كيف اصمم متجر الالكتروني + تطبيق للموبايل وارغب في معلومات عن التجاره الالكترونيه

[دبلوم آدارة]

ارغب في فتح مجتر الالكتروني موقع وتطبيق
كيف الطريقة وماهي الشركات الموثوقه في هاذا المجال خصوصا الحماية
وكيف اجيب بضائع هل من اسواق الجمله المحلية او من الصين
وهل هناك شركات تعطي بضائع بالاجل
الي عنده معلومات متكامله يفيدني ويفيد غيري وله دعوه

[ايمن الاحمد]

اولاً تحتاج تحجز دومين واستضافة "الدومين بـ 50 ريال والاستضافة على حسب المساحة"
وتوفير الدعم الفني والحماية لها سعر ثاني حسب الاتفاق مع الشركة او المؤسسة
.....
اما قالب المتجر.. عندك خيارين
عندك القالب المجاني بس تعديله وتركيبه بيكلفك حدود 1300 ريال
او قالب خاص بتكلف فوق الـ 10.000 ريال

مشكلة القالب المجاني انه صعب تركيب اكواد الدفع الالكترونيه فيه "الدفع بالبطائق الائتمانية وسداد"
والربط مع البنك للدفع الاكتروني مكلف.. بعض البنوك تطلب رسوم تأسيس 10.000 وبعضهم 5.000 وبعضهم مجانا
"بنك الجزيرة مجانا"
بس اغلبهم يفعله لك بعد شهرين!

..............
التطبيق ما انصح فيه.. لأن قليل اللي بيحملوه ومالها جدوى اقتصادية
يكفي عمل نسخة جوال من القالب
......................
وتحتاج تشترك مع شركة شحن .. مثل سمسا بيعطوك رسوم 38 ريال للشحنه الواحده اذا كانت شحناتك 50 شحنه بالشهر واذا وصلت 200 شحنه بيخفضوا لك الرسوم واذا وصلت 500 شحنه بالشهر بيخفضوا لك الرسوم اكثر
صحيح ان العميل هو اللي بيدفع الرسوم.. بس 38 ريال كثير على الشحنه
............


بالنسبه للبضاعة ما عندي خلفيه فيها
.............

[نافع الكحيلي]

اولا: ماهو النشاط الذي تريد التسويق له على الموقع او التطبيق .
ثانيا: تحتاج مستودع للتخزين . المواد او السلع التي تريد بيهعا .
ثالثا: تحتاج عدد كبير للعملاء على الموقع حتى تسوق للبضائع الخاصة بك .
رابعا : المتجر يحتاج ادارة ممتازة امينة وطريقة للتحصيل وارسال البضائع للمشتري
الاهم في هذا الامور هو المنتج الذي تريد التسويق له ثم تصميم المتجر والمتجر تعملة لك اي مؤسسة وغير مكلف

[ورود الكاميليا]

بالنسبة للتطبيق والموقع

1- يجب ان تشترك استضافة موقع بمساحة من 500 ميقا الى 1 جيجا
( يوجد شركات سعودية كثيرة واسعارها رخيصه مثل : اضغط هنا , اضغط هنا )

2- تركيب برنامج المتجر في الموقع الخاص فيك مع الاعدادات
( يوجد برامج متنوعة من اشهرها واسهلها : اضغط هنا )

ملاحظة تركيب البرنامج والاعدادات والحماية والتجهيز يكون عن طريق شركة الاستضافة ..


لحد الآن تكلفتك ماتوصل ل 1000 ريال

تقدر تفتح سجل تجاري للتجارة الالكترونية لو حبيت تخلي الموضوع رسمي وموثوق .. من وزارة التجارة ..



بالنسبة عاد للبضاعة والكلام هذا .. هنا سر النجاح انك تلقى بضاعة جيدة بسعر ممتاز
مارح احد يعلمك سر نجاحه او يدلك ..

اول شيء تحدد وتختار نوع التجارة الخاصة فيك هل هي كماليات ولبس او جوالات واجهزة ..

الجملة رح خذ لفة على محلات الشيء اللي انت تبيه وبتلقى مناديب بيع اللي يبيعون عليهم .. تعرف عليهم وتلقى عندهم جملة الجملة ... لان اغلب شركات الجملة ماعندهم معارض معروفه او واضحة .. عندهم مستودعات ومايعرفها الا اللي يدورهم ..


وفيه فكرة حلوة بدون راس مال لكن تحتاج شوي شغل بالموقع ..
( انك تفتح متجر الكتروني .. وتربط موقعك بمواقع كبيرة مثل امازون او اي باي وتكون انت موزع عندهم ويعطونك سعر أقل من سعر المعروض .. واللي يشتري منك يروح الطلب تلقائي لهم ويرسلون الطلبية للعميل وانت تاخذ عمولتك وتدفع لامزون فلوسه )
هذي فيها افكار كثير لكن تحتاج تختار نوع معين من المنتجات عشان ماتصير متشتت


والله يوفقنا واياكم

[مميز الاحساء]

المشاركة الأصلية كتبت بواسطة دبلوم آدارة

ارغب في فتح مجتر الالكتروني موقع وتطبيق
كيف الطريقة وماهي الشركات الموثوقه في هاذا المجال خصوصا الحماية
وكيف اجيب بضائع هل من اسواق الجمله المحلية او من الصين
وهل هناك شركات تعطي بضائع بالاجل
الي عنده معلومات متكامله يفيدني ويفيد غيري وله دعوه

في البداية ما أنصح أنك تعمل موقع وتطبيق , كونكك في البدايات أنشى موقع إلكتروني واذا بدأ مشروعك بالنجاح وكسبت مبلغ رمزي حينها تطور وتوسع بالمشروع ..

طيب كوني لديه خلفية بسيطة عن انشاء المواقع وخلافها

أنا عملت موقعين لأحد الأشخاص وفي سكربت جميل جدا لمن يريد انشاء موقع للتجارة مع العلم السكربت مجاني عليك فقط بالشراء الاستضافة مع الدومين وتقريبا ما يكلفك أكثر 1500 ريال للسنة للأولى مع التركيب السكربت مجاني ولكن الموقع يكون الدفع سنوي ما يقل عن 400 ريال في حال التجديد ..

واذا كان لديك فكرة معينة لموقعك هم أقدر أبحث لك عن مطورين ولكن صراحة غالي طلبهم ..

يعملون لك موقع إلكتروني مع تطبيق ما يقل عن 3000 ريال

باقي التفاصيل لو حبيت تواصل معي ع الخاص وان شاء الله أخدمكك

أما شراء السلع بالآجل وأين تحصلهم حقيقة ماعندي خلفية عنها وبخصوص شراء البضائع العالم حاليا متجه نحو الصين بشكل كبير

وفق الله الجميع

[مميز الاحساء]

المشاركة الأصلية كتبت بواسطة ورود الكاميليا

بالنسبة للتطبيق والموقع

1- يجب ان تشترك استضافة موقع بمساحة من 500 ميقا الى 1 جيجا
( يوجد شركات سعودية كثيرة واسعارها رخيصه مثل : اضغط هنا , اضغط هنا )

2- تركيب برنامج المتجر في الموقع الخاص فيك مع الاعدادات
( يوجد برامج متنوعة من اشهرها واسهلها : اضغط هنا )

ملاحظة تركيب البرنامج والاعدادات والحماية والتجهيز يكون عن طريق شركة الاستضافة ..


لحد الآن تكلفتك ماتوصل ل 1000 ريال

تقدر تفتح سجل تجاري للتجارة الالكترونية لو حبيت تخلي الموضوع رسمي وموثوق .. من وزارة التجارة ..



بالنسبة عاد للبضاعة والكلام هذا .. هنا سر النجاح انك تلقى بضاعة جيدة بسعر ممتاز
مارح احد يعلمك سر نجاحه او يدلك ..

اول شيء تحدد وتختار نوع التجارة الخاصة فيك هل هي كماليات ولبس او جوالات واجهزة ..

الجملة رح خذ لفة على محلات الشيء اللي انت تبيه وبتلقى مناديب بيع اللي يبيعون عليهم .. تعرف عليهم وتلقى عندهم جملة الجملة ... لان اغلب شركات الجملة ماعندهم معارض معروفه او واضحة .. عندهم مستودعات ومايعرفها الا اللي يدورهم ..


وفيه فكرة حلوة بدون راس مال لكن تحتاج شوي شغل بالموقع ..
( انك تفتح متجر الكتروني .. وتربط موقعك بمواقع كبيرة مثل امازون او اي باي وتكون انت موزع عندهم ويعطونك سعر أقل من سعر المعروض .. واللي يشتري منك يروح الطلب تلقائي لهم ويرسلون الطلبية للعميل وانت تاخذ عمولتك وتدفع لامزون فلوسه )
هذي فيها افكار كثير لكن تحتاج تختار نوع معين من المنتجات عشان ماتصير متشتت


والله يوفقنا واياكم

وهم مثل ما تفضلت الأخت ردها كافي ووافي ولكن أختيار مساحة من 500 ألى 1 غيغا غير كافي اذا كان المشروع تجاري

وفق الله الجميع

[املاك خاصة]

المشاركة الأصلية كتبت بواسطة دبلوم آدارة

ارغب في فتح مجتر الالكتروني موقع وتطبيق
كيف الطريقة وماهي الشركات الموثوقه في هاذا المجال خصوصا الحماية
وكيف اجيب بضائع هل من اسواق الجمله المحلية او من الصين
وهل هناك شركات تعطي بضائع بالاجل
الي عنده معلومات متكامله يفيدني ويفيد غيري وله دعوه

اذا تسمع شور اخوك
اترك فكرة الموقع والتطبيق
وعليك بالانيستقرام مع اعلان في احد الحسابات النشطه
افضل بالف مره من فكرة موقع وتطبيق