31-12-2014, 04:06 PM
|
 |
عضو سوبر
|
|
تاريخ التسجيل: Jun 2014
المشاركات: 408
معدل تقييم المستوى: 43055
|
|
السلام عليكم ورحمة الله وبركاته
كيف الحال ان شاء الله بخير
مبروك للي قبلوه والله يرزق اللي ماجاه شيء
انا موعدي يوم الثلاثاء امس
وقبل لا تدخل يدققون على كل شخص يبي يدخل
مثل شعرك طويل او مو لا بس لبس رياضة او اوراقك ناقصة
مايدخلونك الا تكمل الاوارق واذا على الشعر تحلق واذا على اللبس تلبس
وبعدها يعطونكم كرت فيه ارقام وتدخلون في قاعة زي القاعات الدراسية في الجامعة
وبعدها تجي اللجنة ويتم طلب الارقام من 1 الى 10 او الى 11 ب الترتيب يدخلون على اللجنة او حقين
المقابلة الشخصية المبدئية ، اول ماتدخل عليهم تنزل البوت والشرابات وتقيس الوزن والطول
وبعدها تلبس وتنتظر لين ينادونك وتجي وتعطيهم الاوراق وبعدها تنتظر لين يجي دورك عشان المقابلة
والمقابلة عبارة عن ثنين ضباط يسألونك مثل اسمك وش تخصصك وش شهادتك واقراء قران او وش عاصمة
الدولة الفلانية او يعطونك ورقة وتقرها بصوت عالي وبعدها يقول لك تفضل روح للمسرح او القاعة الكبيرة
وفيها تسلم اوراقك ويعطونك كتيب اسمه ( طلب التحاق ) وفيه تكتب على واجهة الكتاب بس سجلك المدني
ورقم الطلب وتاريخ اليوم وبعدها تدبس صورك في الكتيب يمكن 3 صور وبعدها تسلم الاوراق ويعطونك
اوراق وهذه الاوراق :
1- خطاب للأحوال لتأكد من انك سعودي الاصل وانه لم يسبق لك ان توظفت في العسكرية .
2- خطاب للجامعة او المدرسة اللي انت تدرس فيها لتأكد من الشهادة انها اصلية وغير مزورة .
3- خطاب للمستشفى قوى الامن لعمل الفحص الطبي ( ويخيرونك في اي مكان تبي واختر المكان القريب لهلك ) .
4- خطاب للأدلة الجنائية لتأكد ان ماعليك سوابق .
5- الكيب حق الالتحاق تعبيه انت بنفسك وتختمة من شيخ القبيلة والامارة ... الخ
* وعطونا موعد نهائي لتسليم الاوراق : وهو يوم 29 من شهر 3 الحالي .
وبعدها ب اسبوع او اسبوعين موعد الفرز النهائي والمقابلة النهائية .
وهذا اللي حصل معي وبالتوفيق للجميع ان شاء الله ..
وفالكم القبول النهائي يارب .
التعديل الأخير تم بواسطة فههههههههههههههد ; 31-12-2014 الساعة 04:09 PM
|
العرض العادي
