تجمع المتقدمين والمتقدمات لوظائف معيدين ومعيدات جامعة الملك سعود للعلوم الصحية

[طموحة علم]

السلام عليكم
الموضوع تجمع لمن قدم ع وظائف الاعاده

ومناقشه التطورات والامور المتعلقه بالوظيفه
واذا احد يعرف احد قدم وتم قبلوه العام الماضي
وماهي الدول المبتعث لها
وهل الوظيفه تكون في مستشفى او جامعه
حيث مكتوب بالاعلان ان يكون بمستشفى وجامعه ايضا
وتخصصي ادارة صحيه من جامعة الملك عبد العزيز
بالتوفيق للجميع
وهذا رابط التقديم
http://www.ksau-hs.edu.sa/Arabic/Ann...cement105.aspx

[طموحة علم]

طيب عندي سؤال
انا قدمت في فرع الاحساء
وتخصصي ادارة صحيه
هل يكون القبول ع حسب التخصص بكل منطقه
لان الرياض فيها كلية صحه عامه والتي تناسب تخصصي

[طموحة علم]

معقوله ماحد قدم ؟

[عابق الذكرى]

يا جماعة أحد يساعدني

أنا كل مره أقدم عليهم لي 3 سنين ولا يجيني اتصال ولا ايميل ولا شيء !!

وأنا الحين معي ماستر من جامعة سعود وأشتغل متعاونه في جامعة نورة

بس أبي أتثبت .. لأن جامعة نورة ما فيها تثبيت =(

كيف أوصلهم جامعة سعود الصحية واقدم عندهم

أبي أروح بنفسي أو أبي رقم لهم

تكفون ساعدوني يا ناس

[ارغب بالنقل]

وينكم نبي تفاعل

[ارغب بالنقل]

ياجماعة في سؤال في التقديم هل ترغب بالدراسات العليا
وتحدد الجامعة والتخصص والمدينة
انا حطيت داخلية عادي ولا يبون خارجية !

[البتشينو العاطل]

المشاركة الأصلية كتبت بواسطة عابق الذكرى

يا جماعة أحد يساعدني

أنا كل مره أقدم عليهم لي 3 سنين ولا يجيني اتصال ولا ايميل ولا شيء !!

وأنا الحين معي ماستر من جامعة سعود وأشتغل متعاونه في جامعة نورة

بس أبي أتثبت .. لأن جامعة نورة ما فيها تثبيت =(

كيف أوصلهم جامعة سعود الصحية واقدم عندهم

أبي أروح بنفسي أو أبي رقم لهم

تكفون ساعدوني يا ناس

نفس الشي صار لي السنة اللي راحت
قدمت عليهم وسويت مقابلة ولاصار شي الله يكتب اللي فيه خير
مكانهم عند مستشفى الحرس مبنى كلية الطب وقتها يوم سويت المقابلة ماادري اذا نقلوا للمبنى الجديد
بالنسبة للارقام بموقعهم موجود بس مااتوقع يقبلون اي طلب من غير التقديم على النت .. بالتوفيق

[البتشينو العاطل]

يااخواني الموقع كل ماادخل عليه يقولي
The page cannot be displayed
جربت اكثر من متصفح ؟؟

[طموحة علم]

مافهمت كيف يبون داخليه او خارجيه ماكأني شفت هالشئ لمن قدمت !؟

الي ماقبلوها اتصلي او روحي لهم

سؤال ثاني عندي هم عادي يقبلوا اي خريج من جامعه ثانيه
مو شرط من جامعات الموجوده بالرابط تبع التسجيل والتخصصات

[طموحة علم]

كيف كانت مقابلتك العام الماضي؟ وكم شخص متواجد ؟