الحل ربي يجزاكم الجنة

[أم المى]

السلام عليكم ورحمة الله وبركاته
اول شي اخواني اخواتي انا انسانه مطلقه صار لي الحين 9 سنوات وعندي من طليقي 4 اطفال بنتين وولدين
تطلقت وهم صغار وربيت وكبرت وعلمت من كان بنتي صف اولى ابتدائي الى الحين بالثانويه والى اصغر منها بالمتوسطه
والباقي ابتدائي سادس ورابع ومازلت اكافح ومازلت صامله ..مع العلم ان ابوهم ماصرف عليهم مدة خمس سنوات وبعدها 700ريال للاربعه بالقوه بعد لاني طحت في شيخ ظالم بس حسبي الله ونعم الوكيل
المهم دارت الايام واخذ العيال وصارت معه مشكله معه انه عنفهم لدرجة تقشعر له الابدان من ضرب وحروق بالدخان
واخذهم بحكم الزياره لجدتهم لان زوجته ترفض يدخلون بيتها لانها تقول البيت لي او لهم وهو السبيكه مايقدر يدخلهم بيته بناء ع تعليمات الست هانم المهم يوم جتني بنتي محروقه بالدخان في ايديها واخوها مشوه الوجه بالضرب اخذتهم للمستشفى وبلغت القسم اللي بالمستشفى وفحصوهم وطوالي ارسلو الاوراق اللي القسم التابع للحي اللي ابوهم ساكن فيه وانا صورتهم واحتفظت بالصور طبعا صور التعنيف وكذا وانسجن ابوهم رغم انه جاء بلبس العسكريه قالوله اقعد هنا الى احد من اهلك يجيب لك ملابس وبعدها اتصلو وقالو انه في هيئة الادعاء العام المهم تحقيق وكذا وبعدها طلع بكفاله بس مازالت القضيه معلقه مدري وش صار فيها ..
وبعدها مسك الولد ضربه الين غمى عليه ويوم عرفت بالسالفه اخذ الولد وخباه ولا دريت عنه مدة اسبوع حتى المدرسه ماراح لها هالفتره وبلغت دار الحمايه لان الشرطه قالو مانقدر نسوي شي لان الولد مادري صدق فيه شي ولالا
ودار الحمايه اشتغلت ع الموضوع وبالقوه الجبريه طلعو الولد من بيت جدته ل ابوه ومسكو ابوه بس ماطلع الولد الا بعد اسبوع خلاص صاير بخير مبدئيا واللي يقهر انه ماقدر يقول ايه كلام امي صحيح نكر بحكم التهديد والوعيد ويكتب ابوه تعهد ع نفسه وان الولد لو تجي شكوى ثانيه عنه بيدخلونه السجن غير المعاناة اللي ياخذهم يسفرهم من مدينه لمدينه وانا الحق وراهم من مدينه ل الثانية لانهم صغار
واخرررر شي جت زوجة ابوهم ورمتهم عند الباب وتوكلت ع الله واخذت عيالي عندي وللحين عندي
ولا عليهم قصور ربي يرزقهم وهم في بيتهم ..مع العلم انهم تعرضووووو لتحرش من قبل عمانهم اخوان ابوهم لانهم يروحون زياره لجدتهم ام ابوهم لانها انسانه تصارع المرض الخبيث وماابي امنعهم من زيارتها عشان حالتها الصحيه...
وخلاصة الكلام جا وقت اني اتزوج ل اصرار امي عليا بالزواج لاني حسب قولها صغيره ولازم اتزوج وابي شوركم في الموضوع هل يستحق اني اعطي العيال ابوهم او اني اخليهم معي او اخليهم عند امي ؟؟لاني صراحة ما أمن احد غير نفسي عليهم وابي شوركم واحترم ارائكم
ربي يوفقكم جميعا وشكرا لكم

[محمد البلادي]

وعليكم السلام
من الظلم عودتهم لأبوهم الافضل هو وضعهم عند والدتك واذا بالامكان تأخذي رأي زوجك ليكونوا بجوارك ويعيشوا معك
وهذه فتوى
http://fatwa.islamweb.net/Fatwa/inde...twaId&Id=42029
وهذه الفتوى الثانيه
http://fatwa.islamweb.net/fatwa/inde...waId&Id=158205

واقترح عليك ان تستخرجي صك اعاله لأبناءك وبناتك بناء على الشكوى على المحكمه وبموجب استدعاء منك وتفيدين فيه ان الاب غير صالح لتربيه ابناءه وتطلبين مخاطبه هيئه التحقيق والادعاء العام لموافاة المحكمه بمالديهم من معلومات عن القضيه وكذلك اذا وجدت تقاريرمن الافضل وبناء على الصك تستطيعي ان تقدمي للبنات في الضمان والاولاد اذا لم يبلغوا سن ال 26

[ام ابناءي]

الله يصلح حالك واحوالك يارب لكن اسمحيلي اقولك انك كبيره وفاهمه وامك مالها حق تجبرك على شي الا اذا انتي راغبه فالزواج خصوصا انك جلستي 9 سنوات وصبرتي وربيتي على قولتك وعقب هالمده وبعد مرمطة عيالك وبهذلتهم وتعذيبهم تبين تتزوجين وترجعينهم للعذاب ؟؟ بصراحه قمة الظلم بعدين اش عرفك ان امك ممكن تتحملهم وبرضو ايش يضمن لك ان الزوج الثاني راح يحن عليهم ؟؟ بالعكس يمكن تحملين منه وتجيبين ضحايا جدد انا مابي احطمك او اعطيك نظره سوداويه عن مستقبلك انتي وابناءك بس احب اقولك فكري وفكر وفكري ماعتقد فيه شي اغلى من عيالك لاتضحين فيهم عشان اصرار امك او غيرها انتي اللي حملتي وانتي اللي ربيتي وانتي اللي تعبتي كملي جميلك وعيشي لعيالك وزوجيهم وافرحي فيهم ادري بيجيني هجوم وانوو من حقها تتزوج هذا زوجها تزوج مافكر فعياله اوك لكن اذا هو ظالم ومجرم لاتصير هي مثله وتتخلى عنهم وهم فعز حاجتهم لها بصراحه من بعد سالفة الرجل اللي قبل مده خذ ولده من المدرسه وقتله بدون رحمه عشان يحرق قلب امه بعد ماتزوجت وانا خلاص معاد عندي ثقه فبعض الاباء يعني زوجك مجرم وماله امان ودايما القضاء فصف الرجل

[كاتب مستقل]

الي جانب رأي اخي المنتصر بالله فانني ارجو ان تزيدي الاستخارة فهي عبادة عظيمة وفيها انشراح الصدر لاي امر .ومن حقك الزواج بلا شك ولكن لابد من الوضوح والصراحة معه بكل شئ ونسال الله ان يوفقك وان يكتب لك الاجر وان يرزقك الزوج الصالح ويبارك في اولادك واولاد المسلمين ..
وابشري فمع الصبر الفرج

[أم المى]

المنتصر بالله
شكرررااااا على مرورك واطلعت ع الروابط التاليه ربي يجزاك الجنة

[أم المى]

المشاركة الأصلية كتبت بواسطة ام ابناءي

الله يصلح حالك واحوالك يارب لكن اسمحيلي اقولك انك كبيره وفاهمه وامك مالها حق تجبرك على شي الا اذا انتي راغبه فالزواج خصوصا انك جلستي 9 سنوات وصبرتي وربيتي على قولتك وعقب هالمده وبعد مرمطة عيالك وبهذلتهم وتعذيبهم تبين تتزوجين وترجعينهم للعذاب ؟؟ بصراحه قمة الظلم بعدين اش عرفك ان امك ممكن تتحملهم وبرضو ايش يضمن لك ان الزوج الثاني راح يحن عليهم ؟؟ بالعكس يمكن تحملين منه وتجيبين ضحايا جدد انا مابي احطمك او اعطيك نظره سوداويه عن مستقبلك انتي وابناءك بس احب اقولك فكري وفكر وفكري ماعتقد فيه شي اغلى من عيالك لاتضحين فيهم عشان اصرار امك او غيرها انتي اللي حملتي وانتي اللي ربيتي وانتي اللي تعبتي كملي جميلك وعيشي لعيالك وزوجيهم وافرحي فيهم ادري بيجيني هجوم وانوو من حقها تتزوج هذا زوجها تزوج مافكر فعياله اوك لكن اذا هو ظالم ومجرم لاتصير هي مثله وتتخلى عنهم وهم فعز حاجتهم لها بصراحه من بعد سالفة الرجل اللي قبل مده خذ ولده من المدرسه وقتله بدون رحمه عشان يحرق قلب امه بعد ماتزوجت وانا خلاص معاد عندي ثقه فبعض الاباء يعني زوجك مجرم وماله امان ودايما القضاء فصف الرجل

اشكرك جزيل الشكر وفكررت ووصلت لحل ان عيالي اهم من اي شي بالدنيا واستخرت والخيره فيما اختاره الله
وبقعد لعيالي واللي الله كاتبه بيصير بس زواج لالالالالالالالالالالا عيالي اولى فيني
وامي راح ارضيها بطريقتي مع انه صعب لانها ماترضى بسرعه
جزاك الله كل خير

[أم المى]

المشاركة الأصلية كتبت بواسطة كاتب مستقل

الي جانب رأي اخي المنتصر بالله فانني ارجو ان تزيدي الاستخارة فهي عبادة عظيمة وفيها انشراح الصدر لاي امر .ومن حقك الزواج بلا شك ولكن لابد من الوضوح والصراحة معه بكل شئ ونسال الله ان يوفقك وان يكتب لك الاجر وان يرزقك الزوج الصالح ويبارك في اولادك واولاد المسلمين ..
وابشري فمع الصبر الفرج

استخرت والحمدلله
عياااالي عيااالي عيااالي
خله يولي عريس الغفله