مطلقة وولدي لازم اسجله مدرسه

[ضايقة بالحيل]

السلام عليكم ورحمه الله وبركاته

اخواني حابه استفسر الي ف وضعي اش تسوي

سجلته حاليا ف نظام نور وطلع لي مدرسه الي فيها ولد خالته

لحد الحين كل شيء تمام

رسلت لطليقي يعطيني الاصول الي هي كرت العايله وشهاده الميلاد ودفتر التطعيمات

رد وقال لي انه سلّم كرت العايله للاحوال واني لازم اسجله بصك الطلاق !!

هل كلامه صحيح ؟؟

بالله لو اتسلم كرت العايله كيف بالله يثبت نسب ولده ؟؟؟

اذا بطلع سجل اسره لأني مطلقة ف ماينفع لأني مقيمه ولست سعوديه !!

(( اذا موضوعي ف المكان الغلط انقلوه ف المكان المناسب فضلا لا امرا لأن مشكلتي مدري ف اي قسم اكتبها لقيت انسب شي الضمان لأن الغالبيه مطلقات فيه الله المستعان ))

[ام مرضي]

مابتقدري تضيفي الولد بصك الطلاق دامك مو سعوديه
الكلام هذا فقط للسعوديات لاتحاولين في الموضوع انا قبلك سويت المستحيل عشان
اثباتات ولدي بس دام ماني سعوديه ماقدرت اخذ شي الا صوره من كرت العايله
شوفي انت اطلبي طليقك صوره من كرت العايله وصوره من شهاده الميلاد وكرت التطعيم
اصلامابيطلبون الاصول بس تحطين الاوراق المصوره في ملف اخضر وتصورين ولدك كم صوره وبس
اانا ولدي بيدرس وبيسجل وبشوف وش يصير معاه واخبرك
نصيحه لاتطلبين الاصل من كرت العايله لانه راح يرفض فافضلك تكتفين بالصوره
انا لي تجربه مريره في اوراق ولدي لكن الحمد لله الصوره تكفي

[وفاء خالد]

طليقك كذاب اصلا كرت العائله ماينسحب لان موجود عنده طفل هذاك لو كان ما عنده اطفال افضل شي ارفعي عليه قضيه بالمحكمه لتسليمك الأوراق الثبوتيه ولا كذا ما راح تقدرين تسجلين الولد او كلميه وقولي له انا استفسرت وقالو لي غير صحيح طليقك عنده ولد ولازم يكون موجود بكرت العايله وله سجل مدني كيف انت تقول ما عندي كرت عائله حتى حنا السعوديات ترى ما تقدر نسجل اطفالنا بالمدارس الا بكرت العائله صوره منها ولازم يطبقون عليها الكرت الأصل حتى اذا تبغين تطلعين سجل عائله للامهات من شروطهم الولد مسجل في كرت العائله للاب والله يعينك عليه

[ام مرضي]

اقولك المختصر وش تسوين
روحي عند اي قاضي واطلبي منه خطاب موجه من المحكمه الى الاحوال المدنيه
بحيث يعطونك صوره مختومه بختم طبق الاصل من كرت العايله او برنت تراجعين به اي دايرة حكوميه
واطلبي من طليقك صور من الاوراق اللي تبينها
شوفي القضيه لو ترفعينها القاضي بيحكم لك بصوره من الكرت
انا سويت قضيه بالاوراق قال القاضي الاصل من الكرت لابد يبقى مع الاب
انت احمدي ربك انه قالك ان الكرت بالاحوال انا قال لي ان الولد اصلا غير مضاف
بالكرت وبغى يحلف بذا الشي لك الحمد لله على كل حال
انت حاولي تفهمين اهلك ان تطلبين من القاضي خطاب للاحوال من كرت العايله حق الاب واذكري وش اسم الاب مع السجل المدني حقه
الله يوفقك ويسهل امرك
حسبي الله على كل ظالم

[ضايقة بالحيل]

ي جماعه عندي صورة من كرت العايله انا لكن المدارس احيانا يطالبون بالاصل ويطابقونها

[محمد البلادي]

المشاركة الأصلية كتبت بواسطة ضايقة بالحيل

السلام عليكم ورحمه الله وبركاته

اخواني حابه استفسر الي ف وضعي اش تسوي

سجلته حاليا ف نظام نور وطلع لي مدرسه الي فيها ولد خالته

لحد الحين كل شيء تمام

رسلت لطليقي يعطيني الاصول الي هي كرت العايله وشهاده الميلاد ودفتر التطعيمات

رد وقال لي انه سلّم كرت العايله للاحوال واني لازم اسجله بصك الطلاق !!

هل كلامه صحيح ؟؟

بالله لو اتسلم كرت العايله كيف بالله يثبت نسب ولده ؟؟؟

اذا بطلع سجل اسره لأني مطلقة ف ماينفع لأني مقيمه ولست سعوديه !!

(( اذا موضوعي ف المكان الغلط انقلوه ف المكان المناسب فضلا لا امرا لأن مشكلتي مدري ف اي قسم اكتبها لقيت انسب شي الضمان لأن الغالبيه مطلقات فيه الله المستعان ))

وعليكم السلام
اختى اذا الصور معاك ضعيها بملف وخذي الكشف الطبي من المدرسه واكملي اجراءات الكشف الطبي احتمال يطلبون الاساس واحتمال لا وسلميهم الاوراق اما اذا المدرسه طلبوا منك الاساس عندها هناك حلول
الأول اما انك تتصلي على والد زوجك او امه او اخته واذا لايوجد اي بني ادم يكون قريب له وتفهمينهم ان هذه الاوراق الاساسيه مطلوبه لاكمال اجراءات التسجيل
الثاني اذا لم تستفيدي من الحل الاول استشاره محام ليضع لك الحل الشرعي وهل المحكمه تقبل باصدارصك اعاله لك من عدمه
قضيه ان الاحوال اخذت من والده سجل الاسره فهو غير صحيح وواضح ان زوجك السابق يريد المماطله على حساب مصلحه ابنه
كان الله في عونك

[وفاء خالد]

شفتي أختي انتي عندك الدليل ع كذبه هو صورة كرت العائله اللي مسجل فيها الولد وانا اقولك ع اللي يسونه الأمهات المطلقات بعضهم يروحون المحكمه وطبعا يأخذ لها وقت يعطونك موعد وع حسب حضور القاضي وبعضهم يروح الاماره ويحولون المعامله ع الشرطه ويطلبون الأب بالحضور 3 مرات اذا ما حضر اسحبوه بالبحث بالقوه واذا حضر بالقوه ما يطلع من التوقيف الا مسلم كرت العائله الأصل وشهادة الميلاد الاصل وشهادة التطعيم وهذا افضل حل لأني سحبت طليقي عن طريق الشرطه وترى المحامين مايفتحون فمهم الا ب 500 ريال ولا يفيدون بشئ وانتي تقدرين الان تسجلين الولد بصورة كرت العائله تسجيل مؤقت الى ان تجبرين طليقك بتسليم الأصول وانا سجلو بنتي الثانيه مؤقت الين سحبت ابوها بالقوه والله يعينك ويسهل امرك

[رفيعه الشان]

اختى انا سجلت بنتي في المدرسه بصوره من كرت العائله وشرحت لهم وضعي وماقصرو طلبو الصوره وكمان بطاقتي الشخصيه الاصل وصوروها والحمدالله