داخلن على الله ثم عليكم تساعدونا لاجل امي تكفووووون طلبتكم

[صمت المواجع]

السلام عليكم ورحمه الله وبركاته

تكفوووووووووون داخلن على الله ثم عليكم يالعالم اقسم بالله ماسجلت هنا الا لاني ابي القلوب
اللي عندها احساس وطيبه ويرحم الدمعه اللي نزلت من اغلى انسانه وهي امي انا مابي شى
منكم قد مابي اشوف امي فرحانه ومستانسه ومرتاحه والله يالعالم انا شفنا اقسى الظلم والحقد
والحسد والكراهيه وكلنا نقول بكره بيتعدل الوضع ونحمد الله ونقول الله العالم بحالنا ومايخفي عليه
شى فوق سبع سموات ونبكي نبي من يعيشنا بسعاده مثل غيرنا ولا نشوف كل هذا وانا والله ماسجلت
الا من نار تشب بقلبي وماعاد نقدر نستحمل اكثر من كذا وانا اقولكم قصتي وعيوني تدمع والقلب
مكسور والامل بعد الله باقي والقصه هي انو ابوي عذبنا وذلنا وحرمنا من الوناسه واقل حقوقنا حرمني
من وظائف الشركات (مساعد اداري مشاريع-مساعد مبيعات-مساعد اداري بشركه) ورواتبها من 4500 الى 7200 وزياده كمان وحرمني من وظيفتي السابقه اللي احبها ومرتاح فيها بسبب رواتبها قليله
وتحملت لاجل امي تكرم مدينه وكانت امي تقولي ياوليدي هذا حال الدنيا اصبر والله ماينسى عبده
وصبرت وتحملت واتصلوا على كذا وظيفه وكنت افرح وابشر امي بقبولي بالوظيفه ابي افرحها مثل مافرحتني قبل واقعد اخطط ابشتري لكي هديه وابي اشتري جوال واعطيكي فلوس بس ما اشوفها
زعلانه والله امي تسوى الدنيا وكلمت اجي لابوي وعلى نياتي فرحان واقوله قبلوني وظيفه ويقولي انطق بس مافيه وعلى هالمنوال وكان يجونا ناس للبيت ويسئلوني بشر تخرجت وش تشتغل ويدخل ابوي بالحديث ويقول توه ورع خليه يجلس بالبيت واصبر ومرت الايام وبدات المشاكل بين
ابوي وامي واكثرها ابوي يجي من برى ويبدا بالطق فينا بالبيت واحنا مالنا ذنب العالم تكفخه برى
ويجي حرته في امي طق ظلم اهانه حقد حسد نكران الجميل وكذب عيني عينك عيشنا ازفت عشت وكلنا نقول الله معانا مانبي نشتكي لاحد والبيوت اسرار لكن اذا صارت الدنيا اهانه وظلم وحقد وحسد وطق ليل ونهار وبكي ليل ونهار لا ليلنا نهار ولا نهارنا ليل وصبرنا وكل يوم اشوف الوضع يزداد سوء
بتقولوا وش الاسباب :الاسباب ترجع لتعامله وخيانته لنا وكذبه واتهامه لنا بسرقه فلوسه كما يدعي واخوانه تبروا منه وامه تبرت منه وحرم امي من اخوها وخواتها وحرمنا من خوالي وخلاتي وعماني وحرم امي من ورث ابوها الله يرحمه ويغمد روحه للجنه يارب لمده 15 سنه وهي تشوف حلالها ياكلن من قدامها وتصبر واتقول الله يعوضني والحمدالله على كل حال (واغراض البيت اساسيه)
يقعد يذلنا عندها علشان يجيبها وامي تقوله ترى البيت ناقص(ن)بوه كذا وكذا وهو متعمد مايجيبها علشان اذا قالت انا موصيك وماجبتها يقوم يطقها وهو دخان يوميا 18 ريال يشتريها وماقال خساره ويوم احتجنا شى ذلنا عندها ويكذب عيني عينك انا جايب فيه الكذب راكبن من راسه لساسه وفوق هذا كلوه حاط ناس يراقبون البيت فين نروح وفين نجي واقسم بالله يا عالم انو ماطلعنا من البيت من يوم يطلع هو الى ان يجي وحنا جالسين بالبيت واللي يراقبونا يكذبون عليه ويجي يحط الحره فينا هذا غير السب والشتم فينا وانتوا تعرفون ايش يجي مع السب والشتم تعبنا من هالحياه على كل الكذب والظلم اللي شفناه قبل امس حطى جمره حاره على وجهه امي وطقها وصبر الحليب الحار فوق راسها ولا قدرت اوخره عنها وامس كنت نايم وجتني اختي وهي تبكي اتقول تكفى قوم ابوي يطق امي وهي تبكي البيت كله يبكي وطلع له وانه يسحب شعرها ومعها مطقه ويقول انا ادبكي اهلكي ماعلموكي الادب واحاول فيه وقالي انقلع عني ويطقني وطردني برى ويجي اخوي الكبير المتزوج وهو يجلس يعنني ماسوى شى وامي راحت تغسل ودخل عليها وسحبها علشان تسوي له قهوه جديده وهي مسويه له وعلمت اخوي كل السالفه وجلسنا عنده وقال ابوي انت جايبهم عندي فزعه لكن والله ما اتركها واعلمها الادب والاحترام وقال اخوي انت وش فيك هالحين على امي انت رجال وحنا عيالك المفروض انت تعلمنا مو احنا نعلمك المرجله
وقام يكذب على اخوي يقول ليش يطلعون بدون علمي وليش حاجات البيت ماتقولي اول باول قالت امي والله ويعلم الله انه كذاب ونصاب عيني عينك والدليل يوم قال اخوي طيب ورني اخر اتصالات اللي جتك على انهم طلعوا وقام يصرف ويقول تجيني العلوم مايحتاج الجوال وامي تبكي واتقول ياليتني اموت ولا اعيش مع واحد كذاب ومنافق واللي انت حاط مراقبين البيت والله لابلغ عنك الشرطه قال ابوي بلغي عليهم وانا اقصك قص مع السب والشتم فيها وفي ابوها الله يرحمه ويغفر له يارب واهلها ماعاد نستحمل العيشه هاذي ذقنا انواع العذاب تكفووووووووووون طالبكم ساعدونا وش نسوي ووين نروح حياتنا كل مالها تسوء والله تعبنا مالنا غير الله ثم القلوب اللي تحس بالمعاناتنا
تكفووووووون مابي اشوف دمعه امي تنزل ابي اشوفها مرتاحه ومستانسه والله البيت بدون ضحكه امي ولا شى والله مو عارف وش اسوي ضاقت علي الدنيا ومالنا غير الله ثم انتوا عطونا حلول اقسم بالله من قوه قهرني ابي افقع كفرات السيارات واكسر القزازات واخسره مبلغ واجد علشان يعرف هالقوه اللي جاته كلها راحت والله مو قادرن اكمل تكفوووووووووووون اعطوني حل والله مابي شى منكم غيره

[انفاس مبعثره]

ارجع لوظيفتك واطلعو من البيت وخلوه

[قلبي له حكايه]

لاحول ولاقوه الا بالله والله دمعت عيني من قصتك الله يفرجها عليكم اخوي
ويهدي ابوك ويرجعه للصواب الحق .. ليش تعامله جاف معكم اتوقع انه صار طبع فيه
بس حاول تكلم ابوك وتحب على راسه حاول انك تاخذه باللين والسياسه
واذا مابينفع معه دورلك على وظيفه محترمه وراتب طيب تقدر تصرف على امك وخواتك واطلعوا عنه
وخلوه ليين مايتأدب وبعدها قدم لاامك بالضمان من ظمن المهجورات وراح يمشي لها راتب اهي وبناتها
لان التعامل مع بعض الاباء بيكون صعب ودايما هم اللي على حق والابناء على خطا
الله يكون بعونك يارب ياكريم ويخليلك امك ويطول بعمرها

[صمت المواجع]

المشاركة الأصلية كتبت بواسطة قلبي له حكايه

لاحول ولاقوه الا بالله والله دمعت عيني من قصتك الله يفرجها عليكم اخوي
ويهدي ابوك ويرجعه للصواب الحق .. ليش تعامله جاف معكم اتوقع انه صار طبع فيه
بس حاول تكلم ابوك وتحب على راسه حاول انك تاخذه باللين والسياسه
واذا مابينفع معه دورلك على وظيفه محترمه وراتب طيب تقدر تصرف على امك وخواتك واطلعوا عنه
وخلوه ليين مايتأدب وبعدها قدم لاامك بالضمان من ظمن المهجورات وراح يمشي لها راتب اهي وبناتها
لان التعامل مع بعض الاباء بيكون صعب ودايما هم اللي على حق والابناء على خطا
الله يكون بعونك يارب ياكريم ويخليلك امك ويطول بعمرها

حاولت معاه بكل الطرق وكل هالطرق طق بطق ومانعرف نرتاح مثل العالم
واذا عن الوظيفه تجيني بمنصب كبيره بالشركات ويرفض مافيه فايده
احنا ماغلطانا ولا سوينا جريمه وكل هذا يصير وماحدن يقدر يستحمل
كل يوم طق وهواش لانعرف نرتاح مثل العالم ولا الطيب ينفع شنسوي عاد
مثل ما اخوانه وامه تبروا منه حتى حنا تبرينا منه وبالنسبه لي مايستحق اطلق عليه كلمه ابوي وهو كذا افعاله

[صمت المواجع]

انا والله مدري شسوي تعبنا من هالحاله ابلغ الشرطه وارفع شكوى لحقوق الانسان والديوان الملكي والامير سطام
ولا وش اسوي بالضبط والله حالتنا حاله تكفون شوروا عليه تفكيري انشل مو عارف شسوي

[أنينن الكتمان]

في كل خطوه تخطوها في كل مكان و على اي وضعيه >> [ إستغفر الله ] ،، والله انه مفتاح لي جميع الابواب المغلقه .. كلما احسست بااليأس من الإستغفار جدد النيه و إستغفر أكثر .. حتى إنصح جميع من في البيت يستغفر انت وامك و أخواتك ،، مع عدم إعتماد أحد على الثاني في الإستغفار ..

،،

انت شخص كبير يعني قادر على تحمل المسؤوليه بدون مساعدة أبوك ،، ارجع لي وظيفتك او ابحث عن وظيفه غيرهاا و رتب امورك و لـا تعلم أبوك إنك توظفت و إذا عرف لـا تخبره عن مكان الوظيفه او فين تشتغل ،،ابحث عن سكن لأهلك واترك ابوك في البيت لوحده دون هجره ،، و مثل ما قلت الاخت قدم لي امك على الضمان ولي اخواتك ..

و لـا تنسى تطمناا ... و الله يفرجها عليك اخوي .. و يهدي ابوك ..

[هاجس الروح]

ياقلبي والله قصتك تبكي من قلب لكن من رايي لازم تبلغ الشرطه وحقوق الانسان اما الديوان الملكي والامير سطام
اشوف انها صعبه
بتجيك رساله هالحين وبساعدك على قد ما قدر
واذا عن امك واسيها وحاول تخفف عنها
وابوك هذا اسجنه مع اللي يراقبونكم وبس
والله يكون في عونكم ياقلبي

[طيور بلا أجنحة]

الله يعينكم يارب

لكن لا تسكتون ,, زي ما قالو الاخوان توظف ولا تعلمة واطلعو في بيت ثاني ..

او انكم اشتكووة لحقوق الانسان ,, لان ها الانسان ضرر ممكن يؤذي

طيب لو بكرا لسمح الله صار لامك شئ يصب عليها حليب حار وجمر حار بوجهها

شوف المفروض اذا ضرب امكم لا تخلونة يضربها لا تخافون منه ,,

اشتكووووة هذا شئ اكييد لان يمكن يكون مريض نفسي او شئ بكرا يمكن يرتكب جريمة ويقتل واحد فيكم ..

اطلعو من البيت واتركوووة يعني مهما كان الله خلق للانسان عقل يتصرف مو يسكت ..

واذا توظفت مو لازم تقولة ولا تخاف منه ..

استغفر الله العظيم واتوب اليه

الله يعينكم يارب ويفرج همكم ..

[مازن البلادي]

اخوي احجر عليه صحيح هذا ابوك بس ماعليك احجر عليه وانتهت المشكله واطلعو من البيت وارجع لوظيفتك واستاجر احلي شقه ولو رجع اذاكم احشره ومسط فيه الين مايأذن عندك

اللي يسوي كذا حرام يكون اب استغفر الله شي يقهر

[طيور بلا أجنحة]

بس يفضل لو تبي تشتكي عليه الشرطة ان لا يدري ابوك انكم انتم الي شاكينة عشان لا يحقد عليكم ويسوي شئ اكبر من كذا اذا طلع ..

يعني قولو واحد غريب اشتكي ماتعرفونة ..

هذه نصيحة ناس مجربين في قضيتك

الله يفرج همك يارب