استفسار مهم (رجال)

[اعلاميةة]

مرحبا
كنت حابه استفسر منكم
بما ان القسم للوظائف المدنية
ابي اعرف الوظائف للرجال الاكثثثر طلب عليها
ايش تخخصاتها
ابي اعرف المجالات بالدراسة الي لها مستقبل وظيفي مطلوب
ياريت تعطوني وتفيدوني
واكون شاكرة لكم

[طالب علم وعمل]

اسمح لي بكون معك صادق مافيه تخصص له مستقبل حاليا الا العسكرية بعدها وظيفه او طب بشري غيرها بيجلس يدور واسطه او وظيفه ، على اي اساس حكمت من خلال نظره سنتين بالسوق جميع التخصصات معطله ماعدا الطب البشري ، امس بستار بكس مجموعه كبيره تخصصاتهم ماهي بسيطه ( هندسة كمبيوتر ، وطيران ، وكمياء وخريجن ابتعاث) داخلين برنامج تدريب وبعده توظيف في ستار بكس ، ف وش جابه يسوي موكا وكابتشينو الا عدم وجود وظايف ، وشكرا

[حمام قطايف]

الخصصات كثيرة اهم شي ميو الشخص وش يحب من تخصص


ونا اشوف اي تخصص فيه حاسب الي مرغوب بكثرة

وشوف رايي الاخوان يفدونك اكثر

[كآبرس]

أولاً : المهم أن تكون شهادة جامعية
المستقبل الوظيفي لأصحاب الثانوية محدود جداً جداً ..
ثانياً : تكون الشهادة الجامعية تربوية , حتى يحصل فرصة للتقديم على الوظائف التعليمية
ثالثاً : التخصص الإنجليزي مرغوب والحاسب وما يتعلق به
رابعاً : المعدل مهم جداً ويؤثر نوعاً ما في الفرص الوظيفية
خامساً : خلال خمس سنين مستقبلاً تقريباً نصف الشباب جامعيين , يعني لازم الواحد يتميز عنهم
مثل ياخذ له دورة "إدخال بيانات ومعالجة النصوص" , أو دورة إنجليزي , المهم تكون معتمدة ولا تقل عن ست شهور
وأخيراً وأهم نقطة : الأرزاق بيد الله , والاعتماد على الأسباب شرك , وترك الأسباب خلل

[اعلاميةة]

مشكورين ع التجاوب
والرد
ومثل ماقلتم هالفترة فرص التوظيف قليلة
واغلب التخصصات مو سهلة
بس الرزق بيد الله


بس الي حابه اوصله لكم
بعد 5 سنوات من الان
ياترى الهندسة لها مستقبل ؟
او الحاسب ومايخص الاي تي هي الاقوى .

[اروع]

تخصصات الطب دراسة 7 سنوات وبعدها تقدم على جدارة وان شاء الله في ظرف سنه تتوظف

عندي كم واحد في العايله تخصص طب ودرسو 7 سنوات وبعدها على طول توظفو

ولاحظو في جدارة تسجيل الطب في السنه تقريباً 3 مرات


او يتخصص تخخص تربوي انجليزي او تخصص قوي ويقدم على التدريس

بس هاه قلنا تخصص قوي مو دين والا لغة عربيه الى الكل داخل فيه وينتظر


هذا اغلب شي بالنسبة للوظايف في القطاع الحكومي

والله يوفق يارب