تضحك قبل ليلة سفرها بـ ليله قبل السما تستقبل أزهارها روح ماتدري إن العمر حفنه قليله ماتكفي لموعد ولا تكفي لـ بوح بتاخذ معاها كل حاجه جميله وبتترك الدنيا على هيئة جروح قنديل حزن وكن قلبي فتيله والدمع قاز وزفرته تشبه النوح

أبكي قصيدة وأشبك البيت بالبيت وأشكي قوافي الليل من كل ضيقه وأدخل بحور الشعر لا من تجليت وأغوص في وسط البحور العميقة في حبكم لاني بحي ولا ميت كني كسير الطير ماله طريقه

حب يغيب وصاحبه ما بعد غاب وحب يدوم وصاحبه في غيابه وحب يذوب خافقً ما بعد ذاب وحب يداوي صاحبه من عذابه وحب حياته كلها لوم وعتاب وحب حقيقي ما يضرك عتابه وحب بلا معنى وحب بلاأسباب يبدأ غريب وينتهي في غرابه

عذبتي بالصد يازين الاوصاف تصد عني وانت غاية منايه بالصد مالك حق في عدل الانصاف وان كان طبعك صد هذا خطايه مشيت لك درب الوفا قدم وخلاف من صادق شعوري وصادق وفايه

وش ناوي؟؟ وليه انت علي قاسي!! كفايه تشعل النيران بقلبي وتجرح احساسي حسبتك اعز انسان هديتك اعذب الالحان تحابينا مثل الاخوان تسامرنا مثل خلان تزاعلنا وتراضينا الا هالمره ترى غلطان طعنت القلب وخليته يعاني نزف والم حرمان وذوقته العذاب الوان حسافة فوق كل هذا تجيني بصورة الولــهان وبكل بساطة تقول اعذرني ترى "ندمـان"

غريبة ماسألتي عن غيابي ولا همك بهالدنيا عذابي كاني في سما دنياك غيمة سحايه صيف من ضمن السحابي تناسيتي الغلا واشواق قلبي ودفنتي الحب في جوف الترابي وبعد مامات اضويتي شموعك شموع افراح نصرك في غيابي سالتك ايش ذنب الحب يقتل!!! لزمتي الصمت وماقلتي الجوابي!!

فمان الله يا راحل وتاركنا بدون أسباب سمعت الشور من حاسد ولا قدرت تاليها نقول إرحل ولو ما عاد تفتح للرجوع أبواب محبتنا الأصيله باقيه باسمي مباديها يا راحل لو يطول البعد منا ما سمعت عتاب نقدر عشرة الغالين والزلات نمحيها رحيلك زوّد الحرقه وغرّق بالدموع أهداب ولأنه باختيارك تقنع النفس بمآسيها وأنا ما ابي يبين الشرح للاقراب والاغراب تكفيك الاشارة والامور بيدك تنهيها وأنا ما كنت أقول الشعر لو ما احس قلبي ذاب عتب عيني على من هو حرمها شوف غاليها

كان المسافة ترفض اني أشوفك خل أتصالك غصب عنها يجيني وكان أتصالك حال دونه ظروفك يكفي رسايل شوق بينك وبيني وان كان مالي حظ حتى بحروفك خلك بعيد ومسكنك وسط عيني