لـيــش الـنــاس يـكـرهـون الـجـيـش ( دعـوة لـلـنقـاش )

[متهور في العطالة]

القوات البرية او مايسمى ب ( الجيش ) ليش الناس تكرهها يعني لما اسال واحد انت ليش ماتقدم على الجيش يقولي مابقى غير اخر زمن اخش الجيش
انا ماني عارف ليش الناس يكرهونها ....
دعوة للنقاش
كل واحد يحط رأية ؟؟؟؟؟؟؟؟

[دفي دوووف]

فعلا موضوع حلو ويستاهل النقاش

الي انا اعرفه السبب ضعف الرواتب وخصوصا للافراد

والسبب الاهم التنقل المستمر بين المناطق وعدم الاستقرار

[الرقيب فيصل]

قطاع تعبان من جميع النواحي رواتب وترقيات وعمل ودوره كلها

كم راتب الجندي الان في الجيش اتوقع مايتجاوز الخمسه الاف
طيب الخمسه هذي تعيشني شهر كامل مع الايجار ومصروف البيت

وبعدين اكثر اتعين في المناطق العسكريه مثل تبوك وخميس مشيط وانتم عارفين المدن العسكريه كيف الايجارات فيها

تصدقون رقيب في الجيش ابن عمي راتبه يقول 6000 وهو رقيب
الرقيب في المباحث ياخذ 15000 وبالامن العام ياخذ 10000 فرق كبير بين وزاره الداخليه وو وزارة الدفاع

[إبو الجازي]

هلا اخوي
يكفيك مافي رواااااااااااااااتب

[سما الذكريآت]

الجيش باختصار العالم شاردين من جندي منتف فيها ..يعني الاغلبيه يجي اقلك حرام اقتل عمري فيها متخرج ثانوي..بعدين ترى الجيش يعني فيه أشياء حلوه زي عندك التموين والصيانه لاكن واسطات فيها~ وفي المظليين والخاصه هذي حلوه..بس مشكله الجيش..تبوك الخميس..ونادرا ماحد يجي جده القياده الغربيه..

لكن عن طريق كليه الملك عبدالعزيز الحربيه شي طيب جدا ومرغووووووووب تخرج ملازم

وبيني وبينك الناس صارت تفكر وتأمل بقطاعات الداخليه..كل بعد كذا سنه يسون قطاع زي قوات الحج والعمره..امن المنشأت ..و60 الف وظيفه تستوعب تصرف النظر عن الجيش الا في مجموعه يمكن اصحاب الكفاءه يدخلون الجيش لان هو خيارهم الوحيد في العسكريه...

[لقوه العاشره]

والله أنا عني ما ابغى أخش الجيش
1- عشان الراتب الضعيف مره .
2- جى تعييني في تبوك وأنا من جيزان
الراتب ما يكفي للاكل وإلا لسكن وإلا لبناء مستقبلي
كان ودي والله بقطاع بداخليه بس كل ما اقبل اسقط في الكشف الطبي
مميزات القطاع إلا بالداخليه رواتب مرتفعة النقل مو كل ما تحصل ترقيه تنقل
الجيش مثلا أنت في جيزان وأجت ترقيتك في تبوك
كل ترقيات الجيش كذا تاجي في مكان ثاني

[ترافياان]

انا بالدفاع الجوي امن وحماية رابتها فوق الـ 6

ما كنت افكر ادخلها ابد من كلام الناس عنها

لكن سألت كثير يشتغلون فيها الدوام حلـو والراتب احلى

والاحلى من هذا كله ان الدورة والتعيين بالحفر في ديرتي

يعني استلم 6 الاف في ديرتي وفي بيتي احسن من اخذ 8 الاف برى في مكان ما ااعرف احد فيه والراتب نصه على الايجار

[مميز المميز]

رواتبه سيئة جدا

[AL.3BDLI]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين

والله الجيش معفن وكرف وملعنه وكل شي

1-رواتب خايسه
2-استلامات في الستلامات
3-ترقيات معدومه اصلاً مافي ترقيات
4-دورات وتنقلات من منطقه لمنطقه
5-مشاريع وهذي الي تقهرك وتلعن شكلك
6- الاجازات شبه معدومه
7-بس خلاص


بس اذا ماحصلت الا الجيش بيكون الجيش حلو

انا قدمت في جميع القطاعات وجبت واسطات ودفعت فلوس>رشاوي<
لاكن للأسف لم يتم قبولك السبب
النسبه /64% التقدير /مقبول

لاكن مو هذا سبب عدم القبول السبب المواضبه والسلوك ناقصه واجد


طبعاً في هذه الحاله بيكون الجيش حلو وأن شاءالله يقبلوني

والله يوفق الجميع

[وقت الرحيل]

روتب الجيش هابط