♒♒ عـــظـــيـــم انــكـــســـاري ♒♒

[مكتفي خيبه]

نسمة الفجر .. صدري كان جداً رحيب
بس جيتي .. وذكرتيني ابهمسها

يوم كنت أحسب إن الجرح هذا عطيب
لهفتي .. لا خذاها الوقت في درسها

كيف بالي : يواصلها ومعها يغيب ؟!
سالفة اني أنساها يقول : ( انسها )

هقوة الحب ما خلّت زماني يجيب
( وردةٍ ) بشرتني خير في غرسها

شفت نفسي بَعَدها من حزين لصويب
وهيّ.. شافت على كل النساء نفسها

من مشت انتظرت الشمس عقب المغيب
واثر حتى هذيك الشمس .. هي شمسها

من غلاها حسبت اني لبكره حبيب
وراح بكره وخلاني معَ : أمسها

ومن عظيم انكساري يوم جاها النصيب
حزّة العرس ؛ عيّتْ تكشخ بعرسها

[محمد العبيدان]

من غلاها حسبت اني لبكره حبيب
وراح بكره وخلاني معَ : أمسها

ومن عظيم انكساري يوم جاها النصيب
حزّة العرس ؛ عيّتْ تكشخ بعرسها


اهنيك على كلماااات تسلم ايدك