تأسس الموقع عام 2006
Site was established in 2006


ديوان حلول البطالة

موقعنا والإعلام

حلول البطالة الإمارات

هل أنت مسؤول توظيف ؟

تسجيل الدخول
العودة   حلول البطالة Unemployment Solutions > قسم اصوات واصداء > مشاكلك في العمل

الملاحظات

مشاكلك في العمل هل تواجهك مشاكل و ضغوط نفسيه في عملك اكتب مشكلتك وهناك من يساعدك

لكل مواطن سعودي موظف في القطاع الخاص ضايقه موظف أجنبي ! يذكرها هنا

مشاكلك في العمل

الى جميع شباب البطاله ,,, هذا الموضوع خصيصا لكم نريد ان نعرف مدى تجاوز الأجانب على أبناء الوطن :mad: فكل الرجاء كل موظف خاص ضايقه موظف اجنبي وأنا...

أضف رد
 
LinkBack أدوات الموضوع انواع عرض الموضوع
  #21 (permalink)  
قديم 13-10-2007, 06:35 AM
عضو جديد
 
تاريخ التسجيل: Dec 2006
المشاركات: 16
معدل تقييم المستوى: 36
الطفران يستحق التميز

شووووو طول بااااااالك يازلمه
شو احنا يالزلمات الي مشغلين البلد شوو ابو شكيم

ياشباب الاجانب وخاصه الزلمات يازلمه فيهم لئم وحسد ومعاملتهم سيئه وعايشين احسن من عيشت ابن البلد شوووو يازلمه اذا فيك خير رح لديرتهم وقل حرف واحد ولك يازلمه بيعملوك شاورما عربي يالزمه شوووووو لا ويجيك ينافخ هنا والله حنا في ذل..

والقطاع الخاص تسال نفسك ليش يفضلهم لانه الاجنبي اذا ماعجبهم يقدر يعطيه خروج نهائي اما السعودي في ديرته ..

والي يقولك مصاريف السعودي اكثر قله غلطان الاجنبي راتبه اعلى من السعودي يعني اجنبي معه ثنوي راتبه مثل سعودي معه دبلوم وعلى حسب سياسة الشركه هذا غير تجديد الاقامه والجواز واضافه مولود والتذاكر كل هذي على حساب الشركه..والله يعين يازلمه..


التعديل الأخير تم بواسطة الطفران ; 13-10-2007 الساعة 06:41 AM
رد مع اقتباس
  #22 (permalink)  
قديم 26-10-2007, 11:14 PM
عضو جديد
 
تاريخ التسجيل: Sep 2007
المشاركات: 4
معدل تقييم المستوى: 0
qisimajodi يستحق التميز

والله ياخوي همك مش احسن من همي

رد مع اقتباس
  #23 (permalink)  
قديم 29-10-2007, 11:18 AM
ham ham غير متصل
عضو جديد
 
تاريخ التسجيل: Sep 2007
المشاركات: 34
معدل تقييم المستوى: 34
ham يستحق التميز

يجماعه انا عملت 11 سنه ومر على بحدود خمس شركات الشركه الاوله كان صاحبها لبناني ومسجله باسم تاجر سعودي بس ماله فيها شي مره ولا ريال لنهم البنانين فصلوا ابن عمه ما قدر يسوي شي الشركه كلها لبنانين وهنود وبعض السعودين علشان السعوده بس وطبعا السعودين كانو بوظائف دنى مره مثل حارس عامل وعامل نظافه والله كان في شباب من الاحساء سعودين يعملون عمال نظافه وكانو مصخره لبنانين يصخرون منهم وكان وكان يعملون احتفالات يمنع دخول السعودي والهندي وكان مدير الانتاج لبناني مسيحي يمنع الصلاه في وقتها وكانو يسخرون من الدين الاسلامي لان الشركه يملكها لبناني مسيحي وكان السعودي بس بالاسم وكان في لبناني يقولي ليش تعمل بشركه اجنبيه روح شوف شركه ثانيه انا طبعا قلت له دام الشركه بالسعوديه فانها سعوديه وتتبع النظام السعودي هذي الشركه الاولى الشركه الثانيه كانت ملك اثنين سعودين اخوان يحبون التفاخر طبعا نسبة السعوده عندهم قليله جدا فقامو وسجلو ابنائهم واخوانهم واقاربهم بالشركه وهم اصلا ما يعملون يدرسون بس علشان تزيد نسبة السعوده وكانو يعملون شركات وهميه للحصول على فيز الشركه الثالثه شركا كبرى يعمل فيها هنود برواتب كبيره جدا من خمس الاف على ثلاثين الف مديرنا الان ثلاثين الف ريال هندي الجنسيه يكره السعودين كره ابليس ويحتقرهم احتقار كبير ويحتقر الوضع بالسعوديه مع العلم انه لمى جاء السعوديه كان راتبه ثلاث الف ريال والان ثلاثين الف ريال .

ايش نتكلم ايش نقول خلونا ساكتين احسن لا حياة لمن تنادي

رد مع اقتباس
  #24 (permalink)  
قديم 29-10-2007, 02:01 PM
عضو نشيط
 
تاريخ التسجيل: Jun 2007
المشاركات: 118
معدل تقييم المستوى: 35
سعودي وسط إجانب! يستحق التميز

والله ياشباب ان الأغلبية من السعودين الموظفين في القطاع الخاص يحسون بمعاناة بعض وكلنا عارفين مايكلفه الأجنبى على صاحب الحلال من تذاكر سفر وبدل سكن ورسوم دولة ( كتجديد الأقامه ونقل الكفاله وغيرها ) وبدل لغه حتى للعرب اللى يتكلمون عربي يعطونهم بدل لغه والله مهزله من جد.

في دراسة سوتها احدى الجامعات السعودية ( عن لقطاع الخاص ) يقولون فيها ان مصاريف الموظف الأجنبى في السنة الواحده متوسطها ( 10000)من غير الراتب والموظف السعودى متوسطها (2000 )من غير الراتب الشهرى طبعا بس تأمين طبى وتأمينات اجتماعيه شفتو الفرق طبعا هذا غير البلاوى والتغيرات اللتى تحدث في المجتمع السعودى بسبة هالأجانب ( طبعا لما اتكلم عن اجانب يعنى الغير خليجي مهما كانت جنسيته )

بأذن المولى عز وجل خلال خمس سنوات الجايه مانشوووف ولا أجنبى هنا ويكون كل الموظفين سعودين اصل وفصل ويكفينا شر الأذناب ..

وننتظر ردود البقيه الباقية من الأعضاء


التعديل الأخير تم بواسطة سعودي وسط إجانب! ; 29-10-2007 الساعة 02:03 PM
رد مع اقتباس
  #25 (permalink)  
قديم 17-11-2007, 01:05 AM
عضو جديد
 
تاريخ التسجيل: Nov 2007
المشاركات: 14
معدل تقييم المستوى: 34
لايكل ولايمل يستحق التميز

اها بس معناتي ومعناه صديقاتي بالقسم حنا معلمات بقسم رياض اطفال والمدرسه والاداره للاجانب يطلعون عيونا علشان يبغون يطلعونا تخيلو جلست سنه عندهم وجددت العقد قلت اخذ خبره سنتين احسن لي من اني اتنقل من مدرسه لمدرسه بما انه كل المدارس الاهليه نفس المعاناه المهم من جينا نستلم الراتب اقول وين الزياده قالو مافي زياده قلت لهم انا موقعه عقد كل سنه تزيدون خمسين ريال قالو لي تحسبيين خمسين ريال شويه انتي خمسين والباقين خمسين كم توصل شوف سخافاتهم وشي سويت ماستلمت الراتب خليته عندهم من جاء الشهر الا بعده قلت وين الزياده عطوني بس 25 ريال اقول بس 25 ريال قالو ايه مع راتبي حق الشهر الاول عطوني اياه قالو لاتعلمين احد من الموظفات... شفتو كيق يلعبون علينا حنا يالضعوف انا مابغى الا خبره وبس بس عاد لاتذلونا وحنا بديرتنا والله انا شاكه انه الا تسلمنا الرواتب تسرقه الخمسين حقت كل معلمه ...حسبي الله على كل ظالم.......

رد مع اقتباس
  #26 (permalink)  
قديم 19-11-2007, 03:30 PM
عضو جديد
 
تاريخ التسجيل: Nov 2007
المشاركات: 2
معدل تقييم المستوى: 0
hussain_j يستحق التميز

الله ايعينكم يا شباب السعودية على هالأجانب اللي ما خلوا لنا مكان نشتغل فيه كل ما تروح لشركة
قالك عندك لغة او خبرة والأجنبي يجي باردة امبردة ويشغلونة والسعودي جالس في البيت ينتظر الفرج.

بس حبيت اضيف حاجة ان اغلب الأجانب فيهم خسة ونذالة بحيث لو بقيت اطور نفسك ما يعلمونك ولا يعطونك فرصة نهائياُ والله ايعينة على هالأجانب.


التعديل الأخير تم بواسطة hussain_j ; 19-11-2007 الساعة 03:32 PM
رد مع اقتباس
  #27 (permalink)  
قديم 21-11-2007, 02:13 AM
الصورة الرمزية آه يالقهر
عضو مميز
 
تاريخ التسجيل: Nov 2006
المشاركات: 801
معدل تقييم المستوى: 37
آه يالقهر يستحق التميز

صدقوني أحنا معطين هالأجانب أكبر من حجمهم

وأحنا اللي نستاهل لأننا السبب في تسلطهم علينا

كمثال بسيط عندي في العمل مشرفه أجنبيه والله عندنا كفاءات أفضل منها ..لكن مشكلتنا اننا كنا نعطيها أكبر من حجمها .. كنا أي معلومه جديده أو مشكله نواجهها مباشره نبلغها فيها مع العلم بأنه هالمعلومات اللي أحنا نقدمها لها كانت السبب في ترقيتها
ووالله ما كانت تذكر أسامينا على أي معلومه نقدمها أو على الأقل تشكرنا عليها
بالعكس تقدمها للمسئولين عنا على أنها هي اللي قدمتها
وزي ما قال المثل ( تمسكن لين ما تمكن )
كانت تسوي أنها طيبه وأنها على نياتها .. لين ما طلبو منا أنه نعمل لها تقييم وتثبيتها مشرفه لنا لكن الآن أنكشفت وظهرت على حقيقتها
لدرجه أنها والله صارت تتبلاني بكلام ما قلته حتى أنها كرهت زميلاتي وخلتهم يحقدون علي حسبي الله ونعم الوكيل فيها
وتدقق على شغلي وغير كذا تتصيد أخطائي
وتحاول أنها تضغط علي وتستفزني
مشكلتي أنا هي أني آخذ الآمور ببساطه ,, كموظفه جديده ما عندها خبره وخلفيه عن بعض الأمور الإداريه كنت أعتقد أنه اللي أعمله هو جزء من عملي كموظفه خدمه عملاء واللي المفروض أقدم الخدمه الأفضل للعميل ولكن للإسف كانت هالأشياء مو لصالحي وأستغلتها هالأجنبيه للضغط علي ومحاوله تطفيشي من العمل
المشكله أنها الآن وبكل حقاره حاطتني براسها
وكل شوي مطلعه لي مشكله
اليوم كنت عند مكتب مسئوله القسم وعند جهازها وبالصدفه لمحت إيميل مرسل منها وفيه شكوى ضدي والمشكله مو عارفه وش موضوع هالشكوى ووش هي مخططه علي فيه

والله صرت كل يوم أجي بس أنتظر مصيبه جديده هي مجهزتها لي وحتى أني صرت أكره افتح الإيميل بسببها

أنا كلها فتره وراح اقدم إستقالتي وأرتاح من خشتها العفنه
لإني فعلاً ما عاد اقدر اتحمل ضغوط العمل لإنها أثرت على نفسياً وصحياً
بس أستنى يتحدد لي موعد إجراء عمليه جراحيه ممكن تكون قريبه وحتى يكون عذر يقبلونه في العمل لإنه مكتوب في العقد لازم أخبرهم قبل ما أستقيل بشهر
يمكن تكون هالعمليه بعد شهر ويمكن ست شهور .. والله يعينني أتحمل بثارتها وغثاها لين أفتك منها أو أنها تطس لمكان ثاني

رد مع اقتباس
  #28 (permalink)  
قديم 21-11-2007, 02:31 AM
عضو متواصل
 
تاريخ التسجيل: Mar 2007
المشاركات: 63
معدل تقييم المستوى: 35
RIYADH يستحق التميز

والله انا عنديلكم راي اي واحد يضايقه اجنبي يحط عينه في عينه وماينزلها مهما كان لأن التهاون هو الي خلاهم يسون كذا بالعكس انت ولد البلد غز عينك بعينه لوه مديرك وخذ حقك طالما انت ماشي في السليم والمثل يقول حير عدوك يحتر فيك كاني منيب غلطان بس وربي خذوها ياناس قاعده هذي ديرتنااااااااااا والله مايرفع اجنبي راسه وهو في بلدي لا ادوس عليه بالجزمه الله يكرمكم طالما ان شغلي مااخليت فيه ولا في اي قصور وبعدين ترى مو كل الأجانب بعضهم في بعضهم جاي بس يدور لقمت عيش لعياله وهذا مانحسده بالعكس نزيده ونحتسب الأجر فيه البلى بالي يجي ويصرق ويلعب بالبلد بحيث انه يكسب من نصب واحتيال ويروح لديرته مليونير وهذا الي حاااصل بس زي ماقلت لكم فتحوا عنونكم زين ولا تنزلونها في الأرض خلوا عينكم مرفوعه والمثل يقول بد صياح بصياح تسلم والا والله ياكلونكم خذوها نصيحه بعدين ياناس خلوخم دبلوماسيين مع هالأشكال ممممممممممم والله يوفقكم جميعا <<<<<<<متعود على الشكاوي

رد مع اقتباس
  #29 (permalink)  
قديم 26-11-2007, 01:27 AM
الصورة الرمزية سيدرا
عضو نشيط
 
تاريخ التسجيل: Feb 2007
المشاركات: 151
معدل تقييم المستوى: 35
سيدرا يستحق التميز

معليش انا ابي اقولكم معاناتي مع الاجانب والمصيبه ان المدير واغلب العاملين في القطاع الخاص الي اشتغل فيه اجانب انا اقولكم وش صار معاي

مؤهلاتي افضل من مؤهلاتها بكثير والاخت الي معاي والله ما عندها ما عند جدتي لاكن عندها لسان وطبعا اخذ وحط وغمز ولمز وفلة احجاج مع الرايح والجاي والمدير ما يقدر يستغني عنها من هذي الناحيه ومن ناحيه ثانيه طبعا بنت بلده اشلون يطردها هي عارفه ان شغلها بطئ وعليه ملاحظات وكلامها ومشاكلها واجد لاكن بنفس الوقت ما تبي احد ياخذ مكانها

شوفو وش سوت فيني اولا رافضه تعلمني على الشغل وكل ما اقولها علميني تقول بعدين هاي صعبه هاي ما اراح اعلمك اياها هاي ما راح تمسكينها تقفل الادراج وتاخذ المفاتيح وانا ووجهي اجي الدوام بدري وبنشاط وابي اقدم شي وافرغ الطاقه وحب العمل الي اصحى كل يوم وانا احس فيه والي احلم فيه من يوم تخرجت وطبعا لازم انتظر الين تفتح حضرتها الادراج وابدا اخذ الاختام واشتغل

ثانيا ياناس كذابه وكلامها واجد تبني اسب في اي احد عشان تقوم تفتن علي وتسبني عند المدير واذا شافت اني سويت شي تقول لا غلط وتطلع علي اخطاء في التنسيق واحيانا اذا ما لقت اخطاء تقول عيدها
الحين مر علي فتره وانا معاها ما تعلمت كل شغلي كل ما اقول علميني تقوم تعطيني جداول اكسل يمكن 10 ورقات او اوراق اساسيه عندها نسخ منها في الجهاز لنماذج طلب عاملين او طلب اجازات معقده وتقول عيديها مره ثانيه ويروح وقتي في شي تافه ما اله علاقه بالشغل


انا نفسي اعطي وابدع في شغلي لاكن لمن اشكي دلوني

رد مع اقتباس
  #30 (permalink)  
قديم 27-11-2007, 12:34 PM
عضو متواصل
 
تاريخ التسجيل: Sep 2007
المشاركات: 52
معدل تقييم المستوى: 34
مجموعة يستحق التميز

السلام عليكم ورحمة الله وبركاته

اشكرك جزيل الشكر على الموضوع ...

بالنسبة لمضايقات العمل ..

يعاني كل مواطن سعودي من الاجانب وخاصه القطاع الخاص

لانه يرغب بالاجنبي على المواطن وهذا الامر علني وعلني وعلني وعلني

وللأسف لا حياة لمن تنادي

كمثال

<== انا شغال بشركة بعقد مع ارامكو بالخفجي ..

عانيت الكثير من الامور بالنسبة للأجانب

شركتنا توزع سيارات للموظفين : تستخدم بالعمل وخارج العمل

لكن خارج العمل لابد من موافقه

وسادعني احدهم على الموافق بالاصح جت اموري سهله بفضل الله

سحبت السياره مني لإعطائها الى موظف اجنبي اقل مني درجه و وشهادة

ويشهد الله علي اني افضل من الموجودين بالعمل والحمدلله

بحجة انه أجنبي وانا سعودي اقدر اشتري سيارة ووقتها لم أكن املك سيارة فكلمت المسؤول

فكان رد اكثر ما اقول عنه رد وقح هذا مسكين وانت تقدر تقصد سيارة ؟؟؟؟

ويعلم الله اني لم اكن استطيع ان اشتري تاير وقتها ..

وقبل اعطي الاجنبي السياره وسمح بتصريح بالمملكه كامل ..

واغلب زملائي حصل معهم الامر هذا

يا اخي نشتغل لساعات متأخر احيان .. لكثافة العمل .. يجيك يقولك تدور اوفر تايم ..

الاجنبي اقسم بالله انه فيه بعضهم يطلع من العمل الساعه 3 عصرا وهو المطلوب منه 4

ويسجل اوفر تايم 4 او 5 ساعات

يا اخي فيه اجنبي بأسبوعين ونص 89 ساعه اوفر تايم وهو ساعات العمل الرسمية لم يكملها ..

يا اخي المرضية وين ما كان بالمملكة يتعالج بمستشفى خاااااص يحدد له ..

اما السعودي فمستشفى خاص فااااااشل ولا غيره تبي تبي ما تبي اقلب وجهك

احترام الاجنبي يكون كااامل مهو مثل السعودي وهذا دايم اتشاجر مع المسؤولين علي والسبب هذا ..



فيه علاوات بالعمل الاجنبي يا اخي العيديه عيدية المسلمين وهو بوذي ولا نصراني ولا ماله دين وحنا السعودية مالنا شي ..

الاجنبي يحصل على وجبة غدا بسعر ريالين ونفس الوجبة اذا طلبناها على السعودي 8 ريال

الاجنبي يأتي من دولة لا يفهم شي دبلوم (مكانيك - كهربائي - حاسب - الخ ..) ويجيبونه هنا

يتعلم العمل ويودونه دورات بالهبل لجل يعلم .. والشبااب يقدمون يقولون له ما فيه مكان

انا سامع عباره بأذني سعودي دايم فاشل ..؟؟ ما ادري على اي اساس حكم ..

يا اخي الامر علني وفاضح واغلب المسؤولين يدرون بالامر الي يحصل ..

بس ما يحس بالجمر الى رجل واطيه ..

والله فيه امور كثير لا احصيها لكم برد اصلا يبي لها مواضيع لكي تجميع ...

ذكرتني من كثر ما حرصهم على الاجانب أذكر اني كنت بالإردن وتهاوشت مع فلسطيني

قال له عباره ... = السعودين (( كلمة اقذر )) بدهم مية سنه قدام لحتى يصيرو ((حميــ))

هذا كان شغال بشركة ارامكو بالخفجي لمدة أكثر 20 سنه وبعدها راح الاردن استقال وجلس هناك 2 بعدها جاه عقد بنفس الشركة بنظام العقود ههههه هو وابنه ((وما زلنا نرى شعور الاجنبي))

وفي مدير من مدراء الدوائر ثبت أجنبي فلبيني وهندي وسأله السعودي وانا يا ابو فلان

قال يجيك رزقك ولا شاف رزقه الى يومكم الكلام هذا له سنتين .. بعدها الهندي جته الجنسية الكندية وشركة احسن وراتب افضل في كندا دخل على المدير هذا والمدير مضبطه قاله
You areVery good exampel for failed manager
يعني : انت مثال جيد جدا للمدير الفاشل السيء


لكن ما اقدر اقول الى

الله المستعان والله يكون بالعون


التعديل الأخير تم بواسطة مجموعة ; 27-11-2007 الساعة 12:37 PM سبب آخر: تعديل كلمة
رد مع اقتباس
أضف رد

(( لا تنسى ذكر الله ))


مواضيع ذات صله مشاكلك في العمل

مواقع النشر (المفضلة) وتحتوي على WhatsApp لإرسال الموضوع إلى صديقك


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة





الساعة الآن 03:43 PM


Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين