سبب الرفض + تنبيه عن عدم تحديث البيانات

[طموح شخص]

السلام عليكم ورحمة الله وبركاته

للأسف حافز كل يوم عن يوم يثبت لنا ان تخبطاته ومشاكله تزيد
وكل يوم عن يوم يثبت لنا ان فيه شرط تعجيزي او سبب غير منطقي برفض الاعانة

خلاص من النهاية قفلو هالبرنامج ولا تقهرون العالم

انا كنت مؤهل للشهر الاول ، واستلمت اعانة ولله الحمد

سمعت بسالفة التحديث الاسبوعي على ملفي الشخصي
وسويت تحديث ، وليتني ماسويت ( لكن نقول قضاء وقدر )

طلع الحالة : غير مؤهل بسبب انك طالب في احد الجامعات


المشكلة ان الاسبوع هذا والجاي اغلب موظفين الجامعة معطلين ! او مشغولين بتسجيل الطلاب للترم الثاني !

كيف الواحد يتواصل مع الجهة المختصة بالمشكلة ؟


ولا ممكن اتصل على حافز وهم يحلون المشكلة ؟



بصراحة انا ما انصح بالدخول على الملف الشخصي ولا بتحديث البيانات ولا شيء
مجرد دخولك على الملف او التحديث ، اعتقد يوصلهم طلبك او يجيهم تنبيه ، ويلعبون بسبب الرفض

دام حالتك مؤهل ، خلاص احذف موقع حافز من المفضلة ولا تدخله

[حُلُمي التدريس]

انا حدثت مرة وحدة وحمدلله طلع مؤهل
مدري وش سالفتهم؟؟؟؟؟

[الذوق الراااقي]

نفس المشكلة حدثت وطلع طالب في احدى الجامعات بالمملكة لماذا ياحافز حيث اني منتسب بالجامعة فقط انتســــاب

وكذالك اخوي ماحدث وطلع له غير مؤهل والسبب انه ماحدث بياناته لماذا ياحافز

[افرجها يالله]

نفس المشكلة لييييييييييييييتني م سويت تحديث حسبي الله ونعم الوكيل ربي يغنينا عنهم

[وش بقى بالعمر]

الجامعات تطرد البنات وين نروح نعدل المفروض حافز يتواصل معاهم مو حنا نتشحطط

[حبلي التاريخ]

موفق بإذن الله ... لك مني أجمل تحية .

[عبيد في التجنيد]

الحال من بعضه ،

الشهر الاول كنت مؤهل

عملت هالتحديث الي ازعجوونا به وياليتني ماسويته

وطلع لي البارحه غير مؤهل وانا راح اتصل بحافز بشوف ويش المشكله ،، !!

[بعد الصبر فرج]

ياذا التحديث الي رجنا
وش الحكمه منه ولا بسسس تعقيييييييييد

نتمنى من المشرف معلومات عن حافز
ينشئ موضوع بهالقسسم يوضح فيه كل صغيرة وكبيرة عن هالحافز ذا
وكيف التحديث ومتى وكل التفاصيل
مليناااااااااا

[اختك ي فلان]

صديقتي امس اتصلت تقول طريقة تحديثكم غلط

تقول اضغطي حفظ واستمرار الى الدخل الثابت وبعدين لا تضغطون ارسال الطلب بس اضغطو خرووج

وخلآص بكذا حدثتو

انا سويت تحديث وطلع لـي غير موهل الشهر ذا .. والسبب اني ما مر على تخرجي 6 ششهور

وانـآ وصديقـآتي كككلهم نفس السبب =(

[كابس لوك]

لا احد يسوي ارسال للطلب ,,سجل دخول وبعدين مع الباب(سوي خروج)
بالنسبه للتحقق من الاهليه يتحققوا من اللي استلموا والدفعه الجديده (كل شهر يتحققوا من الجميع اللي مؤهل والغير مؤهل، يعني حدثت ولا ماحدثت كل شهر يتححقوا من الجميع) بالنسبه للي اسمه بالجامعه وهوه متخرج من اكثر من 6 شهور سوي اعتراض وكلم الجامعه وهمه يرسلوا لحافز انك متخرج ولا انت عندهم بالجامعه ,,, وسلامتكم
يرزقنا ويرزقكم الله من واسع فضله