عملي الجديد

[manahel]

السلام عليكم
انا تخرجت من الجامعه الترم الاول اللي راح جلست ابحث عن عمل ورحت لطاقات وياليتني مارحت لاوظايف سنعه وازعاج المهم بعد مارحت باسبوع دقو علي نادي رياضي قالو تعالي رحت ووظفوني الحمدلله يارب من السبت موظفه استقبال المهم دوره طاقات الاولى مارحت لها قبل واعتذرت للموظفه ان ابوي عنده موعد حددت لي دوره ثانيه ولارحت بعدين اتصلت علي قالت شخبار الدوره ؟ قلت ماحضرت لاني توظفت قالت كويس بس كان قلبي ناغزني ولاابي اعطيها معلومات اخذت شوي معلومات مثل كم الراتب ساعات العمل المسمى الوظيفي بعدين قالت تمريني الصبح اضبط ملفك قلت ليه قالت اذا كملتي سنتين عندهم لك مكافاه الجديه في العمل 24 الف قلت حتى لو مو عن طريقكم قالت اي عادي وقالت لاتعلمينهم بشي وفي سريه ودام العمل نظامي لاتخافين من شي عندك العقد ؟ قلت هم ماعندهم عقود هم عطوني مباشره عمل قالت في ختم ؟ قلت اي قالت ممتاز لما تاكدت لقيت مافي ختم المهم قال ابوي خلاص روحي للمديره تختم لك وعطي خبر لموظفه طاقات قلت طيب اتصلت على طاقات وقلت لها قالت ارسلي لي الصوره في الواتس على الرقم اللي بكلمك منه ارسلته قالت مايعتبر مافي ختم ولاشعار المركز وعلى طول حظر في الواتس مدري هي تخاف انه ارجع اكلمها ولاقالا ذي ماعندها جديه ابدا او تتحايل وتكذب علينا كنها موظفه لان رفضت اعطيها رقم الاداره ولاانها تراسلهم حتى
زبده كل هالكلام انا خايفه انه يخربون علي بشغلي الجديد مثلا يتصلون عليهم ويقولون ليه ماعندكم عقود ويقول ابوي بعد انه لهم عموله اكيد ويبون من النادي عموله ولا وش كل هالاهتمام ؟!!!
انا مره خايفه المديره شديده واخاف يصير شي ويطردوني لاسمح الله الله لايقوله
انا ماابي منهم ( طاقات ) ولاشي لامكافاه جديه العمل ولاحتى وظايفهم ولاحتى حافز البحث عن عمل ولاابي غير انهم مايخربون علي وظيفتي

[فضل]

الافضل لك ان يكون العقد على ورق رسمي ويكون مختوم

[مترجمه منسقه]

مادري خلنا نحسن الظن يمكن هي مختصه تتابعك قانونيا تنصحك وكذا
وانه وهذا جوالها الخاص عشان كذا سوت بلوك

اذا بنسيء الظن نقول ان الموظفات يشتغلون لحسابهم الخاص مثلا تقول للشركات بوفر لكم مقابلات ولما توظفون وحده لي نسبه.

انا ماعرف وش نظام طاقات بالضبط انتي خليتيني افكر الان وش نظام تعاقدهم مع الشركات هل ياخذون نسبه او ايش ويمكن هذي الموظفه بدت تخالف انظمه مثلا لانها لقت مجال. ماعندي فكره

شيكي في موقع التامينات وش مسجل وكم الراتب
وشيكي على موق الموارد هل تم دعمك من صندوق الموارد

[منتم]

لا تخافي مافي شيء
الواضح الموظفة تبي تقول لمرجعها انها جابت لك الوظيفة
عن طريق طاقات
و بنفس الوقت يمكن المكان اللي توظفتي فيه
بياخذ دعم او بتحاول تقنعهم انهم ياخذوا دعم من طاقات
https://www.taqat.sa/web/guestemploy...mental-support
الدعم الإضافي للأجور

مقدمة

الدعم الإضافي للأجور هو برنامج يقدم دعمًا ماليًا يعادل نصف راتب الموظف السعودي، بحد أقصى يصل إلى 4000 ريال شهريا، ولمدة تصل إلى 4 سنوات، وذلك للمنشآت الواقعة في النطاق البلاتيني أو الأخضر، أو المنشآت الصغيرة جداً (9 موظفين فأقل).
يمكن للمنشأة ربط 20% من إجمالي الموظفين السعوديين على البرنامج إذا كانت ضمن النطاق البلاتيني، أو ربط 15% منهم إذا كانت المنشأة ضمن النطاق الأخضر. أما المنشآت الصغيرة جدا فيمكنهم ربط موظفين سعوديين اثنين.
و بالنسبة لك انتي
بتحصلي دعم و هذي شروط الدعم
https://www.taqat.sa/web/guest/job-commitment-bonus
اذا كنتي بتاخذي حافز او اول وظيفه لك بعد حافز

[mol88]

أولا: اقدر أن هذا العمل الاول لك ولكن اعتبريه نقطة في عالم النصب في القطاع الخاص لازم تعرفي أن عملك لازم يكون على اسس أو تضعي نفسك في سلسلة مشاكل وضياع حقوق في النهاية عقدك +تسجيل في التأمينات +حقوقك مكتوبه وليس وعود في الهواء وإلا ستكون عليك مشكلة اعطوني وليس من حقك واثبتي وفي هذه الحالة الخسارة عليك .
طاقات جهة تابع لوزارة العمل ولا تأخذ عمولة ولا حاجة
تتواصل معاك لانها تابعة للوزارة وهذا عملهم لانها مشرفة على مجموعة وانت عندما ارسلتي لها وضحتي لها تلاعب المكان واكبر حاجة ستقوم بها تفتيش والمفترض تفرحي أن الله وضح لك تلاعبهم من البداية ُلانهم سيتعبوك مستقبلاً اللي اوله تلاعب اخر مصائب .
وفي النهاية هي ستأخذ جولة من خلال وزارة العمل تفتيش عليهم ويغرموهم وممكن ما تعمل ولا حاجة معاهم من الاصل.
الله اراد يكشفهم وينقدك حاولي تاخذي عقد واسألي من قبلك عن وضع المكان ستجدي الموضوع مصائب كعادة الشركات .