تكفون مصيبة جديدة في القطاع الخاص بأبها

[كاشفة الفساد]

السلام عليكم
باختصر عالجميع وادخل في الخبر المزعج
خبر فريش او مصيبة جديدة من مصايب هدف وطاقات والبوابة و التوظيف و التوطين اللي ماشفنا منه شي على ارض الواقع .......اسال الله ان تكون غير رسمية لانها لو مصرحة من وزارة العمل رحنا فيها
الخبر الجديد اخوي جاني يبغى يعيد حساب التزاماتنا هذا الشهر..خايف من الفصل
يقول لي ان الشركات و السوبرماركات بأبها و خميس مشيط قامو يفصلون الشباب و يقولون لازم تسجلون بالبوابة الوطنية وتتوجهون لمكاتب طاقات بعدين نرجعكم للعمل
تم فصل شباب من اصدقاؤه في بندة و العثيم والراية وهو خايف على مكانه الحين مع انه حارس امن فقط


السؤال هل طاقات و البوابة الوطنية هدفها توظيف العاطلين ام تعطيل وفصل الذين على راس العمل؟؟؟؟؟؟؟؟؟؟؟؟؟؟
ام انها حركة جديدة و مستميتة من تسليكات طاقات فرع الجنوب بالتعاون مع علاقاتهم في القطاع الخاص ليخرجو باحصائيات توظيف وهمية ويقدموها لهدف؟؟؟
بالذمة تفصلون اللي فوظيفته سنتين ليش ؟؟؟هبالة هذي او استهبال؟
ليت اي احد مطلع على وزارة العمل يفتينا في المصيبة الجديدة هذي

[انمحمد]

رحو اشتكو مكتب العمل وديوان المظالم

[أحلامنا وردية]

صديقي ...ما فصلوه

عطاوه مهله للتسجيل في طاقات وإلى الان حارس امن ..في شركة


مممكن الهدف خلق فرص متساوية للعاطلين ...اعرف حارس امن في بنك ماخذ فترتين حراسه اخر الليل من 11 م إلى 7 ص

والعصر ...يعني ماسك موقعين ...وهو فقط ينام بالبنك !! ولا احد يعرف عنه لانه بنكين مختلفين



الله يفرج هم كل عاطل ...ويرزق الجميع بكل خير

[كاشفة الفساد]

المشاركة الأصلية كتبت بواسطة أحلامنا وردية

صديقي ...ما فصلوه

عطاوه مهله للتسجيل في طاقات وإلى الان حارس امن ..في شركة


مممكن الهدف خلق فرص متساوية للعاطلين ...اعرف حارس امن في بنك ماخذ فترتين حراسه اخر الليل من 11 م إلى 7 ص

والعصر ...يعني ماسك موقعين ...وهو فقط ينام بالبنك !! ولا احد يعرف عنه لانه بنكين مختلفين



الله يفرج هم كل عاطل ...ويرزق الجميع بكل خير

اشكر ردك ولكني بحثت في الموضوع ولقيته خطير و منتشر هنا في ابها وخميس مشيط بشكل مزعج

اولا :طاقات في الاصل تم تخصيصه لتوظيف المستفيدين من حافز وليس الموظفين في القطاع الخاص يعني عنهم قاعدة بيانات بالمستفيدين والمستفيدات على اساس يدربونهم ويفتحون لهم شواغر في القطاع الخاص و الشركات المشغلة لطاقات تاخذ دعم من حكومتنا ضخم مقابل هالشي
ثانياً: هذا الشاب اللي اعطوه مهلة يسجل بطاقات لاقي وظيفته و متوظف بجهد شخصي مو من طاقات ولا الموارد البشرية ...يفصلونة ويطالبونه يسجل بطاقات ليش؟؟؟المستفيد الوحيد هو الشركات المشغله لبرنامج طاقات لانه اذا سجل بيرفعون اسمه على انه تم توظيفه من خلال مركز طاقات و تحصل الشركة المشغلة على 800 مقابل توظيفه و1600 مقابل استمراره ل3 اشهر في الوظيفة ..وصاحب العمل يحصل على دعم الراتب من هدف...ابغى افهم شايفيننا اغبياء مانعرف ان الموضوع كله اختلاس على ظهر المساكين اللي تشرشحو ولقو وظايف واستمرو فيها تجي طاقات تاخذ الفضل كانها بالفعل لها يد في توظيف الشباب؟!!!!
وان افترظنا انه مارضي يسجل وفهم الغرض من الموضوع ليش يتم فصله؟؟؟ هذا تواطؤ ونصب ضد شباب الوطن اتمنى يوصل الامر للمقام السامي باللخبطه الحاصلة في طاقات عسير لاه احتيال وتضليل لاحصائيات حكومية وهدر مالي بتقديم الدعم عن التوظيف لشركات التوظيف مقابل توظيف لم يتم اصلاً من خلالهم

[كاشفة الفساد]

طبعا لمن يظن ان الامر ابسط من ان نثير عليه ضجة اتمنى تحسبون هالمعادلة البسيطة /

لو رفع مركز طاقات كل شهر انه وظف 50 رجل و 50 سيدة وطلب الدعم من الحكومة مقابل توظيفهم ينزل للشركة المشغلة للمركز بدل عمليات التوظيف هذي ناتج 100 ظرب 800 مكافئة عملية التوظيف =80000 ريال
ولو افترضنا انه استمر من هؤلاء 80 شخص لمدة 3 اشهر ما فصلو ياخذ المركز مقابل توظيفهم واستمرارهم في عملهم مبلغ وقدره 128000 ريال بواقع 1600 ريال مقابل كل شخص استمر 3 اشهر في عمله من هذولا الثمانين

طيب تخيلو 12 شهر نضربها في 128000+80000=2496000ريال سنويا لكل تتحول في حسابات الشركات المشغلة لمراكز طاقات المنتشرة في المملكة يزيد او ينقص المبلغ حسب ضخامة الارقام والاحصائيات اللي يقدمها المركز لوزارة العمل و للموارد البشرية هدف

مجمل القول هالتوظيف و حافز و طاقات كلها تترجم بتمويل حكومي و ملايين تصب في حسابات شركات اصبح همها الوحيد رفع ارقام التوطين وعمليات التوظيف حتى لو عن طريق فصل موظف من عمله و اعادته اليه بعد اجباره على التسجيل في طاقات

اتمنى تكون الصورة توضحت ويفهمها احد يوصلها للسفهاء اللي ماسكين الوزارة بالرياض لان وزارتهم صارت منخل لاموال الدولة يصب في جيوب شركات من المفترض انها تخلق وظايف لابنائنا وبناتنا ....وظايف فعلية مو ارقام على ورق