من وين يجيب الخريج خبره

روان علي · #1 (**permalink**) 19-10-2016, 04:52 AM

السلام عليكم ورحمه الله وبركاته

صراحه كتبت الموضوع من حرة مابقلبي

انا لسى خريجه جديده باكالوريوس انجليزي تربوي عانيت بدراستي ماتوقع احد عاناه وماسكه بيتي وبيت اهلي واطفالي جازمه جدا للدراسه علشان اتوظف دخلت قياس قبل ماتخرج اخر ترم والحمدالله اجتزته
خبره ميداني بمدارس مقرارات ترم كامل واخذت فيه ممتاز
عندي مهاره جدا عاليه بالانشطه والاعمال اليدويه واعادة التدوير والرسم وعمل الديكوباج وغيره
مهاره بالحاسب الالي وبرامج الاوفيس واصمم دروس وعروض للمعلمات بجميع المراحل
محبه الاطفال والحمدالله ادخل معهم واعرف اتعامل معهم
عندي دافعيه جدا للعمل توقعت او ماتخرج بلاقي وظيفه علشان تخصصي انجليزي قلت ممكن مرغوب
انصدمت جدا اني اروح الف مدارس شرق الرياض كلها واشرح يعجبهم شرحي ويمدحون بس محلك سر اتصل القي الوظيفه اخذتها ي تقرب للمديره او للمالكه
اقسم بالله اني خلصت درس البنات نازلوا يطالبون الاداره يقبلوني مررا ارتاحوا معي وشرحي عجبهم

مومعقوله كل ماجي احاجهم يقولون ماعندك خبره من وين بالله اجيب وانا خريجه جديده

لابنك يقبلني ولاشركه ولامدرسه كل ايميلي رسائل طلب توظيف

اتوقع ان الدافعيه للعمل افضل من الخبره

مرزوق السويدي · #2 (**permalink**) 19-10-2016, 10:24 AM

ما أملك إلا الدعاء لك بالتوفيق؛؛
أقسم بالله كأنك تتكلمين عني وأنا تخصصي إنجليزي بعد خريج كلية آداب
كملت الآن سنتين وأنا جالس عند أمي
كله باسباب اللي يدخلون بدون حق بالواسطات الله يجعلها نقمة عليهم..
إكتشفت الآن أن الخبرة يحطونها كعائق للمتقدمين عشان تكون حجة بس
تأكدت من الشيء هذا بعد ردت علي شركة بالايميل انو الوظيفة تتطلب خبرة رااحت الايام وقابلت شخص مقبول بنفس الشركة وماعنده خبره لكن عشان احد اقاربه يعرف مدير التوظيف

أخيرا :::
أعتذر عن الإطالة وأوصيك بكثرة الاستغفار والدعاء...
الوضع بكل صراحة مدحدر والموازين منقلبة
لكن عسى الله يدبرها من عنده
والسلام عليكم

طالب علم وعمل · #3 (**permalink**) 19-10-2016, 07:38 PM

انا عندي خبره سنه ونصف عمل مسجله بالتأمينات سابقا ولا اشوف انها فادتني لاني كل ماقدم واسوي مقابلات ماحد يكلمني
مع العلم اني مؤهلاتي ماهي سيئة خريج امريكا من جامعه متميزه بكالريوس ودبلوم عالي ولي حاليا سنه ونصف ابحث عن وظيفه
مناسبة وللاسف لم اجد مقابلات x مقابلات ويتعبونك سفر وتذاكر واخر شي مافيه رد .. لكن الحمدلله على كل حال .. ومن التصريفات
الى حصلتها في قطاع البنوك يقول عمرك كبير جدا لايناسبنا مع العلم اني متخرج بعمر27 ..واتحدى اي شخص يدرس مرحلتين ويتخرج بعمر
اقل من 27

روان علي · #4 (**permalink**) 21-10-2016, 12:41 AM

والله تشوف مصيبة غيرك تهون عليك مصيبتك
انا بنت ممكن اقل حاجه منكم انت الرجال يارب بواسع فضله ان يمن عليكم وعلي الوظيفه الي تسعدنا

بس سؤال محيريني ذا الوظتيف الي يعلنون عنها هنا ليش يخلونا نرسل ايميلات ولا احد يرد وش السبب نفسي اعرف

الشيخ كاسبر · #5 (**permalink**) 21-10-2016, 06:46 AM

شوفي اختي الواسطة لها دور كبير جداً..تحصصي إنجليزي لكن غير تربوي سنتين ونصف وأنا اسافر واقدم وفلوس تروح ع الفاضي لكن الله ما يضيع تعب عباده وسعيهم..الحمدلله انفرجت وتوظفت لكن بالعكس بعض البنوك ترحب بالتخصصات الإنجليزية..والعمر ماهو مهم بالنسبة لهم..شاهدت بأم عيني ناس كبار في السن يدخلون مقابلات شخصية وعادي جداً بعضهم توفق والبعض ما كتب ربي..ولما نحكي ع المدارس الخاصة بصفة عامة فهي تحتاج واسطة قوية..ما بقيت مدرسة إلا وقدمت عليها ومعدلي كويس الحمدلله لكن الواسطة لها رأي عندهم وعندي ايميلين كلها مليانه من كثر التقديم..بس تذكروا إن الرزق بيد الخالق هو يصرفه على عباده متى ما شاء وهو قادر على كل شئ..ادعوا الله ولا تنسوا طلب الدعاء من والديكم والقريبين في سنهم..ربي يوفقكم ويرزقكم من واسع فضله وكرمه

الشيخ كاسبر · #6 (**permalink**) 21-10-2016, 06:50 AM

وبالنسبة لمشكلة الخبرة عانيت منها اشد المعاناة خاصة من الشركات لأنها حجة من حججهم للتصريف
ومن ناحية المدارس الخاصة فالأجنبي/ة يأخذ أقل من المواطن/ة وهذي احد الأسباب..واسف ع الإطالة

روان علي · #7 (**permalink**) 23-10-2016, 04:10 AM

طيب الله يسعدك البنوك كيف اقدم

لما اروح للفرع يقولون مو من عندنا

واسجل بمواقععهم ولا في رد

الشيخ كاسبر · #8 (**permalink**) 24-10-2016, 01:02 AM

اقتباس:

المشاركة الأصلية كتبت بواسطة روان علي

طيب الله يسعدك البنوك كيف اقدم

لما اروح للفرع يقولون مو من عندنا

واسجل بمواقععهم ولا في رد

شوفي..البنك اللي كان يستقبل سيرة ذاتية هو البنك السعودي الأمريكي(سامبا) وتقريبا البلاد لكن حاليا حاولي بقدر المستطاع تقدمين على الوظائف اللي يطرحها البنوك في موقعهم لأنهم ينزلون وظائف ويكون هناك اشخاص مسجلي سيرتهم الذاتية في موقع البنك ولكن في نفس الوقت لازم يسوون تقديم طلب على الوظائف المطروحة وهذي اغلب الناس اللي تقدم مايعرفونها..سجلت في مواقع بنوك كثيرة وادخل اسبوعيا عليهم واشوف يمكن عندهم تحديثات جديدة تطلب مني تعديل أو تقديم..االمهم هو بعد تسجيل السيرة الذاتية في موقع البنك لازم الخطوة اللي بعدها تقدمون على الوظائف المدرجة..الله يوفقكم ويرزقكم من واسع فضله.