شروط أستبدال رحصة سياقه

[أزرق و أصفر]

السلام عليكم ورحمة الله وبركاته

كيف حال الجميع أنشاء الله بخير وسلام..........

ممكن أستفسار صغير أنا عندي رخصه خصوصي وأبغى أبدلها برخصه عمومي خفيف وأبغى أعرف الشروط والاوراق المطلوبه والعمر والمبلغ كم ومدة الدراسه كم يوم وهذا ولكم جزيل الشكر والعرفان......................

وآسف على إزعاجكم وأشغالكم معي

[جلاد الصبر]

حياك الله يانصراوي
الامر بسيط ان شاء الله وانا طلعت رخصه عمومي والخصوصي عندي بس والله مااذكر الشروط بالضبط لاني نسيت
بس انت مرهم واخذ جميع اثباتاتك وصوره شخصيه 6/4 وشروطهم ميسره وبسيطه
توكل على الله
اول ماتدخل مبنى دله تحصل على المدخل شروط استخراج الرخصه العمومي
ومده الدراسه 15 يوم دراسه على اللوحات الارشاديه فقط
واذا لك واسطه تختبر وتطلع الرخصه من اول يوم
والاختبار على ددسن بما انك بتطلع رخصه عمومي خفيف
انصحك تطلع رخصه عمومي ثقيل
العمر على مااظن من 21 سنه وفوق

[أزرق و أصفر]

واذا لك واسطه تختبر وتطلع الرخصه من اول يوم

هذي الموصيبه حرف الواوواسطتي (( الله سبحانه ))
مشكووور وبارك الله فيك ........ أخوي العزيز جلاد الصبر

[عالم القهوة]

المشاركة الأصلية كتبت بواسطة أزرق و أصفر

هذي الموصيبه حرف الواوواسطتي (( الله سبحانه ))
مشكووور وبارك الله فيك ........ أخوي العزيز جلاد الصبر

ونعما بالله

[علااوي]

اذا انت من جدة روح لدله الي في المحجر افضل واسهل
رسوم الرخصة 200
رسوم الدراسة 500
تسديد المخالفات
العمومي الثقيل افضل لكن فيها شوية صعوبة لانك بتسوق تريله

[هيبة اسد]

عمومي خفيف وش راح تفيدني فيه احسن اطلع ثقيل صح ؟؟؟

[عريف فني]

أول شيء يالغالي يشترط عليك وجود بطاقة الهوية الوطنية طبعاً وثاني شيء طال عمرك مآعليك إلا تآخذ معك صورتين 4×6 حديثة ملونة والخلفية بيضاء حسب ماذكر وتروح دله أنا أتكلم لك عن الشرقية " الدمام " يعني اعذرني ع القصور أما بالنسبة للدراسة فلا تشيل هم كلها خمس أيام
وأنصحك تآخذ عمومي متوسط لأنه من صالحك أول شيء إختباره سهل لانك راح تختبر ميدان على دينا صغيره مايبيلها يعني عشان اريحك وطبعاً قبل اختبار الميدان راح تختبر تحريري بعد ماتخلص الدراسه وتعتمد طبعاً هي المفروض خمسة ايام بس انا خذيتها بعد ثلاث ايام لاني مرتبط بشغل كلمتهم وفهمتهم وضعي وماقصروا وقعولي على الكرت وحددوا لي موعد اختبار والحين انتظر نتيجة البصمات فقط وبعدها استلم رخصتي ، هذا وصلى الله على نبينا محمد والعذر ع القصور طال عمرك ..