مشروع ناجح 100% برأس مال لايزيد عن 3000 ريال للشباب العاطلين اللي ( معه ) ددسن/هايلكس

[المكتشف1]

السلام عليكم ورحمة الله وبركاتة
اسف على التاخير
المشروع كنت اشتغل فيه قبل 9 سنوات تقريبا

انا من الرياض كنت اشتغل في الخضار والفواكه وابيع على سيارة في الشوارع
من كثر ما اجي سوق العزيزية في الرياض حق الخضار كنت اقابل بعض اصحاب محلات الخضار والفواكه من خارج الرياض
من اهل المناطق القريبة مثل سدير وحريملاء ورويضة العرض الى اخره وبعد كونت معرفه معهم عرضت عليهم اني اشتري الخضار والفواكه لهم واوصلها لهم في مناطقهم وهم عند اهلهم بدال زحمة الرياض والمشوار.... اللي كان في سدير كنت اشتري الخضار والفواكه على حسابي و اوصلها له بـ 500 صافي في جيبي .. طبعا هو يدفع حق الخضار والفواكه بعد ما اوصله الطلب .... لكن قبل كل شي لازم تاخذ خبرة في الخضار عشان ماتجيب لهم خضار وفواكه جودتها غير جيدة ( مهيب زينة بالعاميه هههههه ) الله يديم علينا النعمه

انصح اللي بيشتغل فيها

1- اهم شي الامانه ومخافة الله ( لا تسوي نفسك ذكي لهم معارف في السوق ويعرفون اسعار الخضار والفواكه بالجوال لو حاوولت تزيد عليهم في السعر ... راح تخسر ثقتهم فيك )

2- الاستمرار معهم مهما كانت اشغالك ... انتبه تشتغل على مزاجك اسبوع واسبوع لا ... ماراح يوثقون فيك

3- انصحك هايلكس او ددسن ولو تكون ديزل يكون افضل ... تروح وترجع بتانكي واحد 20 ريال

4- لو بغيت تشتغل لحسابك الخاص شوف اسواق المناطق مثلا سوق الرويضة اعتقد اذا ماكنت ناسي يوم الخميس لو تحمل كمية وسط من الخضار والفواكه وتجيهم بدري بتلقى خير ان شاءالله (رأس المال مايزيد عن 1500 الى 3000 اذا السيارة كبيرة )
5- اذا ماقدرت تصرف الكمية كلها ... الباقي منها ممكن توزعها على محلات الخضاروالفواكه والبوفيهات اللي بالمنطقة او على اسواق المحطات وانت راجع للرياض او لمدينة اللي انت ساكن فيها

## اتمنى الدعاء لـ والدي و عمي رحمهم الله توفوا قبل مده .. الله يرحمهم ويسكنهم فسيح جناته ويغفرلهم ماتقدم وما تأخر من ذنبهم ##


والسلام عليكم ورحمة الله وبركاتة

اي استفسار حسب ما اكون متواجد و انتم تامرون امر ما تطلبون



.
.
.
.

للأمانة منقول: https://www.btalah.com/showthread.*****..#ixzz4dkObz7rW

[المكتشف1]

اتمنى من المشرفين تعديل العنوان واضافة ( معه )

مشروع ناجح 100% برأس مال لايزيد عن 3000 ريال للشباب العاطلين اللي ( معه ) ددسن/هايلكس

[فكرة و تنفيذ]

ماشاء الله عليك
واضيف اضافة .. الجح موسمه الان بدأ وبالشوارع خصوصا بالاحياء الراقيه وسعودي ان شاء الله ماعلينا خوف

[ياقلب اصبر]

اماشاء الله

[المكتشف1]

المشاركة الأصلية كتبت بواسطة فكرة و تنفيذ

ماشاء الله عليك
واضيف اضافة .. الجح موسمه الان بدأ وبالشوارع خصوصا بالاحياء الراقيه وسعودي ان شاء الله ماعلينا خوف

الجح فيه خير كثير ... فيه واحد مره قالي في سوق الخضار انه طلع في موسم واحد 3 شهور تقريبا
( 45 الف صافي ) من غير اكله ومصاريفه
.................
لكن اذا كنت بتوصل خضار لعملائك وتستمر معهم الشغل معهم افضل لأن ( الجح موسم وينتهي ) والعملاء يعتبرون لك دخل ثابت اشرط لك مراح يقل دخلك معهم عن 8 الاف بأقل احتمال في الشهر اذا اجتهدت

طبعا الاسعار سنة 2008 و 2009 كانت ارخص من ناحية المشوار لأن الكفرات واسعار البطاريات الى اخره اقل من الاسعار الحاليه

اعتقد المشوار الان ما يقل عن 700 الى 900 .... لكن ( الشغلة يبي لها واحد نشيط ) يصلي الفجر في سوق العزيزية عشان ماتجي الساعة 8 الصبح الا وهو محمل السيارة ومتوكل على الله للديرة اللي يبي يوصل لها الخضار

[$ falosa $]

مشوع مميز
شكرااا ع تجربتك

[المكتشف1]

المشاركة الأصلية كتبت بواسطة ياقلب اصبر

اماشاء الله

جزاك الله خير

[المكتشف1]

المشاركة الأصلية كتبت بواسطة $ falosa $

مشوع مميز
شكرااا ع تجربتك

حياك الله

[malikseenan]

المكتشف1 هل استطيع العمل من الرياض الى الشرقية حيث أخذا كمية بطاطس او كمية جزر بسعر الجملة وأبيعها في الشرقية
هل تصلح العملية أرجو الافادة

ولكم جزيل الشكر

[المكتشف1]

المشاركة الأصلية كتبت بواسطة malikseenan

المكتشف1 هل استطيع العمل من الرياض الى الشرقية حيث أخذا كمية بطاطس او كمية جزر بسعر الجملة وأبيعها في الشرقية
هل تصلح العملية أرجو الافادة

ولكم جزيل الشكر

الله يحييك

الصراحة ما جربت الشرقية والشرقية كبيرة مدري اي مدينة تقصد فيها ..؟

ما انصحك بالبطاطس لان ماعليه طلب كثير

لكن اذا الكمية الكبيرة بتشتغل لحسابك وتبيع في الشوارع نوع واحد بس .... لا تاخذ الا جح ( حبحب ) او خضار مشكله مع فواكه ....... لكن ركز على ايام الاسواق اللي عندكم بالشرقية لأنك اذا وافقت يوم السوق راح تبيع اكثر كميه من الحموله واللي يزود تفرقه على المحلات او تبسط في اي شارع لين تصرف الباقي