تجربتي الناجحه ( بدون راس مال ) وأكسب بمجهودك فقط

[اتعبتني ذكراك]

ماشاء الله . الله يوفق الجميع
تم الارساال خاص

[فنتك]

السلام عليكم
انا بس ابي اعرف من وين اقدر اتعلم لان مجال تطبيقات الجوال لا زال مرغوب وفيه مكسب بإذن الله
المشكلة بالاكواد أكتبها صح .. لكن إلا ما انسى شي فما تشتغل ال،اجهة مضبوط (هذا وأنا اجرب اسوي صفحة موقع مب تطبيق جوال )

المشكلة سجلت باكاديمية اون لاين من ضمن دوراتها تصميم التطبيقات لكن لهجة اللي يدرسوننا صعبه اصعب حتى من اهل لندن فالمحاضرات سحبت عليها كلمة القطها وعشره لا .

الحمدلله عندي خبرة باستخدام الفوتوشوب و اللستريتور وقاعدة اسعى لاحتراف مونتاج الفيديوهاات لكن برمجة التطبيقات تبقى أقوى للأمانة .

ف من وين أبتدي أتعلم أصمم تطبيقات الجوالات ؟

[فآصل]

المشاركة الأصلية كتبت بواسطة فنتك

السلام عليكم
انا بس ابي اعرف من وين اقدر اتعلم لان مجال تطبيقات الجوال لا زال مرغوب وفيه مكسب بإذن الله
المشكلة بالاكواد أكتبها صح .. لكن إلا ما انسى شي فما تشتغل ال،اجهة مضبوط (هذا وأنا اجرب اسوي صفحة موقع مب تطبيق جوال )

المشكلة سجلت باكاديمية اون لاين من ضمن دوراتها تصميم التطبيقات لكن لهجة اللي يدرسوننا صعبه اصعب حتى من اهل لندن فالمحاضرات سحبت عليها كلمة القطها وعشره لا .

الحمدلله عندي خبرة باستخدام الفوتوشوب و اللستريتور وقاعدة اسعى لاحتراف مونتاج الفيديوهاات لكن برمجة التطبيقات تبقى أقوى للأمانة .

ف من وين أبتدي أتعلم أصمم تطبيقات الجوالات ؟

و عليكم السلام

المشكله مصادر التعليم محصورة وقليله خصوصا العربيه
والهدف معروف للجميع ،

ومشكلة الاكواد HTML لما تطلع ملخبطة انا متأكد تستخدمين برنامج تحرير عربي او معرب عشان كذا يطلع ملخبط حتى ولو كانت الاكواد صحيحه ودائما فيه اخطاء

لذلك انصحك بالأعتماد على البرامج الاصليه الغير معربه

ولو استمرت معك المشكله واحتجتي مساعده ارسلي خاص وانا بحاول اساعدك بقد مااقدر

[فآصل]

حبايبي اللي يرسلون خاص

انا ذكرت لكم الوقت مايسمح اني اعمل شروحات ودورات

ووضحت للجميع اللي يحتاج مساعدة بمشروع قائم وقاعد يشتغل على شيء معين سواء كان برمجة تطبيقات او تصميم صفحات واكواد وواجهته صعوبه يرسل لي

وشكرا

[البتول الحربي]

المشاركة الأصلية كتبت بواسطة فآصل

يوفق الجميع يارب

والله ي اختي ظروف العمل ماتسمح لي اني اسوي دورات وكذا ، لكن اللي يبي مساعده في شيء معين او صعب عليه يراسلني خاص وان شاء الله اساعده

يعطيك العافيه والله يوفقك

عجبني طموحك وحبيت الفكرة لكن خبرتي متوسطه بهذا المجال

[abdullah-91]

والله العظيم لي فتره بحكم اني عاطل
جالس افكر لدرجة صرت اتكلم مع نفسي
ياخي فيها فلوس ورزق البرمجيات بصفه عامه
لكن ما افهم فيها شي اشتغل على برامج الاوفيس فقط ما اعرف لغيرها
عموماً كل اللي اطلبه منك تسرد لي بعض اسماء المواقع والبرامج الأساسية لتعليم برمجيات الجافا
والباقي انا بدخل وبتصفح وبحاول اتعلم
لأن النت يعطيك خيارات كثيره وتضيع وتحتار ماتدري وش الأفضل
وبحكم انك جربت ومتقن بإذن الله فياليت تفيدني
دعواتي لك ومن كل قلبي ان يوفقك ويسعدك ويعلي قدر والدك الغالي .. شكراً لوقتك واسف عالاطاله

[ِِAWQ]

الله يرزقك من واسع فضله

[saberchemist2015]

بالتوفيق ان شاء الله

[salem86]

البرمجة والتصميم بشكل عام يعتبر مصدر دخل مضمون للي يجيدهم , ويكفيه الاعلانات المعروضة عليهم وخاصة المبرمجين العرب لأنو فيه نقص واضح بالنسبة للمستخدمين العرب , وتطبيقات الجوال بالذات مميزة وسهلة النشر .

بشكل عام الآن صار استخدام الإنترنت حوالي 90% عن طريق اجهزة الجوال والتابلت (على مستوى العالم) ونظام التشغيل المسيطر جوجل اندرويد لأنه مستخدم من قبل عشرات المصنعين وبنسبة قليلة نظام IOS ابل ايفون لأنه احتكاري بس مستخدميه فئة مميزة لعرض الإعلانات والتطبيقات المدفوعة ولو انهم اقل بكثير بالنسبة لأندرويد

وبالمناسبة الإعلانات بشكل عام سواء على تطبيق او موقع او قناة يوتيوب تعتبر فكرة مربحه جدا لو وجد زوار او مشتركين كثير بعض قنوات اليوتيوب واصحابها مراهقين ! فيها عدد مشتركين يصل مليون واكثر , اصحابها اشترو سيارات رياضية باهضة الثمن من فلوس الإعلانات

[ليلى ع ح]

ماشاءالله عليك حاول تسوي لك جدول ترجع تصمم
عندي فكره حلوه للتطبيقات لكن ما افهم شي فيها