أحوال الدمام

[addb]

يعطيكم العافيه شباب
بقول لكم سالفتي مع الاحوال لما رحت بضيف زوجه
أول يوم رحت وصفي سرى قبل لا يجي الموظف علما ان الدوام من الساعه 7.30 أو 8.00
المهم لما جاء الاستاذ وجاء دوري حول الساعه9.00 قال لي لازم تجدد البطاقه ونطلع لك كرت عائله المهم وقع الأواق وحط الختوم بعدين قال ليصف سرى بالشباك اللي بجنبي لحووول
صفينا سرى ولما جاء دورنا وقع على الاوراق وقال لي تعال بكره نختمها لك وتروح تصور قلت له ياعمي اختمها الحين وبكره أروح أصف سرى عند التصوير قال لأ مايصير تطلع بالاوراق وهي مختومه قلت يصير خير
رجعت لهم يوم الثلاثاء الماضيصفيت سرى على ما جاء الاستاذ وختمها وقال يلله على التصوير عطينا الشرطي ملفاتنا وانتظرنا حتى نادو باسمي رحت وصورت
وقال تعال استلم بعد يومين تعال يوم السبت قلت طيب
مريت عليهم يوم السبت وبعد طول انتظار قالي ماصدر لك شي تعال بكره
وأروح لهم بكره ونفس الحال قال تعال بكره وأروح لهم بكره اللي هو اليوميوم الاثنين
أخذو أوراقنا وسجلنا أسمائنا وجلسنا ننتظر وبعد طول انتظار لا حس ولا خبر المكتب محد جالس فيه أكثر من ساعه طلعنا أحنا والشباب للمدير وعطيناه خبر قال بنزل ألحين قلنا طيب وجلسنا ننتظر ماشفنا لا المدير ولا الموظفين علما أن الأحوال هي مثل ماهي ماتغيرت من عصر الجاهليه لا أرقام ولا يحزنون تكرمون مثل الدبش في حوش اذا انفتح باب الحوش الكل يبي يطلع والى هاليوم ماستلمت بطاقتي ولا كرت العائله

هاذا حالي وحال ناس كثير بالدمام وبعضهم صار له أسبوعين وأكثر ما ستلم بطاقته
أتمنى في أحد يقدر ينشر هذا الكلام في الجرايد ويفضحوا هالادارة الفاشله
ويعدلوا نظامهم الفاشل اللي يخلي الواحد يمرض على ما يخلص معاملته
ولكم مني جزيل الشكر على حسن مطالعتكم