تأسس الموقع عام 2006
Site was established in 2006


ديوان حلول البطالة

موقعنا والإعلام

حلول البطالة الإمارات

هل أنت مسؤول توظيف ؟

تسجيل الدخول
العودة   حلول البطالة Unemployment Solutions > قسم اصوات واصداء > الفساد والجــريمة

الملاحظات

الفساد والجــريمة لا يقبل المواضيع الجديدة

اجنبي نصب علي بمليون وسبعمائة الف ريال والصدفه جابت راسه

الفساد والجــريمة

بسم الله الرحمن الرحيم السلام عليكم ورحمة الله وبركاته يأخوان شأت الاقدار قبل حوالي ثلاث سنوات ان تجمعني بشخص اجنبي حيث انني كنت اشتغل كداد ;)...

موضوع مغلق
 
LinkBack أدوات الموضوع انواع عرض الموضوع
  #1 (permalink)  
قديم 25-11-2012, 04:02 AM
(عضو لم يقم بتفعيل عضويته)
 
تاريخ التسجيل: Sep 2012
المشاركات: 10
معدل تقييم المستوى: 0
الموئيد يستحق التميز
Thumbs down اجنبي نصب علي بمليون وسبعمائة الف ريال والصدفه جابت راسه

بسم الله الرحمن الرحيم

السلام عليكم ورحمة الله وبركاته

يأخوان شأت الاقدار قبل حوالي ثلاث سنوات ان تجمعني بشخص اجنبي

حيث انني كنت اشتغل كداد (لموزين ) وركب معي يريد القصيم جاي من الرياض

المهم وحنا مع الخط تخبرون مع السواليف جلس يسب كفيله ويريد كفيل جديد وقال انه مرتاحلي ووده
يتشارك معي بمشروع النص بالنص قلتله وش المشروع قالي بوفيه بالصناعيه المهم قلتله ماعندي
فلوس قال انقل كفالتي لك ونا افتح البوفيه وعطيك بالشهر 1200 ريال قلت تم المهم بعد ماوصلته
تواعدنا وخذ رقمي بعد تقريبا اسبوع دق علي وقال تعالي الصناعيه ووراني محل لتقبيل شراه هو
وقال ابي اسجله بسمك رحنا مكتب عقاري وسجل العقد بسمي من البائع وعطاني خطاب نقل
كفاله من كفيله موجه لي المهم اتفقنا اسوي لمكتب خدمات عامه وكاله مني لاستخراج تراخيص البوفيه والسجل التجاري ونقل الكفاله له المهم جاب لي اسم المكتب وسويت الوكاله وعطيته من شان يعطيها المكتب المهم اتفقنا كل شهر يحول الفلوس بحسابي
وكان يحول كل شهر 1200 ريال كل شهر وبعد مرور ثلاث سنوات قابلت واحد من الشباب بالاستراحه
توه متوضف بالبلديه ويسولف معي عن الوضائف وقلت له اني ادور وضيفه جلس يضحك بخبث
قال انت خلك على تجارتك وربي احسن لك من الوضيفه قلت اي تجاره قال علينا وجالس يضحك ويقول انت هامور كبير وماشالله عليك تشتغل ولا احد يدري عنك قلت يارجال والله انه ذابحني الفقر قال طيب ومحلاتك الي بشارع الصناعه البضاعه الي في المحل الواحد فوق 250 الف
الشباب نقزت عيونهم قلت انت سكران قال لاوالله انت هامور قلت تحاققني من تيس قال
تم ركبت معه بسيارت البلديه الرسميه وجينا المحل محل كبير جدا قال للعامل الاجنبي اعطيني الترخيص ويوريني الترخيص قال التيس ياشنب اخذته على جنب وقلت ياولد المحل وربي مهو لي قال الترخيص بسمك قال مسوي وكاله لحد ( اصح يانايم ) وعطيه سالفة الاجنبي
قال بس امش وراني 4 محلات اخرى كلها بسمي منها محل اجهزه بشارع الخبيب قلت والحل قال
نطلع العمال من المحلات ونقفلهن وبكرا يجيك الي مستغل اسمك رحنا للمحلات وقفلناهن بمساعدت الشرطه (قصه طويله ) المهم جاني الاجنبي يبكي ويترجاني ونه غلط بفتح المحلات بدون علمي ونه راح يعوضني ب30000 الف هههههه كل شهر المهم بعد صولات وجولات قلت تم
فتحت المحلات وبعد يومين من المراقبه المكثفه على المحلات لقيته يحمل من البضاعه شوي شوي ناوي يجرد فيني جيته وقفلت المحلات وقلت اعلى مابخلك اركبه وركبت اقفال جديده
للمحلات وجبت محاسبين لجرد المحلات وطلع سعر البضاعه فقط ( مليون وسبعمائة الف ريال)
ورحت للمكتب حق الخدمات وسحبت الوكاله وهددتهم اني برفع شكوى عليهم
المهم جوني ناس بالبيت وترجوني وحب خشوم وعرضو علي عرض
مليون ريال كاش كتعويض و 30000 الف ريال كل شهر
مقابل التستر عليهم وستمرارهم بالمحلات
رفضت العرض وطلبت 2 مليون ريال ونقل جميع المحلات من اسمي ووافقو على طول
وحبيت استشيركم اخواني الاعزا هل تصرفي سليم ام لا


التعديل الأخير تم بواسطة حروف الكون ; 06-12-2012 الساعة 12:20 AM
  #2 (permalink)  
قديم 25-11-2012, 04:29 AM
عضو جديد
 
تاريخ التسجيل: Sep 2009
المشاركات: 33
معدل تقييم المستوى: 30
التجارة يستحق التميز

عززز الله انك طحت في كنززززز هههههههههههههه الله يباركلك يارجال والله انها من ربك سبحان من يرزق من يشاء

  #3 (permalink)  
قديم 25-11-2012, 04:33 AM
الصورة الرمزية قهوة بنت نجد
عضو متواصل
 
تاريخ التسجيل: Nov 2012
المشاركات: 74
معدل تقييم المستوى: 24
قهوة بنت نجد يستحق التميز

اللي طلبته هو الصح

هذا حقك
الحين مستغل اسمك له مدة طويله ونصبك ونيته ماهي زينه حتى بعد ماكشفته كان بيسرقك .. تتوقع انه بيمشي على الاتفاق 30 كل شهر ؟

طريق الحرام مايطول خليه يتوب

  #4 (permalink)  
قديم 25-11-2012, 07:40 AM
عضو جديد
 
تاريخ التسجيل: Sep 2012
المشاركات: 27
معدل تقييم المستوى: 24
كحيلاآن يستحق التميز

اللي سويته عين الصواب يا حبيبي رزق وجاء لي عندك

أصل اي واحد منا بيصير معه هالموقف صدقني راح يتصرف مثلك وهذا حقك وانا أخوك

أهم شي التيس لا تنسى تعزمني عليه لبى قلبك ههههههههههههه

موفق خير

  #5 (permalink)  
قديم 25-11-2012, 09:11 AM
الصورة الرمزية Abu Shaima
عضو سوبر
 
تاريخ التسجيل: Aug 2011
الدولة: ღ..تحت أقدام امي..ღ
المشاركات: 433
معدل تقييم المستوى: 373155
Abu Shaima محترف الإبداعAbu Shaima محترف الإبداعAbu Shaima محترف الإبداعAbu Shaima محترف الإبداعAbu Shaima محترف الإبداعAbu Shaima محترف الإبداعAbu Shaima محترف الإبداعAbu Shaima محترف الإبداعAbu Shaima محترف الإبداعAbu Shaima محترف الإبداعAbu Shaima محترف الإبداع

اخوي عشان لاتاكل حرام
افضل شي تعطي السالفة لشيخ وهو يتفي لك ويعطيك العلم الزين
والله يغنيك بحلاله

  #6 (permalink)  
قديم 25-11-2012, 11:43 AM
الصورة الرمزية تسووّق
عضو متواصل
 
تاريخ التسجيل: Nov 2010
المشاركات: 77
معدل تقييم المستوى: 28
تسووّق يستحق التميز

طيب يا أخي ..
دامهم بيعطونك 2 مليون
وش رح تسوي ب 2 مليون ؟؟
دام المحلات جاهزة وماشي سوقها روح وخذها مقابل 2 مليون واستلم ادارتها انت
واستمر شغلك لا يختلف

  #7 (permalink)  
قديم 25-11-2012, 01:08 PM
عضو جديد
 
تاريخ التسجيل: Oct 2012
المشاركات: 14
معدل تقييم المستوى: 24
صقر المارد يستحق التميز

ماشاء الله تبارك الله
الله يوفقك

  #8 (permalink)  
قديم 25-11-2012, 02:26 PM
عضو مهم
 
تاريخ التسجيل: Oct 2009
المشاركات: 253
معدل تقييم المستوى: 98318
بادي الرجم محترف الإبداعبادي الرجم محترف الإبداعبادي الرجم محترف الإبداعبادي الرجم محترف الإبداعبادي الرجم محترف الإبداعبادي الرجم محترف الإبداعبادي الرجم محترف الإبداعبادي الرجم محترف الإبداعبادي الرجم محترف الإبداعبادي الرجم محترف الإبداعبادي الرجم محترف الإبداع

اخوي المصيبه اللي ماتدري عنها يمكن الرجال مستغل السجل التجاري في تنزيل البضاعه بالاجل يعني شكلك مديون عند بعض الموزعين باأكثر من 2 مليون ويمكن كذلك يستورد بضاعه من الخارج باأسم المؤسسه وفي ظهرك يبغالك تشيك مع الجمارك ونصيحه شف لك مكتب محاسبه ويراجع الفواتير وخلص نفسك واشطب السجلات والرخص وفيه حاجه بعد اكيد المحلات شغاله لها كم سنه شوف الزكاه كم راح تكون وتقدر تتأكد طلع برنت من الامانه بعدد الرخص اللي باأسمك وكذلك وزارة التجاره وعدد السجلات اللي عليك .

  #9 (permalink)  
قديم 25-11-2012, 02:56 PM
عضو سوبر
 
تاريخ التسجيل: Jan 2012
المشاركات: 335
معدل تقييم المستوى: 25
فكيتور يستحق التميز

نسال الله ان يوسع عليك ويفرج كربتك
لي ملاحظة على كلمة شائعة وهي غلط
كلمة شاءت الاقدار
المشيئة الكاملة لله وليس للاقدار
بل الاقدار من الله عز وجل
والكلام يطول في هالامر
بالنسبة لوضوعك
ادرس الامر باستفاضة
وشاور من تثق به
واذا قررت عمل شي
استخر وباذن الله يدلك ربي لكل خير

  #10 (permalink)  
قديم 25-11-2012, 03:09 PM
عضو نشيط
 
تاريخ التسجيل: Oct 2012
المشاركات: 197
معدل تقييم المستوى: 24
د التركي يستحق التميز

الغي الوكالة

وشف كم عليك مديونية من تجار الجملة

لأنهم بيعطونك ٢مليون بس كم عليك دين بالأجل

شف كل الفواتير الصادرة والواردة
وكم سعر البضاعة وكم نزل بالمحل وهل هي كاش ولا تحت التصريف
--
حاول تأخذ نسبة من الأرباح
حاول تبصمة على شيكات مفتوحة وكمبالات بدون مبالغ
حتى إذا طالبك بكرة بدين او اي شي
تكتب في الشيك ضعف المبلغ اللي يطلبك
.

موضوع مغلق

(( لا تنسى ذكر الله ))


مواضيع ذات صله الفساد والجــريمة

مواقع النشر (المفضلة) وتحتوي على WhatsApp لإرسال الموضوع إلى صديقك


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة





الساعة الآن 03:01 AM


Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين