برجر مشوي

[تغيير 0137]

السلام عليكم ورحمة الله وبركاته

ياشباب ابغى مشورتكم ورجاء خاص جاوبوني على قد السؤال الله يوفقكم

انا اناوي افتح محل برجر مشوي في محافظة عدد سكانها تقريبا 30 الف المحل اجاره 1000 ريال شهريا وموقعه كويس وناوي ابيع برقر دجاج مشوي فقط لكن عندي بعض الاسئله اللي مؤرقتني مالقيتلها جواب

1- ايش المعدات اللي احتاجها ؟ وبكم ؟
2- كيف اجيب عاملين ؟ وبكم ؟
3- كيف اطلع سجل تجاري ؟ وبكم ؟
4- وكم المدة اللي اقدر افتح محلي فيها واستخرجله سجل واجيب العمال ؟

وكم يكلفني المشروع مع العلم اني املك 25 الف فقط

تنبيه
( رجاء خاص لاتتطرقون لموقع المحل والنظافه وتطويره واسم المحل ولوحته عشان الموضوع لايضيع ) كل هذي مهمه لكن خلاص تعديت ذي المرحله وابغى ابدا


دراسات الجدوى ما ابغاها لانها مبالغ فيها وانا ابغى اشياء بسيطه من كل صنف حبه يعني ثلاجه ببسي وحده وثلاجة خضار وحده وشواية وحده اكيد انكم فهمتوني وشكرااا

[تغيير 0137]

اللي يفيدني له وجبه مجانية

[تغيير 0137]

ردوا علي يالاجاويد

[الاضافية]

يابوي مايردون عليك لازم انت تشاركهم بمشورعك وتعطينا فكره ارباحه ولا كذا محد يرد عليك

[ايمن المدينه]

1- ايش المعدات اللي احتاجها ؟ وبكم ؟ >>> روح محلات واسال عن اسعارها ومن وين مكان المعدات
2- كيف اجيب عاملين ؟ وبكم ؟ روح الجوزات وقولهم بجيب عاملين وش طلباتكم .. اسعار العامل على حسب جنسيتهم كل جنسيه تفرق
3- كيف اطلع سجل تجاري ؟ وبكم ؟ روح الخدمات الالكترونيه وهم يسون لك كل شي تبيه وكمان لهم بالعمال
4- وكم المدة اللي اقدر افتح محلي فيها واستخرجله سجل واجيب العمال ؟ برضو روح الخدمات الالكترونيه

والله ياخوك اعطيتك نبذه الي اعرفه روح واسال دامك مصمم بمشروعك الله يوفقك ويسهل امرك وصلي الاستخاره بالتوفيق لك

[تغيير 0137]

للرفع

[عآبد]

اجاوبك على اللي اعرفه ومر علي

اذا انت تبي برجر مشوي فيه عندك نوعين

شواية برجر على الحجر البركاني
وشواية برجر على الغاز بدون حجر

وفيه برجر على القريل الصاج وفيه منه نوعين غاز وكهرب والغاز افضل من ناحية اذا صار عطل البصاج

واسعارهن تختلف على حسب الشركه من الصيني والامريكي والايطالي والماليزي وفيه الوطني

والاساسيات اللي تحتاجها للبرجر المشوي

الشواية / قلاية البطاطس/مكبس البرجر/وفرامة لحم/ ثلاجة عرض وفريزر /جهاز كاشير لضبط العمل

ونصيحة اهم شي لازم تنتبه له جودة الاكل ونكهته والعمالة اللي راح تشغل لك المطعم

وباقي الاجراءات اللي سألت عنها سهله بس تاخذ منك وقت

وبالتوفيق

[مهندس مدن]

تحتاج شواية برقر حجر بركاني إذا كنت تبي طعمه يكون مشوي
تحتاج قلاية قسمين وحاملة بطاطس
الأدوات لاتشتريها إلا مستعمله لأن راس مالك صغير لكن حاول تشتريها من مطعم ما كمل سنه بالكثير
وتحتاج فريزر وثلاجة عرض
تحتاج بالبدايه عاملين فقط
ونصيحه مني لاتبيع برقر دجاج بس إلا إذا كان عندك خلطه تكسر الدنيا
أنصحك تبيع منتجات أمريكانا
وبإذن الله أضمن لك النجاح
وراح أحدد لك كل نوع

أولا البرقر المشوي
دجاج


لحم


القسم الثاني المقالي
البرقر المقلي العادي


البرقر المقلي الزنجر (طبعا راح تكون قطعتين لأنهن بالطول )
شكله قريب من هذا ما حصلت له صور



القسم الثالث طلبات جانبيه
أصابع دجاج

نقت



بطاطس



طبعا ميزة كل هالمنتجات ما تحتاج إعداد مسبق كلها تتجهز وقت طلب الزبون وبكذا تكون وفرت عماله وقدمت خيارات كبيره للزبون ففيه ناس تحب الدجاج وناس تحب اللحم وناس تحب المقلي وناس تحب المشوي

طبعا كل إلي فوق يتقدموا بخبز برقر مع مايونيز وكاتشب وخس وطماطم
ما عدا الطلبات الجانبيه فهم يقدموا لوحدهم

طبعا المايونيز والكاتشب تشتري أحجام كبيره وتعبيها بعلب بالمطعم نفسه

[تغيير 0137]

مهندس مدن وعابد بيض الله وجيهكم والله يرفع قدركم

اختصرتوا علي كثير بس باقي الاسعار والمشكله اني في محافظه ولا عندي احد يبيع المعدات

[مهندس مدن]

اشتريها من جده او الرياض الاقرب منك