باعني

سؤالي كيف اشتكيه وهل الورقة لي معي تنفع او لا علما ان لا يوجد شهود والرجال موظف ؟؟



ولكم التحية

[كنز المحبة]

حاول مع صاحبك انه يسدد لو ترسل علي جواله او شوف اقرب الناس له وكلمة يمكن توصل لحل علشان تكون سويت كل الي عليك ولو تروحله في دوامه وكلمه يمكن عنده ظروف ومنحرج منك ,,,

[أبوريفان]

تعرف عملك رح له وكلمة

وإذا ماسدد أشتك علية في الشرطة وطلب تحويل للمحكمة وبتاخذ حقك مادام هو باصم على الورقة

بس ممكن مايطلع لك شي لأن الموضوع مافيه شهود والله أعلم

[القاموس]

المشاركة الأصلية كتبت بواسطة كنز المحبة

حاول مع صاحبك انه يسدد لو ترسل علي جواله او شوف اقرب الناس له وكلمة يمكن توصل لحل علشان تكون سويت كل الي عليك ولو تروحله في دوامه وكلمه يمكن عنده ظروف ومنحرج منك ,,,

الله يعطيك العافية اخوي يجي يمكن شهر اتصال عليه وارسال رسالة ومايرد

المشاركة الأصلية كتبت بواسطة وظيفة ثانية

تعرف عملك رح له وكلمة

وإذا ماسدد أشتك علية في الشرطة وطلب تحويل للمحكمة وبتاخذ حقك مادام هو باصم على الورقة

بس ممكن مايطلع لك شي لأن الموضوع مافيه شهود والله أعلم

مشكور اخوي كيف يعني الورقة الي معي ماتنفع في شي انا خليته يكتب بخط يدة ورقم السجل المدني وانه يحول كل شهر الى رقم حسابي ووقع على الورقة وبصم
هو شغال في قسم شرطة يعني يمكن عارف ان الورقة هذي ماتنفع

الي قاهرني مو الفلوس الي قاهرني مشيت معه 10 سنوات وفي النهاية يسحب على

[أبوريفان]

عدي وعدك خير انت صديقك انا اخوي رافع ضغطي ماخذ دين من البنك ومعطية فلوسها وكل شهر انا ويها مطالب عند القصد مرة ماعندي مرة انا مزنوك وين يلي اسدد لك كل شهر بدون تأخير

والله ياخوي الزمن هاذا يخوف لا صديق ينفعك ولا أخو تسند علية
ماينفعك إلا جيبك معك فلوس ساد نفسك وزيادة تشوف الحبايب يكثرون ومتى ماطفرت وجار عليك الزمن دق على هاذا وعلى هاذا ولا احد حولك
انا كان عندي صاحب لي اكثر 10 سنين من أيام المتوسط طلبت سلف وسحب علي بعدها لا يرد ولا يرسل ولا يرد على الرسايل قلت لنا الله هو من أول مايطلب مني تكون في حسابة ولا انا اطلب تكون اطر منه وله الحين لا يقل عن 3 شهور مادقيت علية ولا أبغى اكلمة سنين وانا أشيلة وساعدة ويوم توظف ومشت أمورة سحب مثل على الصحوبية

في مثل كان الوالد يقولة لي أيام الدجة طلعات من الخويا
صاحبك جيبك متى ماهو مليان يعزك ومتى ماهو فاضي يذلك

انا اقولة الخوة مافيها فلوس الخوة مرجلة وفزعة ومن هاذا الكلام

يقولي خويك جيبك ولا يكثر ياحماااااااااااااار

من جد طلعت ؟؟؟؟

[حلوة الدنيا]

أخوي القاموس الورقة تثبت حقك ولا تحتاج وجود أي شهود، بالنسبة للشرطة لن تقبل منك أي قضية فيها مطالبة مالية، وهذا تعميم صادر بخصوص المطالبات المالية...راسلني عالخاص و أفيدك بالاجراءات كاملة،،،


وبالتوفيق،،،

[القاموس]

المشاركة الأصلية كتبت بواسطة وظيفة ثانية

عدي وعدك خير انت صديقك انا اخوي رافع ضغطي ماخذ دين من البنك ومعطية فلوسها وكل شهر انا ويها مطالب عند القصد مرة ماعندي مرة انا مزنوك وين يلي اسدد لك كل شهر بدون تأخير

والله ياخوي الزمن هاذا يخوف لا صديق ينفعك ولا أخو تسند علية
ماينفعك إلا جيبك معك فلوس ساد نفسك وزيادة تشوف الحبايب يكثرون ومتى ماطفرت وجار عليك الزمن دق على هاذا وعلى هاذا ولا احد حولك
انا كان عندي صاحب لي اكثر 10 سنين من أيام المتوسط طلبت سلف وسحب علي بعدها لا يرد ولا يرسل ولا يرد على الرسايل قلت لنا الله هو من أول مايطلب مني تكون في حسابة ولا انا اطلب تكون اطر منه وله الحين لا يقل عن 3 شهور مادقيت علية ولا أبغى اكلمة سنين وانا أشيلة وساعدة ويوم توظف ومشت أمورة سحب مثل على الصحوبية

في مثل كان الوالد يقولة لي أيام الدجة طلعات من الخويا
صاحبك جيبك متى ماهو مليان يعزك ومتى ماهو فاضي يذلك

انا اقولة الخوة مافيها فلوس الخوة مرجلة وفزعة ومن هاذا الكلام

يقولي خويك جيبك ولا يكثر ياحماااااااااااااار

من جد طلعت ؟؟؟؟

الله يعطيك العافية والله من جد الزمن هذا نفسي نفسي

ولك التحية

المشاركة الأصلية كتبت بواسطة حلوة الدنيا

أخوي القاموس الورقة تثبت حقك ولا تحتاج وجود أي شهود، بالنسبة للشرطة لن تقبل منك أي قضية فيها مطالبة مالية، وهذا تعميم صادر بخصوص المطالبات المالية...راسلني عالخاص و أفيدك بالاجراءات كاملة،،،


وبالتوفيق،،،

ماتقصر اخوي بس لو تشرح الطريقة في نفس الموضوع يكون افضل عشان الكل يستفيد


ولك التحية

[المرابط]

اخي القاموس..

اولا جزاك الله خير عن تفريج كربة اخوك المسلم
وما فعلت هذا الا انك تدور ما عند الله وتدور العلم الغانم وبياض الوجه
ولا شك ان خسارتك في خويك اكبر من المبلغ اللي اعطيته اياه
وانت عندما اعطيته المبلغ كان (قرض حسن) مالك منه فايدة، ويمكن اذا رجعت لك فلوسك بالتقسيط تروح من يمين ويسار وما تستفيد منها مثل ماهي مجتمعة في يدك
ورأيي وانا اخوك انك بديت ببياض الوجه، فكمل جميلتك
واشوف ان مدة الثلاث شهور ماهي مدة طويلة، والجهات التمويلية الخيرية تمنح المقترض فرصة 6 شهور قبل سداد الدفعة الاولى..
واقول لك اصبر عليه ولا تحاول تتصل به، واذا ما جاك من ناحيته خبر بعد الست شهور مر عليه البيت واستقبله بوجه بشوش وقل له انك محتاج لفلوسك وان ما ودك تتسلف وانت لك فلوس عنده
واذا رفض والا ماطل، فانت لك الحق في تكبير الموضوع واللجوء للجهات الرسمية مع انه ممكن يقول انا ما جحدته..بس ما عندي!..خلوه ينتظر وانشالله خير
وهنا على فكرة بتكون عينه قوية في الجحدة لانك شكيته، وبيقول لك بالعربي: (اعلى ما في خيلك اركبه) وعند نفسه انه ما غلط بشيء لانك بنظره شخص يحاول يسجنه وبينسى هو وش سوى وبيتذكر بس تصرفك.

[بدر الرفاعي]

الحمد لله انها 20000 الف ماهو اكثر الرجال ماستحي منك ولا تكلمه علي طول علي المحكمه الورقة تفيدك لا تضيعها وحتي لو ارسل عليك رسائل لاتمسحها من جوالك واذا في احد يشهد انك اعطيته فلوس كمان احسن
تروح للمحكمة وعلم الشيخ السالفة كلها راح يحدد معاه جلسة وراح يجي الرجال الي متسلف منك واذا ما جاء بعد ثالث جلسه راح يحولك الي الحقوق بعدها راح يجرونه مع اذنه من مقر عمله
علي التوقيف يا يدفع او يجلس في السجن انا مجربها وال اشتكيه الي الان في السجن

[القاموس]

المشاركة الأصلية كتبت بواسطة المرابط

اخي القاموس..

اولا جزاك الله خير عن تفريج كربة اخوك المسلم
وما فعلت هذا الا انك تدور ما عند الله وتدور العلم الغانم وبياض الوجه
ولا شك ان خسارتك في خويك اكبر من المبلغ اللي اعطيته اياه
وانت عندما اعطيته المبلغ كان (قرض حسن) مالك منه فايدة، ويمكن اذا رجعت لك فلوسك بالتقسيط تروح من يمين ويسار وما تستفيد منها مثل ماهي مجتمعة في يدك
ورأيي وانا اخوك انك بديت ببياض الوجه، فكمل جميلتك
واشوف ان مدة الثلاث شهور ماهي مدة طويلة، والجهات التمويلية الخيرية تمنح المقترض فرصة 6 شهور قبل سداد الدفعة الاولى..
واقول لك اصبر عليه ولا تحاول تتصل به، واذا ما جاك من ناحيته خبر بعد الست شهور مر عليه البيت واستقبله بوجه بشوش وقل له انك محتاج لفلوسك وان ما ودك تتسلف وانت لك فلوس عنده
واذا رفض والا ماطل، فانت لك الحق في تكبير الموضوع واللجوء للجهات الرسمية مع انه ممكن يقول انا ما جحدته..بس ما عندي!..خلوه ينتظر وانشالله خير
وهنا على فكرة بتكون عينه قوية في الجحدة لانك شكيته، وبيقول لك بالعربي: (اعلى ما في خيلك اركبه) وعند نفسه انه ما غلط بشيء لانك بنظره شخص يحاول يسجنه وبينسى هو وش سوى وبيتذكر بس تصرفك.

المشاركة الأصلية كتبت بواسطة بدر الرفاعي

الحمد لله انها 20000 الف ماهو اكثر الرجال ماستحي منك ولا تكلمه علي طول علي المحكمه الورقة تفيدك لا تضيعها وحتي لو ارسل عليك رسائل لاتمسحها من جوالك واذا في احد يشهد انك اعطيته فلوس كمان احسن
تروح للمحكمة وعلم الشيخ السالفة كلها راح يحدد معاه جلسة وراح يجي الرجال الي متسلف منك واذا ما جاء بعد ثالث جلسه راح يحولك الي الحقوق بعدها راح يجرونه مع اذنه من مقر عمله
علي التوقيف يا يدفع او يجلس في السجن انا مجربها وال اشتكيه الي الان في السجن

[B]
السلام عليكم ورحمة الله وبركاته

الله يعطيكم العافية وماقصرتم . ياجماعة الخير يوم الخميس قابلت الرجال بصدفة واول ماشفته قلت له وينك ماترد على قال خايف منك قلت له ليش قال كذا المهم قلت له وين الفلوس قال والله ماعندي غير مئة ريال تبغها قلت ايوة وقال يوم الراتب ابعطيك حق دفعتين قلت طيب طبعا يوم الراتب مقفل الجوال المهم اليوم كان الجوال شغال ورد على الجوال وقلت له سلام عليكم وين الفلوس ياابو ايمن قاعد يتريق على وشوي ترك ازعجتني وشوي يقول مافي فلوس المهم قلت له حول الفلوس اليوم في الظهر ومالقيت شي في الحساب المهم ارسالت له رسالة قلت فيها انا مو زي ماكنت موظف ذلحين انا عاطل لو سمحت حول الفلوس . والله لو اني اشحتك وكتبت اخر شي يعني ماعندك هاتف مصرفي لان هو يقول انه في منطقة مافيها صرافة . المهم رد على يقول الورقة عندك روح اشتكي على في الحقوق لو سمحت لاتتصل على او ترسل رسالة . وكتبت له مشكور وماقصرت وحسبي الله ونعم الوكيل ..

مااقول غير حسبي الله ونعم الوكيل ياجماعة الخير نصيحه لا تسلف احد المشكلة اني قد سلفته اكثر من مرة وما رجع المبلغ وقت ماكنت موظف وانا اعتبرها صدقة لوجه الله سبحانه لو قلت له تخبر يوم انكرك احمد الله انها على 20000الف لانه مرة طلبني 50000الف وكنت ابعطيه

ابتركه الله سبحانه يحاسبه وتوبه ماازيد اسلف احد[/B]